早前介紹過漢莎平飛，小編有新發現：去 Skyscanner 訂飛、部分航點其中一程搭瑞航，價格仲平多兩舊水！另外連直航德國 / 瑞士都平！
香港來回歐洲各地$2,032起！連稅計：布拉格$3,623起、威尼斯$3,644起、奧斯陸$3,649起、尼斯$3,661起！全部都係連稅3千6起咋！
以上航班係經德國 / 瑞士轉飛嘅。而直航機都有優惠，連稅計：香港直航來回蘇黎世$4,258起、慕尼黑$4,609起、法蘭克福$4,714起！
出發日期去到明年5月底，勁多日子揀！票價已包23kg寄艙行李額、飛機餐！漢莎係 Skytrax 5星航空嚟，可以體驗下歐洲式靚服務！
出發日期：2018年10月8日-2019年5月31日 (部分日子及旺季不適用)
寄艙行李限額：23kg
機票有效期：1個月
預訂日期：即日-2018年9月5日
歎搭阿聯酋飛英倫！香港來回倫敦$3,239起 (連稅$4,780起)！阿聯酋出名高質，搭長途都可以歎住飛！
航班係經杜拜轉飛嘅，包30kg寄艙行李額、飛機餐！而就咁飛杜拜或者其他歐洲航點都有優惠價！
連稅計：杜拜$4,282起、阿姆斯特丹$4,219起、蘇黎世$4,284起、米蘭$4,291起、巴黎$4,521起、慕尼黑$4,660起！
優惠唔係每日去都有，大家預可先上阿聯酋官網，揀「我的日期可以靈活調動 (+/-3日) 」睇咩日子最抵，再上 Travelliker / Skyscanner 訂飛啦！
出發日期：即日-2018年11月30日 (回程於10月4日-10月12日不適用)
寄艙行李限額：30kg
機票有效期：
[杜拜] 3日-1個月
[其他航點] 4日-1個月
預訂日期：即日-2018年8月31日
預訂網址：
[Travelliker] https://www.travelliker.com.hk
[Skyscanner] https://www.skyscanner.com.hk/
Expedia 推出新一期快閃優惠，平訂酒店機會又嚟喇！全球各地酒店房價低至4折！
想再平啲都得，只要成為 Expedia 會員、登入後搜尋，於部分酒店即可享隱藏優惠價！會員仲可以儲積分、換現金券，有機會免費 Upgrade 房間、延遲 check-out 等！儲夠積分後，可以用$0入住心宜酒店添！
(以下價錢為2人入住雙人房每晚計。會員價為登入後，見到有黃色標示即係隱藏優惠價。)
[台北] 趣淘漫旅 – 台北 ★★★★｜連稅$641起 (以9月16-17日為例)
於2017年10月開幕，屬凱撒集團嘅年輕品牌酒店，走活力時尚路線。位置喺正板橋凱撒大飯店旁邊，附近有百貨公司及多個鐵路站 / 客運站，四通八達！
[台中] 文華道會館 ★★★★｜連稅$444起 (以9月11-12日為例)
富藝術感嘅酒店，位於市中心，5分鐘步程可達逢甲夜市。酒店有不同房型，設3人 / 4人房。亦有不同佈置主題，如：「藝術客房」、「沙翁客房」，各有不同風格。
[台南] 台南老爺行旅 ★★★★｜連稅$793起 (以9月11-12日為例)
屬「老爺酒店」集團旗下，以時尚文青風格設計，簡約舒適！位置方面，酒店樓下就係南紡購物中心，一落樓就可 Shopping，自駕遊旅客可以用商場嘅停車場添！
[東京] 赤坂蒙特利酒店 ★★★★｜會員價：連稅$875起 (以9月11-12日為例)
位於赤坂見附站 (地鐵丸之內線)，從A出口到酒店僅350米。到新宿、銀座、池袋唔駛轉線，非常方便。
[大阪] 大阪難波奏酒店 ★★★★｜會員價：連稅$625起 (以9月18-19日為例)
位於地鐵「難波站」出口旁嘅精品酒店，分別離南海電鐵站和JR站不遠，由關西機場坐巴士到OCAT後，只要步行5分鐘就可以到達！
[京都] 京都格蘭小姐酒店 ★★★★｜會員價：連稅$409起 (以9月18-19日為例)
位於市中心，行3分鐘即達地鐵「京都市役所前站」！酒店對面就係便利店、行10分鐘就到新京極商店街！酒店房型甚多，有附庭園 / 園景的和室客房！
[名古屋] 名古屋貝斯特韋斯特酒店 ★★★★｜會員價：連稅$414起 (以9月2-3日為例)
座落市中心，行7分鐘可達地鐵「榮站」12號出口、綠洲21，附近有唔少食肆、亦有幾間便利店。而酒店入面都有2間餐廳，搵食好方便！
[首爾] PJ 酒店 ★★★★｜連稅$701起 (以9月19-20日為例)
酒店位於明洞區，喺地鐵「乙支路4街站」同「忠武路站」之間，附近多食肆、便利店。酒店房間夠大，提供免費接駁車來往明洞購物區同東大門。
[釜山] 塔山酒店 ★★★★｜會員價：連稅$486起 (以9月6-7日為例)
距地鐵「南浦站」5分鐘步程，接近釜山塔、札嘎其市場、南浦洞！房間面積幾寬落，標準雙人房有22平方米！另外有套房、家庭房等不同選擇！
[曼谷] 曼谷沙通安納塔拉酒店公寓 ★★★★｜會員價：連稅$706起 (以9月9-10日為例)
Anantara 旗下嘅酒店式公寓，房型夠晒多元化，由尊貴客房去到2臥室套房都有！無論係情侶定係一家大細都啱晒！而且自助早餐非常豐盛！另外，酒店提供前往 BTS 「Chong Nonsi 站」嘅免費 shuttle bus。
[布吉] 布吉芭東凱悅廣場酒店 ★★★★｜連稅$441起 (以9月9-10日為例)
距芭東海灘約3分鐘步程，酒店本身嘅泳池都超靚！酒店內外環境整潔、服務好！房間可欣賞到泳池景或海景！
[新加坡] 新加坡薰衣草維酒店 ★★★★｜連稅$856起 (以9月9-10日為例)
位於小印度，酒店門口就係地鐵「Lavender 站」出口。附近有便利店、美食街，而步行前往武吉士都唔太遠！
除以上推介，仲有其他地點及優惠酒店，詳情可以上 Expedia 慢慢睇！
入住日期：2018年8月14日-9月27日 (部分酒店至12月初)
預訂日期：即日-2018年8月16日
預訂網址：http://www.expedia.com.hk/expedia-sale
提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。
話咁快，暑假又過咗一大半！想避旺季嘅朋友可以 Plan 吓9月去玩啦！首爾航空就有隻平飛，9月初遊韓價格唔錯！
香港飛首爾單程約HK$200起 (KRW28,800起)、來回連稅約HK$848起 (KRW122,500起)！航班仲係凌晨機去、晚機返，可以收工即飛！
不過票價只有10kg手提行李額，但不包括免費寄艙額。後生仔 Backpack 去可以玩到盡！而且機票不設停留期限，玩幾耐都得！
如要加寄艙行李額，可以揀貴一級、包15kg行李額嘅票價：單程約HK578起 (KRW83,600起)！
航班時間：
[去程] RS532 00:50-05:30
[回程] RS531 20:10-22:50
出發日期：2018年9月1日-9月20日
預訂日期：即日起 (售完即止)
預訂網址：
Sanrio 迷召集！長榮有隻日本優惠，香港經台北來回日本各地$1,727起 (連稅$2,053起)！有得搭埋 Sanrio 主題客機、仲可以 Stopover 台北！
連稅計：沖繩$2,053起、大阪$2,370起、東京$2,628起！部分航班係用 Hello Kitty / 蛋黃哥主題機執飛！再去埋 Sanrio 彩虹樂園就最開心！
只要補返機場稅，就可以中停台北！例如香港來回沖繩、中停台北：連稅$2,186起！呢隻機票最耐可以停留1個月，慢慢玩都冇問題！
票價包30kg寄艙行李、飛機餐，喺日本 Shopping 完、再去台北繼續買都大把位放！出發日期去到明年3月底添，勁多日子任揀！
提提大家：如果想搭 Sanrio 主題機，可以上長榮嘅網站睇睇主題機航班資訊，預訂時揀返嗰班機就可以了！
出發日期：2018年8月28日-9月27日、9月30日-12月19日、12月30日-2019年1月30日、2月10日-3月31日
寄艙行李限額：30kg
機票有效期：1個月
預訂日期：即日起 (大阪機票需於最少出發前30日預訂)
預訂網址：
[Trip.com] https://hk.trip.com
[Skyscanner] https://www.skyscanner.com.hk
國泰 / 國泰港龍 fanfares 第303期！
經濟艙：昆明$880 (連稅$1,239)、首爾$1,380 (連稅$1,832)、加德滿都$2,480 (連稅$3,041)、札幌$3,380 (連稅$3,708)、開恩茲$3,480 (連稅$4,487)、華盛頓$3,800 (連稅$4,624)、哥本哈根$3,980 (連稅$4,508)
2人同行每位價錢：三亞$1,350 (連稅$1,710起)、曼谷$1,680 (連稅$2,130起)、馬累$13,590 (連稅$14,310起)
確實嘅出發日子及航班時間於星期二朝早8點在 fanfares 網站公佈。每期會分開自由揀日子及指定日子last minute 出發。
估計出發日期：2018年10月14日-11月13日 (自由揀日子)；2018年8月19日-8月25日 (指定日子)
開賣時間：2018年8月14日8:00am (售完即止)
望望月曆，原來上個星期立咗秋啦！依家 Plan 定去韓國 Shopping 換季都差唔多啦，仲可以順便睇埋紅葉添！
乘搭國泰航空，香港來回首爾$1,672起 (連稅$2,124起)！包30kg行李額、飛機餐！航班有得揀凌晨去、午機返，時間都幾實用！
銀聯卡用戶再筍啲添，於國泰官網預訂：來回連稅$2,052起！回程送多10kg寄艙額，即係有40kg嘅位等大家爆買！
提提大家，銀聯卡優惠價只限10月底前出發。如果想11月打後去，就可以上 Hutchgo 用韓國優惠代碼訂，最遲明年3月底出發都得！
出發日期：
[其他信用卡用戶] 2018年8月28日-9月20日、9月24日-9月27日、9月30日-12月19日、12月30日-2019年1月31日、2月9日-3月31日
[銀聯信用卡用戶] 2018年8月28日-9月20日、9月24日-9月27日、9月30日-10月31日
寄艙行李限額：
[其他信用卡用戶] 30kg
[銀聯信用卡用戶] 去程30kg、回程40kg
機票有效期：2-7日
優惠代碼：
[其他信用卡用戶] KRFOR1 (1人出發) / KRFOR2 (2人出發) / KRFOR3 (3人出發) / KRFOR4 (4人出發)
[銀聯信用卡用戶] HKUNIONCUG
預訂日期：
[其他信用卡用戶] 即日-2018年10月31日
[銀聯信用卡用戶] 即日-2018年8月15日
預訂網址：
[其他信用卡用戶] https://www.hutchgo.com.hk
[銀聯信用卡用戶] https://www.cathaypacific.com
想去新西蘭親親大自然，呼吸下新鮮空氣？澳洲航空嘅優惠價格唔錯喎！香港來回奧克蘭 / 基督城$3,452起！連稅4千起咋！
連稅計：基督城$4,087起、奧克蘭$4,113起！航班係經墨爾本 / 悉尼轉飛嘅，票價包埋30kg寄艙行李額、飛機餐！正！
出發日期去到明年5月底，大把日子任揀！想玩齊南北兩島的話，Open jaw 咁飛就最方便！例如基督城入、奧克蘭出：連稅$4,168起！
出發日期：即日-2019年5月31日 (部分日子不適用)
寄艙行李限額：30kg
機票有效期：1-3個月
預訂日期：即日起
HK Express 推出最新優惠，今期係買去程、送回程！香港來回東南亞$398起、韓國$598起、日本$798起！價格一般般，平過上次$1咁大把！
來回票價：峴港$398起 (連稅$831起)、清萊$398起 (連稅$855起)、布吉$498起 (連稅$955起)、首爾$598起 (連稅$1,055起)、暹粒$598起 (連稅$1,104起)、福岡$798起 (連稅$1,128起)、東京成田 $798起 (連稅$1,253起)、大阪$798起 (連稅$1,288起)！
旅遊日期去到明年7月中。今次優惠同樣係分三期推出，以往較值得入手嘅台灣航點要過多兩日先有！不過整體上都建議大家再平啲先買，今次望望就算啦！
8月22日前，美國運通卡用戶預訂 HK Express 機票滿$1,000 可獲$100 額外消費回贈！平返$100都好嘅！
提提大家：以上票價並不包括寄艙行李額、機上餐飲。
寄艙行李收費 (每程計)：
20kg $229、25kg $360、30kg $365
網上後加行李 (每程計)：
20kg $275，25kg $430，30kg $435
旅遊日期：2018年8月24日-2019年7月15日
預訂日期：即日-2018年8月19日
HK Express x 美國運通卡優惠詳情：http://amexshoppingfun.com.hk
預訂網址：https://www.hkexpress.com
注意：
泰航有隻曼谷長期優惠，官網賣緊來回連稅$1,897起！如果上 Expedia 訂套票，只係加多$57就有埋2晚酒店啦！
8月至明年3月出發，泰國航空．香港來回曼谷機票 (包30kg寄艙行李額、飛機餐)＋酒店，2人同行每位連稅計：3日2夜$1,954起、4日3夜$1,983起、7日6夜$2,069起！價格係以最平住宿為例嘅。就算係住4星或以上酒店都抵，3日2夜套票連稅都係$2,034起！
航班方面，去程可以揀下午機 / 晚機，回程可以揀下午機 (視乎供應而定)。大家可以自訂行程長短，最耐玩夠1個月。
(以12月4日去，12月6日返為例，2人同行每位計)
機票＋伊薩努克住宿酒店 ★★★★｜連稅$2,088起
酒店位處市中心是隆，附近有便利店、大型超市，前往水門市場約10鐘分鐘。另外，酒店提供免費接駁車前往區內要點及購物中心。酒店設施完善，有24小時開放泳池及健身室。
機票＋曼谷蘇坤蔚路 X2 共鳴酒店 ★★★★｜連稅$2,250起
走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。
機票＋曼谷是隆中央酒店 ★★★★｜連稅$2,384起
距離BTS「Saphan Taksin站」僅5分鐘腳程 ，搭的士到熱門購物區亦只是10分鐘，酒店樓下就有食肆、超市！
機票＋曼谷蘇坤蔚凱悅嘉軒酒店 ★★★★｜連稅$2,591起
於2017年11月開業，距離BTS「Phrom Phong站」 只有6分鐘步程！酒店位置便利，鄰近 The Emporium 及 The EmQuartier 購物中心，四周食肆林立！
機票＋沙吞伊斯汀大酒店 ★★★★★｜連稅$2,682起
位於商務區，酒店入口有天橋連接BTS 「Surasak站」，距 Asiatique 夜市只有一站之隔！酒店於14/F設Infinity Pool，可同時欣賞曼谷市及湄南河景色！
機票＋ 羅盤天空風景酒店 ★★★★★｜連稅$2,721起
2016年開業，鄰近 BTS 「Phrom Phong站」，附近又有購物點「Emporium」及「EmQuartier」，去邊都咁方便！
機票＋曼谷悅榕莊 ★★★★★｜連稅$2,812起
悅榕莊無論喺硬件配套定係服務，一向都有好好嘅口碑！酒店位於中央商務區及 Sathorn路的使館區，距離地鐵「Lumphini 站」同 Suan Lum 夜市只有10分鐘步程。
除以上推介，Expedia 仲有好多酒店任揀！入住芭堤雅 / 華欣嘅酒店都冇問題，只要直接於「目的地」位置輸入想住嘅地區就可以了。
預訂時，係先揀酒店、再揀機票嘅。去到揀機票嗰版，於左邊「包括的航空公司」揀選「泰國國際航空」，就可以更快搵到呢隻泰航套票啦！
入住芭堤雅 / 華欣嘅酒店都得，直接於「目的地」位置輸入就可以了！如果想於行程中住多間唔同嘅酒店，可於搜尋時揀「我只有部分日期需要入住酒店」嚟設定套票包邊幾晚酒店，其他日子再額外訂其他酒店。
提提大家，搵曼谷套票時，目的地要填「曼谷 (及附近地區)」，咁先會搵到曼谷全市嘅酒店。如果你填咗「泰國, 曼谷 (機場)」，就只會搵到機場附近嘅酒店！
出發日期：2018年8月26日-11月27日 (部分日子不適用)
預訂日期：即日起 (售完即止)
機票有效期：1個月
