掛住加拿大嘅姨媽姑姐、親朋好友？一於飛去探佢哋，再一齊去玩！長榮呢隻加國優惠，連多倫多都有平，唔係成日有㗎！
香港來回溫哥華$2,802起 (連稅$3,308起)、多倫多$4,049起 (連稅$4,685起)！長榮仲係 Skytrax 5星航空嚟添，質素有保證！
航班係經台北轉飛嘅，不過轉機時間短，等大約2粒鐘就可以上機！而且包埋46kg激大寄艙行李額、飛機餐，最耐可停留1個月添！
以上價格係使用 VISA 及優惠代碼於 Trip.com 預訂嘅。如果冇 VISA 卡，就貴$100，價格都唔錯啊！
今年9月至明年3月出發都有平，不過唔係每日去都有！大家可先上長榮官網，睇多日票價搵出咩日子有抵，然後再去 Trip.com 訂飛啦！
出發日期：2018年9月1日-12月13日、12月24日-12月31日、2019年1月8日-2月1日、2月8日-3月31日
寄艙行李限額：2件23kg
機票有效期：1個月
預訂日期：即日-2018年10月31日 (需於最少出發前14日預訂)
預訂網址：https://hk.trip.com (使用 VISA 卡及優惠代碼「VISA100」預訂)
國泰 / 國泰港龍 fanfares 第304期！
經濟艙：寧波$880 (連稅$1,238)、濟南$880 (連稅$1,238)、河內$1,080 (連稅$1,548)、新加坡$1,480 (連稅$2,005)、仰光$1,580 (連稅$2,044)、東京$2,480 (連稅$2,920)、三藩市$2,980 (連稅$3,804)、孟買$3,280 (連稅$3,770)、布里斯班$3,480 (連稅$4,538)、悉尼$3,480 (連稅$4,502)、馬德里$3,880 (連稅$4,434)
2人同行每位價錢：台北$1,580 (連稅$1,960起)、布吉$1,980 (連稅$2,430起)
確實嘅出發日子及航班時間於星期二朝早8點在 fanfares 網站公佈。每期會分開自由揀日子及指定日子last minute 出發。
估計出發日期：2018年10月21日-11月20日 (自由揀日子)；2018年8月26日-9月1日 (指定日子)
開賣時間：2018年8月21日8:00am (售完即止)
筍遊葡萄牙！土耳其航空推出優惠機票，香港來回波圖 / 里斯本$2,523起！可以漫步里斯本嘅歐式古典風街道，再去波圖呢個海岸城市吹吹海風！
連稅計：波圖$4,296起、里斯本$4,483起！Open jaw 咁飛都得，例如里斯本入、波圖出：連稅$4,311起！明年6月底前出發都得！
土航係 Skytrax「最佳南歐航空公司」嚟嘅，質素唔錯！航班係經伊斯坦堡轉機，轉機時仲可以免費參加 City tour 快閃遊！
票價已包20kg寄艙行李額、飛機餐！另外，豪啲搭商務艙都有優惠價！連稅計：波圖$23,329起、里斯本$23,359起！
出發日期：2018年11月1日-2019年6月30日
寄艙行李限額：20kg
預訂日期：即日-2018年9月20日
預訂網址：
[Travelliker] https://www.travelliker.com.hk
[Skyscanner] https://www.skyscanner.com.hk/
搭國泰直飛南半球！今次有澳洲抵價！香港直航來回悉尼 / 墨爾本 / 布里斯班$2,940起！以國泰嚟講非常抵玩！
連稅計：悉尼$3,972起、墨爾本$3,983起、布里斯班$4,009起！連稅3千9起，正！票價包埋30kg寄艙行李額、飛機餐添！
搭直航機唔駛轉嚟轉去，認真方便！出發日期就係9月至12月，最耐可停留3個月咁耐！當地係春夏季節，可以賞花、玩水，親親大自然！
平機票唔係每日都有，大家可先上國泰官網，睇多日票價搵出咩日子有優惠，然後再去 Skyscanner 訂飛啦！
出發日期：
[悉尼] 2018年9月1日-9月19日、10月3日-10月11日、10月16日-12月13日、12月25日-12月27日、12月29日-12月31日
[墨爾本] 2018年9月1日-9月20日、9月25日、10日10日、10月14日-12月13日、12月25日-12月31日
[布里斯班] 2018年9月1日-9月19日、9月25日、10月10日-10月31日、11月22日-12月16日、12月25日-12月31日
寄艙行李限額：30kg
機票有效期：3個月
預訂日期：即日起 (售完即止)
大韓激抵價！連稅2千蚊就有齊「機票＋酒店」喺釜山玩4日，仲係靚航班時間、包埋23kg寄艙行李額！上 Expedia 訂套票就可以咁抵啦！
乘搭大韓航空，香港來回釜山機票＋酒店，2人同行每位連稅計：4日3夜$2,034起、5日4夜$2,107起、7日6夜$2,270起！ (以最平住宿為例)
10月底前出發都有咁平！航班仲係凌晨機去、晚機返，時間極靚！去到就天光可以去玩，回程又可以玩足大半日先上機！
上述價格已包23kg寄艙行李額、飛機餐，並以2人同行每位計。不過1人出發都冇問題，但因為冇朋友仔幫手攤分房價，價格會貴少少！
(以10月7日去、10月10日返為例，2人同行每位計)
機票＋天空海雲台酒店 ★★★★｜連稅$2,284起
位於海雲台，坐落海邊，無敵海景，可直達海灘。而且位置就腳，機場巴士可達。
機票＋廣安里 K 旅館 (新酒店) ★★★｜連稅$2,378起
2018年開幕嘅新酒店，極近廣安里海水浴場！附近有便利店、唔少餐廳，行7分鐘左右可達地鐵「金蓮山站」！
機票＋海雲台 JB 設計酒店 ★★★｜連稅$2,446起
行3分鐘就去到地鐵「海雲台站」，行去海水浴場都好方便！附近有唔少餐廳食肆，包括人氣食店「伍班長烤肉」！而房間面積幾寬敞，有唔同房型可選！
機票＋南浦露娃酒店 ★★★｜連稅$2,447起
行3分鐘就到地鐵「蓮山站」4號出口，四通八達！房間以柔和色調設計，而且設備齊全，房內就連電腦都有添！
機票＋塔山酒店 ★★★★｜連稅$2,453起
距地鐵「南浦站」5分鐘步程，接近釜山塔、札嘎其市場、南浦洞！房間面積幾寬落，標準雙人房有22平方米！另外有套房、家庭房等不同選擇！
機票＋杏仁酒店釜山站酒店 ★★★｜連稅$2,532起
酒店離釜山KTX站1出口僅5分鐘步程，酒店後有路邊小吃攤，方便食宵夜。
機票＋亞爾本市酒店 ★★★★｜連稅$2,646起
採沉實風格設計嘅酒店，予人簡約大方之感！酒店鄰近地鐵「蓮山站」，行3分鐘即達12號出口！酒店樓下就係 Starbucks，附近有藥妝店、超級市場！
除以上推介，大家可於 Expedia 任揀酒店！揀酒店時，按「價格」由低至高排序，再以「星級」、「位置」作篩選，會易啲搵到啱心水嘅酒店！
套票長短可自訂，最耐玩足1個月都得！不過最遲到於10月底前回程。優惠價都唔係每日都有，大家可先上大韓官網睇多日票價，再上 Expedia 訂套票啦！
提提大家，搵套票時，目的地要填「釜山, 南韓」，咁先會搵到釜山全市嘅酒店。如果你填咗「釜山, 南韓 (PUS – 金海)」，就只會搵到機場附近嘅酒店！
出發日期：2018年8月25日-9月28日、10月4日-10月28日 (須於10月28日或之前回程)
寄艙行李限額：23kg
機票有效期：1個月
預訂日期：即日-2018年10月28日
預訂網址：https://www.expedia.com.hk (以網頁版預訂為佳)
暑假去旅行又貴又多人，其實留喺香港一樣好多嘢玩！好似嚟緊8月24至26日，香港旅遊發展局將會舉行第二屆工銀亞洲香港電競音樂節，鍾意打機嘅你絕對不容錯過！
呢項盛事今年移師咗去灣仔會議展覽中心，唔單止規模大咗，環境仲一定夠晒舒適。今次就等 Big Fun Trip 同大家率先睇吓有咩玩啦！
近年最 hit 嘅 VR遊戲今年將會特設體驗專區，畀大家大玩特玩！現場將會有多款最新的電競遊戲及電玩產品展出，畀每位入場嘅參加者可以率先試玩！
《城市守護者》(City Hero)
好多時 VR Game 都係射擊、打喪屍為主，但全新遊戲《城市守護者》(City Hero)就可以話係另類清新VR遊戲！呢款遊戲屬全年齡向，唔只畀大人玩，連小朋友都可以玩得好開心！
呢款遊戲嘅畫風清新，充滿童真稚趣又有挑戰性，可以供3-5人同時遊玩，玩家要合作，阻止機械人破壞城市！思想咁正面，打機都可以好有教育性㗎！
《生化煉獄》(ZOMBIE JAIL)
VR遊戲嘅特色就係夠逼真，所以先會咁多驚慄遊戲！《生化煉獄》(ZOMBIE JAIL)就係其中一款做得好出色嘅恐怖遊戲，玩家們需要互相合作，擊退由四面八方衝過嚟嘅恐怖喪屍，夠晒緊張刺激，畫風夠晒逼真恐怖（雖然小編都未見過喪屍，哈哈！）
《極限對決》(OVERKILL)
對戰式VR電競遊戲《極限對決》(OVERKILL)首次登陸香港，最特別係可以分隊對決，打破以往只可以同電腦對戰嘅VR遊戲模式！呢款遊戲講述全球陷入生化危機長達20年後，生活物資變得緊絀及重要。為咗生存，你可以去到幾盡？遊戲唔止考大家團隊合作，更要有個人技術，如果唔係就會變豬隊友啦！
HTC VIVE 同 ZOTAC 合作，採用頂尖VR科技及電競產品，帶來亞洲首個 VR電競比賽、VR音樂表演，以及5個不同主題體驗區，非常豐富！
講得電競音樂節，點少得重份量嘅國際電競賽事？今次仲會打全城其中一款最Hit嘅電競遊戲──「香港《絕地求生》世界邀請賽」。呢項賽事總獎金高達15萬美元，吸引咗16支來自世界各地嘅強隊參賽，包括4隊較早前成功躋身7月底在德國柏林首屆《絕地求生》世界邀請賽嘅專業隊伍。最受矚目嘅一定係世界冠軍、中國內地隊伍 OMG 及獲總亞軍嘅歐洲隊 Team Liquid。於早前「香港《絕地求生》世界邀請賽香港區選拔賽中，脫穎而出嘅香港隊伍 GDE 和 HK9 都會參賽，好期待呀！
4. csl x 騰訊《PUBG MOBILE》電競挑戰賽暨亞太區電競邀請賽
參加唔到國際食雞賽唔緊要，事關csl與騰訊旗下手遊《PUBG MOBILE》合作，將舉辦全港首個「csl《PUBG MOBILE》全港電競挑戰賽」，勝出者有機會贏取總值高達港幣50萬元之獎金及獎品。現場更設有體驗環節「全日食雞大作戰」畀進場人士參加，贏取港幣共2萬港元之獎金及由合作夥伴送出之炸雞換領禮券。各位食雞高手，機會嚟啦！
5. 網絡紅人紅白對抗賽
一班網絡紅人伍公子、Rose Ma、達哥、Hana Tam 等將會大玩 Overcooked2、Mariokart Deluxe 等遊戲，上演網絡紅人紅白對抗賽！現場亦會舉行「RETRO.HK懷舊炸彈人挑戰賽」、「皇室戰爭千人聯賽」及「Overcooked2挑戰賽」，大家可以即場報名參加，贏咗可以獲得精美禮品。
現場同時設有中電x電競學堂，邀請多位嘉賓分享電競行業嘅專門知識，多元化嘅題目包括：如何管理職業電競隊、電競行業商機同電競教育等，等大家可以從多角度增進對電競嘅認知同了解。大家想知道更多行內嘅知識就要留意啦
今年邀請咗東方隊及西方隊對壘，兩隊都有唔少出晒名嘅殿堂級玩家，好似東方隊就有《LOL》S2世界冠軍 Bebe，同曾經殺入 Riot 英雄聯盟全球總決賽並取得第二名嘅香港代表 Tabe，而西方隊就搵咗《英雄聯盟》史上其中一名最受歡迎嘅選手 Dyrus 領軍！呢個王者間嘅對決，千祈唔好錯過！
8. Cosplayer 華麗現身
睇完《英雄聯盟王者回歸世界邀請賽2018》仲未夠喉？唔緊要，事關一班 Cosplayer 將會扮演 LOL 唔同角色，將遊戲角色帶到真實世界，畀大家瘋狂集郵！
9.ZOTAC CUP MASTERS《CS:GO》盃賽全球總決賽 2018
「ZOTAC CUP MASTERS《CS:GO》盃賽全球總決賽 2018」同樣會在今年的「工銀亞洲香港電競音樂節」中舉行， 8支分別來自亞洲、歐洲、美洲及中國內地的世界頂尖 CS:GO 電競團隊將會進行多場激戰，爭奪全球總冠軍及高達30萬美元總獎金，破晒香港電競遊戲比賽獎金紀錄！
10. 音樂表演活動
一連三日活動中，多個著名音樂單位將會到場表演，包括 Mr.Wally、李拾壹、徐加晴等等。不過大家最關心嘅相信係性感火辣嘅 DJ Soda！DJ Soda表演日期為8月24日 5:30pm-6:00pm 及 25日3:30pm-4:00pm。至於 Gin Lee 李幸倪就會接力於8月26日3:30pm-4:00pm演出。大家記住捧場支持呀！
11. 香港電腦通訊節 2018
另外，今年電競音樂節將與香港電腦通訊節 2018同場舉行，兩個主辦機構特別合作提供門票優惠，持「工銀亞洲香港電競音樂節」電競賽事門票的人士，可於同日免費到訪香港電腦通訊節，十分抵玩。
工銀亞洲香港電競音樂節2018
日期：8月24日至8月26日
地點：香港會議展覽中心 展覽廳3
電競賽事票價：$50/$120/$250
體驗專區票價：$10
星期一又有 HK Express 新一期優惠啦！21個航點單程低至$138起！今朝 (8月20日) 9點開賣！如果買咗 Ufly-Pass 依家就可以提早上去買。
單程計：台中 / 花蓮$138、東南亞$158起、首爾 / 釜山 / 濟州$238、日本$238起！
來回票價：台中 / 花蓮$276 (連稅$671)、芽莊$316 (連稅$703)、峴港$316 (連稅$749)、清邁 / 清萊$316 (連稅$773)、布吉$396 (連稅$853)、石垣島$476 (連稅$731)、釜山 / 濟州$476 (連稅$896)、首爾$476 (連稅$933)、暹粒$476 (連稅$982)、廣島 / 高松 / 鹿兒島$636 (連稅$891)、福岡$636 (連稅$966)、名古屋 / 東京羽田$636 (連稅$1,089)、東京成田$636 (連稅$1,091)、大阪$636 (連稅$1,126)、寧波$276 (連稅$744)
官網話適用旅行日期由8月27日至11月30日，但小編 check 過有平飛嘅日子唔多！部分熱門航點如東京、大阪、福岡更只得幾日有平飛！
行李寄艙費用：20kg 每程$229，25kg 每程$360，30kg 每程$365
網上後加行李：20kg 每程$275，25kg 每程$430，30kg 每程$435
旅行日期：2018年8月27日-11月30日 (有平飛嘅日子極少)
預訂日期：2018年8月20日9am-8月26日
*HK Express 個系統預設加咗寄艙行李同旅遊保險，如想自行安排旅保 (AXA旅遊保險)，記住自行剔除，揀「無托運行李」同「不用，謝謝。我將另行安排旅遊保險」。
注意：
國泰做緊布吉優惠，想再抵啲，可以上 Expedia「機票＋酒店」一齊訂！
2人同行出發，國泰航空．香港來回布吉機票 (包30kg行李寄艙、飛機餐)＋酒店連稅：3日2夜連稅$2,421起、5日4夜$2,444起、7日6夜$2,487起！(以最平住宿為例)！10月出發，行程長短可以自訂，最耐可以玩8日7夜。
以上價格為2人同行每位計，不過1人出發都得，只係價格會貴小小。
機票＋艾姆巴東酒店 ★★★｜連稅$2,565起
鄰近夜市，只需步行約2分鐘就可食盡各式海鮮及美食！距離芭東海灘約10分鐘步程。附近亦有購物商場，行街食野都好方便！
機票＋布吉塔夫棕櫚海灘度假村 ★★★★★｜連稅$2,805起
位於卡倫海灘 (Karon Beach)，步行2分鐘即可抵達海灘。客房有露台，可欣賞日落景色，度假村設施完善，設有佔地25英畝嘅園景庭園、4個游泳池、健身中心等。並設覆蓋所有區域嘅免費 WiFi。
機票＋山頂泳池別墅渡假村 ★★★★★｜連稅$2,946起
五星級靚 Resort！房間空間寬敞、海景景觀極靚！就連身處酒店靚泳池都可以望到海！步行10分鐘可達三莊海灘！
機票＋卡利馬渡假村及水療中心 ★★★★★｜連稅$3,087起
坐擁無敵海景嘅5星級酒店，設有 Infinity Pool，環境清靜優美。酒店提供接駁車來往市中心，10分鐘即達。
機票＋斯萊特酒店 ★★★★★｜連稅$3,226起
坐落在海濱地區，步行3分鐘即可抵達海灘。額房好有熱帶雨林 feel，部分房型更設私人泳沲！提供 Spa、3個室外游泳池、健身中心、免費 WiFi 等設施。
機票＋拉查酒店 ★★★★★｜連稅$3,754起
位於 Batok Beach 海灘旁邊，步行1分鐘即可抵達海灘。提供享有無敵海景嘅豪華別墅，並設有室外游泳池以，及提供免費 WiFi。酒店更提供定時前往 Chalong Bay 灣嘅快艇之旅。
除以上推介，Expedia 仲有好多唔同嘅酒店、度假村任揀！大家可以自選其他心水酒店。
如想喺行程中住唔同嘅酒店都得，搜尋時剔選「我只有部分日期需要入住酒店」就可以設定套票包邊幾晚酒店，其餘日子再之後加訂其他酒店。
預訂時，記得係先揀酒店、再選機票。揀酒店時，大家可以按「價格」由低至高排序，再以「位置」、「星級」作篩選，會更易搵出心水酒店！去到揀機票嗰版，於左邊「包括的航空公司」揀選「國泰航空」，就可以更快搵到呢隻泰航套票。
提提大家，搵套票時，目的地要填「布吉 (及附近地區)」，咁先會搵到布吉全市嘅酒店。如果你填咗「布吉, 泰國 (HKT – 布吉國際機場)」，就只會搵到機場附近嘅酒店！
另外，同期亦有國泰嘅曼谷 / 芭堤雅 / 華欣優惠套票，有興趣可以順便睇埋。(詳情)
出發日期：2018年8月28日-9月20日、9月24日-9月26日、10月4日-10月12日、10月14日-10月31日
寄艙行李限額：30kg
機票有效期：2-7日
預訂日期：即日-2018年8月30日
預訂網址：http://www.expedia.com.hk (以網頁版預訂為佳)
平飛韓國睇紅葉嘅機會嚟喇！濟州航空將會喺今朝 (8月20日) 9:00AM 推出快閃優惠，香港同澳門出發都有筍價！
香港飛首爾單程$260起 (來回連稅$980起)、濟州$260起 (來回連稅$943起)
澳門飛首爾單程MOP285起 (來回連稅MOP1,295起)
呢個價錢可以凌晨機去晚機返 (視乎供應而定)，值得入手呀！旅行日期由10月1日至10月31日。
提提大家，呢隻機票屬於「特價機票」，只有10kg手提行李額，冇免費寄艙額。如果要寄艙，可以揀貴一級別包15kg行李額嘅機票 (單程$475起)！
出發日期：2018年10月1日-10月31日 (旺季日子除外)
預訂日期：2018年8月20日9:00PM-8月26日4:00PM
正呀！平訂日本酒店、溫泉旅館！日本訂房網 JAPANiCAN (e路東瀛) 推出限時低至5折優惠！不妨趁減價，訂番晚高級溫泉旅館，嚟個一泊兩食！
JAPANiCAN 會有一啲比較具特色嘅日式旅館可供選擇，而且同一間旅館，亦有較多元化嘅住宿方案可以揀，例如某啲一泊兩食嘅方案中，可選擇不同嘅晚餐 (見下圖紅框)。
另外，值得一讚嘅係佢地嘅預訂系統有個「房間供應狀況及價格」功能，大家入咗個別酒店頁面後，click「月曆 icon」(見上圖綠色標示) 就可以一目了然睇晒成個月邊啲日子有平房，日曆所顯示嘅係已含稅及服務費嘅價錢，夠晒方便！
(以下價錢，以2人入位每晚連稅為例。)
[東京] 新宿JR九州酒店 Blossom ★★★★｜連稅$1,357起 (2019年1月28日入住為例) (預訂)
位置超讚，距離 JR 「新宿站」南口只需3分鐘步程。如果是搭機場巴士 (利木津巴士) 來，可在「新宿燦路都廣場大酒店」的車站下車，走路過來也不過是2至3分鐘。客房設計簡約、雅緻，滲出點點悠然、舒泰的品味。
[神奈川．箱根] 箱根綠色廣場酒店 ★★★★｜富士見和式房．一泊二食 連稅$1,914起 (2019年1月28日入住為例) (預訂)
地理位置佳！入住富士見和式房 (富士山景客房) 可以睇到富士山，更可以係露天風呂邊浸邊欣賞富士山同箱根嘅四季景色。
[山梨．河口湖] LA VISTA 富士河口湖酒店 ★★★★｜包早餐 連稅$1,843起 (9月14日入住為例) (預訂)
位置絕佳，同時享有富士山及河口湖一年四季嘅美景。
[千葉] 東京灣喜來登大酒店 ★★★★｜連稅$1,145起 (11月25日入住為例) (預訂)
位置絕佳，同時享有富士山及河口湖一年四季嘅美景。
[群馬] 寳川溫泉汪泉閣 ★★★★｜一泊二食 連稅$1,460起 (9月24日入住為例) (預訂)
沿著寳川溪流而建，位於利根川的最上流處未開發的大自然之中，有日本最大的露天湯屋，熊之溫泉、日本秘湯，寳川溫泉。
除咗以上推介，仲有其他日本酒店及旅館可供選擇，有興趣不妨睇睇。
入住日期：即日起 (視乎個別酒店 / 旅館而定)
預訂日期：即日-2018年9月5日4pm
預訂網址：http://www.japanican.com/hk
提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。
