國泰嘅日本平機票賣到去明年3月啦！無論係秋冬遊定係明年初春旅行，依家就可以 plan 定先啦！如果抵玩啲，可以上 Expedia 用更抵價訂套票！一次過訂齊機票＋酒店，方便又抵玩！

2人同行出發，國泰航空香港來回大阪機票＋酒店 (以最平住宿為例) 連稅計：4日3夜$3,341起、5日4夜$3,432起、6日5夜$3,522起！行程可長可短，最耐可以玩到8日7夜。

票價包埋飛機餐、30kg寄艙行李額！去 Shopping 或者冬天帶厚衫去都大把位放！而航班時間選擇都多，有得揀凌晨 / 早機去、晚機返！

以上價格係以2人同行每位計，不過1人出發都得！只係冇朋友仔攤分房價，所以會貴少少！

國泰．大阪4日3夜套票推介：

(以11月11日去，11月14日返為例，2人同行每位計：)

機票＋道頓堀威利娜酒店 (新酒店) ★★★｜連稅$3,828起
2018年3月新開業嘅酒店，由地鐵「日本橋站」行4分鐘即達！接近黑門市場及道頓堀，附近有兩間便利店、眾多藥妝店，Shopping 及用餐都方便！

機票＋南船場哈頓酒店 ★★★｜連稅$3,898起
位置非常方便，距離地鐵「心齋橋站」北5號出口只係2分鐘步程，走路到心齋橋商店街亦只係3分鐘，酒店旁邊有便利店。

機票＋京阪淀屋橋酒店 ★★★｜連稅$3,900起
2017年7月開幕，鄰近「北濱站」，行2分鐘即達！酒店設210間客房，以雙人房為主，有提供房內按摩服務、自助洗衣機等設施，切合各旅客所需。

機票＋心齋橋更紗酒店 ★★★｜連稅$3,929起
於2017年3月開業，隔離就係地鐵「長堀橋站」5A出口、Crysta 長堀地下街出口，論購物、乘車均非常方便！酒店提供不同房型：單人房、雙人房、三人房，也有設 Tatami 嘅和洋室房。

機票＋頂級大阪東心齋橋微笑酒店 (新酒店) ★★★｜連稅$3,954起
新酒店！呢間於2018年7月14日開幕嘅新酒店，位置夠晒優越！距離地鐵「長堀橋站」僅4分鐘步程，行5分鐘可達心齋橋核心地段。

機票＋Via Inn 心齋橋 ★★★｜連稅$4,030起
位置優越！從地鐵「心齋橋站」7號出口，步行約2分鐘就到。樓下有便利店，行約5分鐘到心齋橋購物區，shopping 同搵嘢食都好方便。客房面積最細有13平方米，一般日本商務酒店嘅 size，不過勝在價錢平又夠方便。

機票＋大阪心齋橋西佳酒店 ★★★★｜連稅$4,039起
酒店位於難波，行去心齋橋只需10分鐘，距離地鐵「長堀橋站」只有1分鐘路程，非常方便。另外，一出門口就有便利店。

除以上推介，大家可自選鍾意嘅酒店！住京都、奈良等地嘅酒店 / 旅館都無問題！搜尋時直接於「目的地」輸入想住嘅地點就可以了。

預訂時，記得係先揀酒店、再揀機票。揀酒店時，大家可按「價格」由低至高排序，再以「星級」、「位置」作篩選，會更快搵出合適嘅酒店！

提提大家，搵大阪套票時，目的地要填「大阪 (及附近地區), 日本」，咁先會搵到大阪全市嘅酒店。如果你填咗「大阪, 日本 (KIX – 關西國際機場)」，就只會搵到機場附近嘅酒店！

預訂資訊：

出發日期：2018年8月28日-9月20日、9月24日-9月27日、10月6日-12月19日、2019年1月1日-1月28日、2月12日-3月31日

寄艙行李限額：30kg
機票有效期：2-7日

預訂日期：即日-2018年10月31日

預訂網址：http://www.expedia.com.hk (以網頁版預訂為佳)

近期有唔少泰國平飛，皇家約旦航空都劈埋一份！香港來回曼谷$1,005起 (連稅$1,565起)！連稅千5起，抵玩！

出發日期就係8月底至11月底，航班逢星期二、四、六、日出發。雖然中秋紅日冇平，但可以橫跨重陽假期去！

而時間就係晚去午返，收工就即飛！機票已包飛機餐、30kg寄艙行李額，秋天去歎SPA、Shopping 就最正！

呢隻優惠嘅價格及時間都同阿聯酋相若，不過皇家約旦航空回程就晏少少，同埋勝在 Weekend 出發都有，寄艙額仲多啲添！

如果想快啲搵到咩日子有平飛，可先上皇家約旦航空官網，以「Flexible Dates」搜尋，然後上 Skyscanner 預訂啦！

航班時間：

去程 RJ183 21:35-23:25 (逢星期二、四、六、日出發)
回程 RJ182 16:15-20:05 (逢星期二、四、六、日出發)

預訂資訊：

出發日期：2018年8月27日-9月26日、10月6日-11月30日

寄艙行李限額：30kg
機票有效期：14日

預訂日期：即日-2018年8月6日

預訂網址：https://www.skyscanner.com.hk/

搭長途飛英國，當然要坐得舒舒服服！出名服務好嘅新航有隻倫敦平飛，只要配合埋 ZUJI 嘅恒生卡優惠，來回連稅只係4千3咋！勁抵！

10月至11月出發，乘搭新加坡航空．香港來回倫敦$2,754起 (連稅$4,385起)！倫敦出名稅貴，依家咁平之餘，仲要係搭全球最佳航空！正！

以上價格係使用恒生信用卡及優惠代碼「HASE200F2」於 ZUJI 預訂嘅。如果冇恒生卡，可以去 Skyscanner 訂：來回連稅$4,568起！

航班係經新加坡轉飛嘅，加三百蚊左右就可以 Stopover 新加坡：連稅$4,892起！但留意中停新加坡係用唔到恒生卡優惠的。

票價包30kg寄艙行李額、飛機餐，最耐可停留21日！大家可以先上新航官網，睇多日票價搵咩日子有平，再上 ZUJI / Skyscanner 訂飛啦！

預訂資訊：

出發日期：2018年10月3日-11月29日

寄艙行李限額：30kg
機票有效期：21日

ZUJI X 恒生信用卡優惠代碼：HASE200F2

預訂日期：即日-2018年7月31日

預訂網址：

[恒生信用卡用戶] https://www.zuji.com.hk
[其他信用卡用戶 / 訂 Stopover 新加坡] https://www.skyscanner.com.hk/

暑假去旅行好貴？都唔一定㗎！其實近近地去澳門玩番2日既抵玩又勁歎！

永安旅遊呢隻「澳門喜來登大酒店」雙人夏日套票爆抵玩，八舊水有得歎靚酒店，仲包船飛 (連離境稅每位$30)，又有自助餐食添！出發日期由即日起至9月尾，暑假旺季都有得平！

「澳門喜來登金沙城中心大酒店」1晚客房住宿＋金光飛航香港來回澳門船票 (連離境稅)＋自助早 / 午餐＋運財套餐美食券：2人同行，每位$869起！經手機 App 預訂，每位平多$10！如果你今次係首次用永安 App 訂嘢，仲可以領取埋「首次預訂優惠券」(9月16日前)，全單再減$100！用齊呢啲折扣後，維起上嚟每位只需$809起！2人合共$1,617起！

以上價錢係以9月份出發為例，如果8月暑假出發，每位$959起，扣除所有折扣後，經手機 App 訂，每位亦都只係$899起！暑假嚟講算靚價啦！

預訂資訊：

出發日期：即日-2018年9月30日 (部分日子不適用)

預訂日期：即日起 (手機 App 優惠至9月16日止)

預訂網址：https://package.wingontravel.com

暑假仲有平套票？係呀！仲要係國泰添！早2日介紹過佢地嘅曼谷淡季套票優惠，其實仲有隻泰國 last minute 暑假套票優惠！7至8月旺季出發，香港來回曼谷機票＋酒店，每位連稅計：4日3夜$2,522起、5日4夜$2,548起！(以最平住宿為例)

以暑假旺季嚟講，二千幾蚊包晒機票同酒店，都真係好抵玩！而且票價仲包30kg寄艙行李額、飛機餐！行程可長可短，最長可以留8日7夜！航班時間唔錯，可以午機去午機返。

以上價格係2人同行每位計，不過1人獨遊都可！只係價格會因為冇人攤分房價，會貴番少少。

4日3夜「機票＋酒店」推介：

(以8月5日去，8月8日返為例，2人同行每位計)

[曼谷] 機票＋曼谷暹羅廣場盧巴酒店 ★★★★｜連稅$2,652起
酒店位置優越！毗鄰 Siam BTS 站，距離 MBK 購物中心、Siam Paragon 商場只有約8分鐘步程。

[曼谷] 機票＋曼谷蘇坤蔚路 X2 共鳴酒店 ★★★★｜連稅$2,918起
走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。

[曼谷] 機票＋艾倫酒店 ★★★★｜連稅$3,094起
2017年開業的精品酒店，接近 BTS「Thong Lo 站」。酒店以鐵枝作外牆的裝飾，外觀獨特易認。酒店內外採 LOFT 復古工業風裝潢，充滿質感。

[曼谷] 機票＋U 曼谷素坤逸路酒店 ★★★★｜連稅$3,154起
精緻優雅嘅酒店，頂樓有可望城景嘅泳池、池畔酒吧、圖書角！行10分鐘可達 BTS「Asok 站」，酒店亦有接駁車前往 BTS 站及 Terminal 21！

[芭堤雅] 機票＋芭堤雅瑞享暹羅酒店 ★★★★★｜連稅$3,520起
所有客房均享有無敵海景，並設私人露台。浴室設有圓形浴缸，可以享受高質浸浴。泳池非常大，並設2條滑水梯，而泳池對開就係私人沙灘，可以盡情同陽光玩遊戲。自助早餐豐富，食品種類多。

[華欣] 機票＋華欣海魁特花園酒店 ★★★★｜連稅$3,352起
酒店嘅別墅可直通泳池，酒店不近市區，環境優靜。酒店每日有3班免費來回市區嘅 Shuttle bus，約15分鐘車程。

除以上推介，大家可自選鍾意嘅酒店。按「價格」由低至高排序，再以「星級」、「位置」作篩選，會快啲搵到心水酒店！

如想入住芭堤雅 / 華欣嘅酒店，可以直接於「目的地」位置輸入相關地點就可以了！如果想於行程中住多間唔同嘅酒店，可於搜尋時揀「我只有部分日期需要入住酒店」嚟設定套票包邊幾晚酒店，其他日子再額外訂其他酒店。

預訂時，係先揀酒店、再揀機票。去到揀機票嗰版，於左邊「包括的航空公司」揀「國泰航空」，可以更易搵到以上套票！

提提大家，搵曼谷套票時，目的地要填「曼谷 (及附近地區), 泰國」，咁先會搵到曼谷全市嘅酒店。如果你填咗「曼谷, 泰國 (機場)」，就只會搵到機場附近嘅酒店！

預訂資訊：

出發日期：
[去程] 2018年7月31日、8月1,4,5,6,7,8,9,10,11,14,15,16,17,18,19,20,21,22,23,24,25,26,27日
[回程] 2018年8月2,3,4,5,6,7,8,9,10,13,14,15,16,17,18,19,20,21,23,24,25,26,27,28,29,30,31日、9月1,2,3日

寄艙行李限額：30kg
機票有效期：2-7日

預訂日期：即日-2018年8月10日

預訂網址：http://www.expedia.com.hk (以網頁版預訂為佳)

盛夏遊韓抵價！8月份搭泰航去首爾，連稅千6起！平時淡季都未必有呢口價，依家暑假都有咁平！勁吸引！

9月26日前出發，香港來回首爾$1,124起 (連稅$1,643起)！泰航服務又好，仲包埋30kg寄艙行李額、飛機餐！

航班係午去早返，一家大細去唔想趕都 OK 嘅！最耐可停留7日，大家可以玩足一星期！

平飛唔係每日去都有，大家可先上泰航官網，以彈性日期搵咩日子有平，再上 Travelliker訂飛！

預訂資訊：

出發日期：即日-2018年9月26日

寄艙行李限額：30kg
機票有效期：7日

預訂日期：即日-2018年8月10日

預訂網址：https://www.travelliker.com.hk

秋冬飛美加嘅粉絲留意啦，長榮有抵價！加拿大價格幾靚，連稅3千4有找就飛到溫哥華！而美國航點都同時有平添！

乘搭長榮航空，香港來回溫哥華$2,760起 (連稅$3,347起)！出發日期去到明年3月底，啱晒秋冬去探吓親戚好友！

長榮係 Skytrax 5星航空，質素超晒班！而航班係經台北轉飛嘅，包飛機餐、46kg超大行李額！就算帶多兩件衫去，都仲大把位放手信！

另外，搭長榮飛美國都同樣抵玩，香港經台北來回洛杉磯 / 三藩市：連稅$3,451起！正！

預訂資訊：

出發日期：2018年9月1日-12月13日、12月24日-12月31日、2019年1月8日-2月1日、2月8日-3月31日

寄艙行李限額：2件23kg
機票有效期：1個月

預訂日期：即日-2018年10月31日 (須於最少出發前14日預訂)

預訂網址：https://www.skyscanner.com.hk/

熱愛遊台嘅粉絲們，有冇諗過制霸台灣？今次介紹呢隻機票，大家可以去台中逢甲夜市掃街、再喺花蓮清水斷崖、高雄旗津島 Selfie 打卡！

華信航空有隻優惠，香港來回花蓮$1,339起 (連稅$1,722起)！只要加多$38，就可以 Open jaw 玩埋台中＋高雄！一個價格，就飛到三個地方！

8月至12月出發，香港飛台中、台中飛花蓮、花蓮飛高雄、高雄飛香港：4程機合共$1,377起 (連稅$1,761起)！票價包埋30kg寄艙行李，大把位掃手信！

揀去程停高雄、回程停台中都得添，搜尋時以「多個目的地」搜尋就搵到！不過如果淨係飛花蓮的話，搭 HK Express 會平啲！

預訂資訊：

出發日期：2018年8月26日-9月21日、9月24日-9月27日、9月30日-12月21日、12月25日-12月28日、12月31日

寄艙行李限額：30kg
機票有效期：2-7日

預訂日期：即日-2018年8月31日

預訂網址：https://www.hutchgo.com.hk