想初夏遊日本，飛沖繩激抵！用埋國泰呢隻優惠，一次過訂齊機票＋酒店，4日3夜套票連稅只需$2,480起！最耐玩8日7夜都得！係時候撲飛去玩水啦！
想玩多幾日的話，2人同行每位連稅計：5日4夜$2,564起、6日5夜$2,849起！價格已包國泰航空香港來回沖繩機票 (包30kg寄艙行李額、飛機餐)＋酒店 (以最平住宿為例)。
7月5日前出發都有平，想去睇初春櫻花又得、夏天去玩水更加係 perfect 啦！航班時間都幾靚，係午去午返！
4日3夜「機票＋酒店」套票推介：
機票＋沖繩勞卡客棧 ★★★｜連稅$2,783起 (以3月18日去、3月21日返為例)
酒店位於那霸市中心，周邊有唔少小店、酒吧，想行去熱門嘅國際通約15分鐘步路。酒店提供嘅早餐美味，而女士入住可獲美容禮品！
機票＋沖繩紅色星球那霸酒店 ★★★★｜連稅$2,985起 (以5月6日去、5月9日返為例)
酒店喺那霸市中心，非常方便，而且乾淨企理！距離美榮橋單軌列車站僅5分鐘步程，行去泊村碼頭更只需3分鐘，行去國際通大街亦只需10分鐘步程。搭15分鐘車就到首里城同那霸機場。
機票＋沖繩那霸美居酒店 ★★★★｜連稅$3,000起 (以5月6日去、5月9日返為例)
酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。
機票＋沖繩吉慶海灘度假海洋溫泉酒店 ★★★★｜連稅$3,222起 (以5月6日去、5月9日返為例)
位於那霸市中心，行兩條街就到國際通，樓下有便利店，超方便。
機票＋沖繩麗嘉皇家格蘭酒店 ★★★★｜連稅$3,711起 (以5月6日去、5月9日返為例)
於那霸市中心而又擁有海景嘅大型酒店，樓下有便利商店，附近亦有食店，行去國際通只需約10分鐘。距離旭橋單軌車站僅2分鐘步程，另外大樓下有巴士站，可以到達恩納、名護、水族館等景點。
機票＋全日空萬座海濱洲際酒店 ★★★★｜連稅$3,789起 (以3月18日去、3月21日返為例)
位於恩納，毗鄰著名景點「萬座毛」，酒店三面環海，所有房間均享無敵海景！設有私人沙灘，水清沙幼！水上活動一應俱全！其他設施亦非常完善，啱晒度假。酒店仲設有水晶教堂，可以book 嚟搞婚禮！
以3月18日去、3月21日返為例，2人同行國泰香港來回沖繩機票＋入住「坎坎沖繩旅館」，連稅共$4,960起，即每位連稅$2,480起
以上係2人同行每位價錢。除以上推介，大家可以於 Expedia 任揀酒店！想住靚酒店、度假村，定日式旅館都冇問題！預訂時，記得係先揀酒店，然後再於各航班中揀返國泰班次就可以了
另外，如果大家想喺行程中住唔同嘅酒店，可於搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
預訂資訊：
出發日期：即日-2018年2月11日、2月21日-3月25日、4月8日-4月25日、4月29日-6月14日、6月17日-6月28日、7月1日-7月5日
機票有效期：2-7日
寄艙行李限額：30kg
預訂日期：即日-2018年2月28日
預訂網址：http://www.expedia.com.hk
