樂桃 Happy Spring Sale 有埋去程啦！於5月指定日子出發，香港飛大阪單程$198起！來回連稅$771起！

如果搶唔到$198機票，都可以買5月至7月內出發嘅單程$328機票！來回連稅$1,031起！一樣咁抵玩呀！

留意，樂桃嘅票價只包10kg手提行李額，不包寄艙行李及機上餐點。如要寄艙，每件20kg以下嘅行李收費為$216。

預訂資訊：

出發日期：

[單程 $198] 2018年5月1日-5月2日、5月8日-5月10日
[單程 $328] 2018年5月1日-7月15日 (部分日子不適用)

預訂日期：2018年4月21日00:00 – 4月23日23:59 (香港時間)

預訂網址：http://www.flypeach.com/

提提你：

• 訂飛時輸入的名字唔可以有空格，例如你個名叫 Lee Lok Ben，你要打Lokben。
• 如果訂飛時未有護照號碼，可以先輸入「000000」，之後在辦公時間打上樂桃航空香港熱線電話 3013-4668 免費改返，打通後按 2>2>1>1 會有客戶服務員幫忙。

去北海道唔駛捱貴飛！港航機票＋4晚酒店，連埋稅都只係3千2起！想要呢個咁筍嘅價格，去 ZUJI 訂套票就有啦！

2人同行預訂港航套票：香港來回札幌機票＋酒店 (以最平住宿為例) 連稅計：5日4夜$3,242起、6日5夜$3,358起！

價格已包20kg行李寄艙、飛機餐，航班時間有早去午返，都唔錯喎！而出發日期就係9月至12月，可以喺雪季感受冬天氣氛，正！

港航．北海道5日4夜「札幌機票＋酒店」推介：

(以11月11日去、11月15日返為例)

機票＋札幌薄野阿帕飯店 ★★★｜連稅$3,242起
酒店距離地鐵「豐水薄野站」僅2分鐘步程，位處鬧區的邊緣，人車較少，環境較靜，而且房間夠大。距離JR 「札幌站」約10分鐘車程，距離 Sapporo Bankei 滑雪勝地及藻岩山約30分鐘車程。

機票＋札幌薄野驛前 APA 飯店 ★★★｜連稅$3,446起
酒店位置方便，機場巴士直達唔駛兩頭騰，樓下就有必逛嘅Tokyu hands！雖然行去大通公園要10分鐘，不過沿途有唔少特式商店同食店，行下睇下食下咁就到咗。

機票＋札幌薄野大和魯內飯店 ★★★｜連稅$3,819起
接近地鐵「豐水薄野站」，樓下有間 7-11！部分房間擁大通公園電視塔景觀，環境舒適怡人！

機票＋札幌美居飯店 ★★★★｜連稅$3,879起
位於地鐵「豐水薄野站」3號出口旁，酒店亦有接駁車來往 JR 「札幌站」，交通方便！行5分鐘即達狸小路，二條魚市場都喺附近，啱晒 Shopping！

機票＋大通公園札幌景觀飯店 ★★★｜連稅$3,955起
酒店喺正大通公園隔離，客房佈置優雅、舒適，並享有大通公園景色。距離地鐵「西11丁目站」僅5分鐘步程，行去JR 「札幌站」約15分鐘步程或5分鐘車程。

機票＋札幌蒙特利飯店 ★★★★｜連稅$4,199起
房間夠大，走歐式設計好舒適。由酒店行去JR「札幌站」、大丸百貨及購物商場等只需5分鐘。去鐘樓、舊市政廳、大通公園等亦只需10分鐘。

除以上推介，大家可於 ZUJI 任選酒店。除咗札幌之外，入住函館、小樽嘅酒店都無問題，只要於目的地位置直接輸入就可以了！

搜尋後所顯示嘅如果唔係港航嘅套票，只要按「更改航班」，再搵返港航嘅班次就得！如果想易啲搵到平套票，大家可以先去港航官網睇多日票價，搵出平機票日子後，再上 ZUJI 訂套票！

預訂資訊：

出發日期：2018年9月1日-9月24日、10月16日-12月17日

寄艙行李限額：20kg

預訂日期：即日-2018年4月30日

預訂網址：https://www.zuji.com.hk (目的地輸入「札幌 (及鄰近地區)」，並需以網頁版預訂)

直航新西蘭！去南半球呼吸下新鮮空氣啦！國泰推出優惠，香港來回奧克蘭$2,856起 (連稅$3,565起)！

5月至11月出發都有平，最耐可停留2個月，大把時間玩盡北島！票價包咗23kg寄艙行李、飛機餐，而且係直航機，唔駛左轉右轉，正！

優惠價唔係每日都有，大家可以先上國泰官網，以月曆模式搵出多日票價，再上 Cheapflights 以更抵價格出飛！

預訂資訊：

出發日期：2018年5月15日-7月5日、8月27日-9月20日、10月2日-11月29日

寄艙行李限額：23kg
機票有效期：2個月

預訂日期：即日-2018年4月30日

預訂網址：https://www.cheapflights.com (可以在右上角選取港元價格)

近近哋去東莞 hea 返2日啦！中旅社推出限時網購優惠，東莞橋頭三正半山「夢幻花海．相約半山」2日1夜雙人套票：每位$371起！

套票包1晚「東莞 (橋頭) 三正半山酒店」住宿＋自助早、晚餐，更可免費遊覽蓮湖、攀游蓮湖公園松山寶塔！5月底前出發都有優惠價！

橋頭係荷花名鎮，每年初夏都有荷花綻放！酒店附近仲有蓮湖公園、賞荷長廊、松山寶塔等，環境古雅優美！快啲 Tag 埋你嘅旅伴，一齊去放鬆吓啦！

預訂資訊：

入住日期：即日-2018年5月31日

預訂日期：即日起 (售完即止)

預訂網址：http://www.ctshk.com

港航嘅機票優惠連商務艙有平，當中台北價格相當吸引！如果上 Expedia 以套票形式預訂，搭商務艙飛台北＋4 / 5星級酒店，玩3日都係連稅2千6咋！

2人同行出發，港航台北商務艙機票＋4 / 5星級酒店住宿，每位連稅計：3日2夜$2,681起、4日3夜$2,872起、5日4夜$3,064起！(以最平住宿為例)

票價已經包咗30kg行李寄艙、飛機餐、靚靚酒店住宿，仲可以入港航嘅機場貴賓 Lounge 添！7月中前出發都有平，同屋企人去 hea 幾日就最歎！

港航．台北4日3夜「商務艙機票＋4 / 5星酒店」精選：

(以6月3日去、6月6日返為例)

機票＋皇家季節酒店北投溫泉館 ★★★★｜連稅$3,016起
位於北投，以歐洲宮廷風格設計嘅溫泉酒店！客房設羅馬浴場式嘅私人浴池，住客可以於房內盡情享受浸浴！酒店距離「捷運．新北投」站約10分鐘步程，酒店亦有提供 Shuttle bus 來往捷運站，非常方便！

機票＋CitizenM 台北北門酒店 ★★★★｜連稅$3,153起
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！

機票＋趣淘漫旅 – 台北 (新酒店) ★★★★｜連稅$3,200起
屬「凱撒大飯店」集團嘅年輕品牌酒店，走活力時尚路線，於2017年10月開幕。位置喺正板橋凱撒大飯店旁邊，附近有百貨公司及多個鐵路站 / 客運站，方便乘搭捷運 / 台鐵 / 高鐵 / 客運。房間設計簡約時尚，床鋪寬闊舒適。

機票＋台北西門町意舍 ★★★★｜連稅$3,494起
意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。

機票＋永安棧 ★★★★｜連稅$3,744起
位於西門町，距捷運站僅2分鐘步程！附近有大量食肆、購物熱點，位置便利！酒店設計時尚大方，環境舒適！

機票＋板橋凱撒大飯店 (新酒店) ★★★★★｜連稅$3,987起
2017年10月開幕嘅新酒店，係新北市首家5星級酒店！採高級豪華風格，房間極大，一般豪華房面積達39平方米！酒店位置便利、四通八達，步行3分鐘便到板橋捷運站！

除以上推介，大家可以於 Expedia 任揀酒店。呢隻套票最耐可玩到15日14夜，就算環島都冇問題！想玩多幾個地方、會住唔同酒店的話，可以揀「我只有部分日期需要入住酒店」嚟設定！

搜尋前，記得喺「進階選項」揀返「商務艙」！揀完酒店之後，再選擇港航航班就可以了。如果想快啲搵到適合嘅酒店，可於左邊剔選「酒店星級」、「位置」，並按「價格」由低至高排序！

呢隻抵價係2人限定，1人出發就冇做到咁抵了！航空去程係夜機去、回程有早午晚機可選。加$400就可以改早機出發！

預訂資訊：

出發日期：即日-2018年7月13日 (部分日子不適用)

寄艙行李限額：30kg
機票有效期：14日

預訂日期：即日-2018年4月30日

預訂網址：https://www.expedia.com.hk

樂桃筍劈！今次係回程優惠，今晚 (4月19日) 11點開賣啦！於5月指定日子出發，大阪飛香港單程2,500円起 (約$183起)，連稅約$328起！

而5月至7月內嘅其他日子出發都有平：單程3,690円起 (約$270起) ，連稅計約$418起！優惠票價限售48小時！

記得要經樂桃日本版 / 國際版網站預訂先搵到以上優惠。就算唔識睇日文都訂到，只要去英文嘅國際版就得啦！

留意，票價包10kg手提行李額，並不包括免費寄艙行李額。樂桃嘅行李寄艙收費為：每程 (每件20kg以下) 2,800円。

預訂資訊：

出發日期：

[2,500円] 2018年5月1日-5月2日、5月8日-5月10日
[3,690円] 2018年5月1日-7月15日 (部分日子不適用)

預訂日期：2018年4月19日11:00PM – 4月22日10:59PM (香港時間)

預訂網址：http://www.flypeach.com/pc/en

提提您：

• 如果訂飛時未有護照號碼係手，可以先打「000000」，之後可以打電話上樂桃航空香港免費改返 (電話：3013-4668．打通之後按2>2>1>1)
• 訂票時「電郵(手機)」留空就可以。
• 訂飛時輸入的名字唔可以有空格，例如 Lok Bun，你要打 Lokbun。

印航筍價！遊韓真係好多選擇！印度航空都有優惠：香港來回首爾$1,176起 (連稅$1,636起)！

票價包咗30kg行李寄艙、飛機餐，正！去明洞、東大門盡情 Shopping 都唔怕行李超重呀！

10月底前出發都有平，航班係早去午返，仲要係搭 787 夢幻客機添！不過留意，航班於逢星期一、三、五、日先有！

航班時間：

[去程] AI310 07:45-12:05 / 08:05-12:30 (逢星期一、三、五、日)
[回程] AI317 13:50-16:35 / 14:15-16:50 (逢星期一、三、五、日)

預訂資訊：

出發日期：即日-2018年6月30日、8月26日-10月31日

寄艙行李限額：30kg
機票有效期：7日

預訂日期：即日-2018年4月30日

預訂網址：https://www.cheapflights.com

筍玩曼谷！靚價搭高質泰航！香港來回曼谷：經濟艙$951起 (連稅$1,408起)、商務艙$2,700起 (連稅$3,227起)！

票價已包30-40kg寄艙行李額、飛機餐，同埋泰航嘅靚服務！商務艙乘客可以喺機場 Lounge 歎返夠本先上機，正！

出發日期去到9月24日，部分日子有早去晚返靚時間添！平飛供應算係充足，暑假頭 / 尾、或者夾公眾假期出發都得！

以上價格係以 VISA卡及優惠代碼於 Trip.com 訂嘅。如果冇 VISA 卡，去 Cheapflights / Skyscanner 訂比較抵！

預訂資訊：

出發日期：2018年4月20日-7月5日、8月23日-9月24日

寄艙行李限額：30kg (經濟艙) / 40kg (商務艙)
機票有效期：3個月

預訂日期：即日-2018年5月15日

預訂網址：
[VISA 卡用戶] https://hk.trip.com (使用優惠代碼「VISA100」)
[其他信用卡用戶 – 訂經濟艙] https://www.cheapflights.com
[其他信用卡用戶 – 訂商務艙] https://www.skyscanner.com.hk

釜航又劈！早前介紹過釜山早鳥優惠，依家至初夏即飛仲平啲呀！6月底前去都有抵價，香港、澳門出發都同時有平添！

香港飛釜山單程$560起、來回連稅$1,544起！澳門出發：單程MOP$500起、來回連稅MOP$1,574起！正！

釜山航空雖然係低成本航空，但票價已包20kg寄艙行李額，所以相當抵玩呀！而航班時間都幾靚添，係凌晨去晚返，可以玩盡每一分鐘！

航班時間：

[香港來回釜山]
去程：BX392 02:05-06:10
回程：BX391 21:35-00:05+1

[澳門來回釜山]
去程：BX382 02:05-06:20 (逢星期一、二、四、五、六)
回程：BX381 21:50-00:20+1 (逢星期一、三、四、五、日)

預訂資訊：

出發日期：即日-2018年6月30日

預訂日期：即日-2018年4月20日10:49PM

預訂網址：https://hk.airbusan.com