樂桃日本會喺今晚 (3月7日) 11pm接力推出大阪回程優惠！

大阪飛香港單程3,690円起 (約$273起)，連稅計約$421起！

旅行日期由3月22日至7月12日，航班無限制，需要補買回程嘅話今晚可以上去睇睇。

票價並不包括寄艙行李，樂桃每程手提行李限重10kg，而每件20kg以下寄艙行李收費為2,800円。

留意，要經樂桃嘅日本版 / 國際版網站先搵到以上優惠價。唔識睇日文都訂到，去英文嘅國際版就得啦。

航班時間
MM063 08:50-11:45
MM067 21:00-23:55 / 21:15-00:40+1

預訂資訊：

出發日期：2018年3月22日-7月12日 (旺季除外)

預訂日期：2018年3月7日11pm-3月10日10:59pm

預訂網址：http://www.flypeach.com/pc/en (記得要去樂桃日本版 / 國際版網站先搵到是次優惠)

提提您：

• 如果訂飛時未有護照號碼係手，可以先打「000000」，之後可以打電話上樂桃航空香港免費改返 (電話：3013-4668．打通之後按2>2>1>1)
• 訂票時「電郵(手機)」留空就可以。
• 訂飛時輸入的名字唔可以有空格，例如 Lok Bun，你要打 Lokbun。

過大海歎靚酒店啦喂！澳門金沙度假區推出7折起嘅酒店優惠，限劈10日！每晚房價低至$768起 (連稅$883起)！

優惠包括多間5星級酒店，巴黎人、威尼斯人、四季等高級酒店都有得平！入住日期去到7月中添，有興趣就上官網預訂啦！

每晚房價：

(以2人入住雙人房，平日入住每晚房價計)

澳門金沙城中心假日酒店 ★★★★｜連稅$883起
澳門喜來登金沙城中心大酒店 ★★★★★｜連稅$948起
澳門巴黎人 ★★★★★｜連稅$1,113起
澳門金沙 ★★★★★｜連稅$1,262起
澳門金沙城中心康萊德酒店 ★★★★★｜連稅$1,366起
澳門威尼斯人 ★★★★★｜連稅$1,377起
澳門瑞吉金沙城中心酒店 ★★★★★｜連稅$1,481起
澳門四季酒店 ★★★★★｜連稅$1,829起

預訂資訊：

入住日期：即日-2018年7月13日

預訂日期：即日-2018年3月16日

預訂網址：https://hk.sandscotaicentral.com/

港航嘅 Mega Sale，北海道機票向來係搶手貨！而套票亦有爆抵價！依家趁住 Mega Sale 去 ZUJI 以套票形式「機票＋酒店」一齊訂更加抵！北海道．札幌4日3夜「機票＋酒店」每人連稅只需$3,218起！如果有恒生信用卡，訂滿$3,000可以用埋優惠代碼再減$300 (即每人減多$150)！連稅計：4日3夜$3,068起、6日5夜$3,499起、8日7夜$4,016起！勁抵玩！而且航班時間靚，係早去午返！

以下價格係以2人同行每位計，並以入住最平住宿為例。已經包埋20kg行李寄艙、飛機餐！1人出發都得，但因為冇朋友仔攤分房價，會貴小小。

港航．札幌4日3夜「機票＋酒店」推介：

(以9月9日去、9月12日返為例)

機票＋札幌薄野驛前 APA 飯店 ★★★｜連稅$3,486起
酒店位置方便，機場巴士直達唔駛兩頭騰，樓下就有必逛嘅Tokyu hands！雖然行去大通公園要10分鐘，不過沿途有唔少特式商店同食店，行下睇下食下咁就到。

機票＋札幌公園頂級住宿飯店 ★★★｜連稅$3,556起
酒店距離地鐵「中島公園站」及 Nakajima Park 僅2分鐘步程。酒店提供溫泉浴池，早餐亦可以選擇日式套餐或國際自助餐。

機票＋札幌王子大飯店 ★★★★｜連稅$3,618起
酒店圓柱外形好易認！位置仲好近大通公園，交通又方便。而且佢仲係市中心少數有埋溫泉嘅酒店！絕對唔係駁喉過嚟果種，而係當年起酒店時意外發現天然溫泉！每日只需俾$30就可以浸無限次！

機票＋大通公園札幌景觀飯店 ★★★｜連稅$3,683起
酒店喺正大通公園隔離，客房佈置優雅、舒適，並享有大通公園景色。距離西11丁目地鐵站僅5分鐘步程，行去JR 「札幌站」約15分鐘步程或5分鐘車程。

機票＋札幌全日空皇冠假日飯店 ★★★★｜連稅$3,815起
洲際旗下酒店，位置就腳，距離JR「札幌站」只需7分鐘步程，行去大通車站周邊景點只需約10分鐘，行去狸小路、札幌鐘樓、二條魚市場及Sapporo Factory 約15分鐘。基本上唔駛搭車都去到唔少主要景點。

機票＋札幌格蘭大飯店 ★★★｜連稅$4,312起
酒店與JR「札幌站」相連，經相連隧道行5分鐘就到，非常方便。距離札幌鐘樓和大通公園只有2分鐘步程，距離Kokusai Ski Ground 滑雪場約1小時車程。

出發日期介乎4至6月、8月至明年1月，優惠套票主要集中喺下半年及明年，可以買定冬天去滑雪！由於平飛唔係日日有，如想易啲搵到平飛，可以先上港航官網用7日檢視模式睇下邊日有平，然後再上 ZUJI 以更抵價訂套票。

如想喺行程中住唔同嘅酒店都得，例如想住埋小樽、函館、登別等，只要喺搜尋時選「我想搜尋其他酒店入住日期」，就可以設定套票邊幾晚包札幌酒店。其餘日數再另外加訂埋小樽、函館、登別等酒店。如需預訂其他酒店，可以去以下頁面攞優惠代碼 (https://goo.gl/ZaQRpH)，用優惠代碼訂會有額外折扣！(詳情)

留意：如搜尋後，所顯示嘅資料並非香港航空航班，又或者想改搭其他時間嘅航班，可以 Click「更改航班」，去「航空公司」度揀返「香港航空」，咁就可以揀番香港航空嘅航班及其他時間嘅航班。

預訂資訊：

出發日期：2018年4月4日-6月28日、8月26日-9月27日、10月9日-12月20日、2019年1月3日-1月25日

寄艙行李限額：20kg

預訂日期：即日-2018年3月16日

ZUJI X 恒生信用卡優惠券代碼：HS300P18

預訂網址：https://www.zuji.com.hk (目的地輸入「札幌 (及鄰近地區)」，並需以網頁版預訂)

筍玩新西蘭！搭國泰直航機去最方便！依家仲有優惠價，香港來回奧克蘭$2,794起 (連稅$3,529起)！

5月至6月出發都有平，仲可以橫跨佛誕假期，慳返日大假！想玩耐啲都冇問題，最耐可停留3個月！

票價已程包咗30kg行李寄艙、飛機餐！直航機嚟講，今次個價都幾靚！鍾意搭國泰嘅粉絲們，可以諗諗佢呀！

留意，去程只限星期一至四先有得平。大家可以去國泰官網，睇多日票價搵咩日子有平，再上 Skyscanner 以更抵價格預訂！

預訂資訊：

出發日期：2018年5月3日-6月14日 (去程只限星期一至四)

寄艙行李限額：23kg
機票有效期：3個月

預訂日期：即日-2018年3月16日

預訂網址：https://www.skyscanner.com.hk

講到快閃遊，去台灣就最抵玩！依家上 ZUJI 預訂港航．台北套票有爆抵價！2人同行「機票＋酒店」每位連稅計：3日2夜係$1,103起、5日4夜$1,256起！有恒生信用卡可以用埋優惠代碼，全單滿$3,000即減$300！抵到狂奔！

航晚時間係晚去早返，加$250 就可以揀早去晚返！以5日4夜為例，早去晚返機票＋酒店，使用恒生卡優惠代碼後：每位連稅$1,356起！一樣抵到跳舞！

以上價錢係以入住最平住宿為例，套票已包港航香港來回台北機票、20kg行李寄艙、機上餐點、酒店。

3日2夜「港航機票＋酒店」套票推介：

(以10月20日去、10月23日返為例)

機票＋艾特文旅 ★★★★｜連稅$1,462起
位於西門町嘅新酒店，去邊都咁方便，裝修走簡約路線，有點點文青味！

機票＋台北門精品飯店 ★★★★｜連稅$1,474起
新酒店！設計時尚有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！

機票＋HOTEL PAPA WHALE ★★★★｜連稅$1,506起
2016年開幕嘅酒店，位於西門町，距離捷運「西門町站」約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千六蚊全包真係抵到喊！

機票＋旅樂序精品旅館站前三館 ★★★｜連稅$1,554起
典雅精緻嘅酒店，外形及大堂均以黑色設計，非常有格調。酒店位處市中心旺區，鄰近台北車站、西門町，方便Shopping、掃街！

機票＋德立莊酒店 ★★★｜連稅$1,610起
位於西門嘅町嘅商務酒店，企企理理，位置就喺正捷運站隔離，好方便！

機票＋新驛旅店復興北路店 ★★★★｜連稅$1,656起
位於捷運「中山國中站」旁，步行2分鐘即達！酒店設計清新簡約，房間以白色為主調，設有42吋LED電視，環境光鮮整潔。

留意，搜尋後顯示嘅唔一定係港航套票，只要按「更改航班」，於「航空公司」位置揀返「香港航空」就可以了。想加錢改航班時間亦都係用呢個方法改。

出發日期由4月去到2019年1月，大把時間任揀！優惠價集中喺今年9月或之後。想易啲搵到平飛，可以先上 Skyscanner 用整個月份檢視模式，搵出邊日最平，又或者上港航官網用7日檢視模式睇下邊日有平，然後再上 ZUJI 以更抵價訂套票！用埋恒生優惠代碼就再抵啲添！

預訂資訊：

出發日期：2018年4月9日-6月30日、7月1日-7月13日、8月21日-9月27日、10月9日-12月20日、2019年1月3日-1月25日

預訂日期：即日-2018年3月16日

ZUJI X 恒生信用卡優惠代碼：HS300P18

預訂網址：https://www.zuji.com.hk