去泰國過悠長假期，除咗喺曼谷 Shopping、食好西之外，不如順便飛轉蘇梅度個靚假！曼谷航空推出優惠，曼谷來回蘇梅島$1,042起 (連稅$1,143起)！

7月中前出發都有平，去享受吓陽光與海灘就最歎！配合埋阿聯酋 / 泰航嘅優惠，加張香港來回曼谷嘅機票，玩晒兩地連稅都只係2千6左右！正！

票價已包20kg行李寄艙、飛機餐，最耐可以喺蘇梅玩到 7 日！以上價格係以 VISA 卡於 Trip.com 預訂，並使用優惠代碼後嘅價格，如冇 VISA 卡，就貴$100。

預訂資訊：

出發日期：即日-2018年7月15日

寄艙行李限額：20kg
機票有效期：2-7日

預訂日期：即日-2018年1月31日

預訂網址：https://hk.trip.com (VISA 卡優惠代碼：「TUESVISA」)

快閃台北玩幾日，訂套票就最抵！2人同行3日2夜「國泰機票＋酒店」每位連稅只需$1,391起！玩多幾日都得，4日3夜$1,454起、6日5夜$1,591起！勁吸引！

價格包香港來回台北機票、30kg行李寄艙、飛機餐、稅項、酒店住宿 (以最平住宿為例)。最耐可玩到8日7夜！套票1人出發都得，但因為冇朋水仔攤分房價，會貴小小。

航班時間幾靚添，可選擇早去晚返，慳返啲時間喺文青 Cafe 飲多杯咖啡都得！7月5日前出發都有優惠價，有興趣就去 Expedia 預訂啦！

國泰．台北3日2夜「機票＋3 / 4星酒店」套票推介：

以下價錢以4月22日去，4月24日返為例。

機票＋路境行旅 ★★★★｜連稅$1,654起
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。

機票＋HOTEL PAPA WHALE ★★★★｜連稅$1,672起
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七蚊全包
真係抵到喊！

機票＋丰居旅店 ★★★｜連稅$1,810起
酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！

機票＋泡泡飯店 ★★★★｜連稅$1,825起
座落大安區，位置甚佳，距捷運忠孝敦化站僅5分鐘步程！酒店以「點點」及「泡泡」為設計概念，整幢建築物色彩繽紛、精緻可愛，極具設計感。標準客房的設計以白色作主調，
明亮整潔、簡約大方。

機票＋永安棧 ★★★★｜連稅$2,220起
位於西門町，距捷運站僅2分鐘步程！附近有大量食肆、購物熱點，位置便利！酒店設計時尚大方，環境舒適！

預訂時，記得係先揀酒店，再選航班。除以上推介，大家可於 Expedia 以「價格」排序，並以「星級」、「位置」等篩選，揀出自己鍾意嘅酒店。

想喺行程中住唔同嘅酒店都得，搜尋時選「我只需要在部分旅程中入住酒店」，就可以設定套票包邊幾晚酒店。其餘日數再另外加訂酒店，更具彈性。

優惠套票唔係每日都有，大家可以先上國泰官網搜尋，睇多日票價搵出有平機票嘅日子。然後再上 Expedia 預訂呢啲日子嘅套票，咁就最抵啦！

預訂資訊：

出發日期：即日-2018年2月8日、2月26日-3月27日、4月6日-4月27日、4月30日-6月14日、5月21日-6月14日、6月17日-6月28日、7月1日-7月5日

寄艙行李限額：30kg
機票有效期：2-7日

預訂日期：即日-2018年3月5日

預訂網址：http://www.expedia.com.hk (以網頁版預訂為佳)

4月就係泰國嘅潑水節啦，係時候 Plan 吓過去玩水！國泰呢隻套票抵玩呀，來回曼谷機票＋4晚酒店，連稅只需$2,015起！包30kg寄艙行李及飛機餐！仲抵玩過某廉航嘅潑水節套票！

想玩多幾日都得，最耐可以玩8日7夜，連稅$2,096起！價格包30kg行李寄艙、飛機餐、酒店 (上述價格以最平住宿為例)、稅項，係以2人同行每位計！

除咗曼谷，住芭堤雅 / 華欣嘅酒店都得！潑水節係泰國嘅新年，各地都有非常熱鬧嘅水戰慶祝活動，超有氣氛、勁好玩！快啲搵埋班朋友仔去瘋狂水戰啦！

5日4夜．曼谷 / 芭堤雅 / 華欣「機票＋4/5星酒店」潑水節套票推介：

(價格以4月9日去、4月13日返為例)

[曼谷] 機票＋艾薩努克公寓 ★★★★｜連稅$2,382起
酒店位處市中心是隆，附近有便利店、大型超市，前往水門市場約10鐘分鐘。另外，酒店提供免費接駁車前往區內要點及購物中心。酒店設施完善，有24小時開放泳池及健身室。

[曼谷] 機票＋曼谷蘇坤蔚路 X2 共鳴酒店 (新酒店) ★★★★｜連稅$2,501起
走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。

[曼谷] 機票＋修爾住宿酒店 – 普拉斯蘇坤蔚路 2 號貝斯特韋斯特酒店 (新酒店) ★★★★｜連稅$2,849起
2017年10月開業，Best Western 集團旗下 Sure Stay 的首家亞洲酒店。位於 BTS「 Phloen Chit 站」及 「Nana 站」之間，步行約8分鐘可達。酒店頂樓為健身中心及露天泳池，池邊設有酒吧，景致一流！

[曼谷] 機票＋曼谷蘇坤蔚凱悅嘉軒酒店 (新酒店) ★★★★｜連稅$3,044起 
於2017年11月開業，距離BTS「Phrom Phong站」 只有6分鐘步程！酒店位置便利，鄰近 The Emporium 及 The EmQuartier 購物中心，四周食肆林立！

[曼谷] 機票＋曼谷沙通安納塔拉酒店公寓 ★★★★｜連稅$3,156起
Anantara 旗下嘅酒店式公寓，房型夠晒多元化，由尊貴客房去到2臥室套房都有！無論係情侶定係一家大細都啱晒！而且自助早餐非常豐盛！另外，酒店提供前往 BTS 「Chong Nonsi 站」嘅免費 shuttle bus。

[芭堤雅] 機票＋芭堤雅暹羅@暹羅設計酒店 ★★★★★｜連稅$3,216起
酒店設有露天游泳池，想玩沙步行5分鐘就到海灘，對面有大型商場同Big C，附近有夜市小食街。

[華欣] 機票＋華欣海魁特花園酒店 ★★★★｜連稅$3,152起
酒店嘅別墅可直通泳池，酒店不近市區，環境優靜。酒店每日有3班免費來回市區嘅 Shuttle bus，約15分鐘車程。

預訂時，記得要先揀酒店、再選航班。大家可於 Expedia 任選酒店，搜尋後按「價格」由低至高排列、並以「位置」、「星級」作篩選，可以更易搵出心水套票！

想去唔同地方玩、住唔同酒店都得，搜尋時揀「我只需要在部分旅程中入住酒店」就得，可以設定套票包邊幾晚酒店，其餘日數再加訂其他酒店！

除咗去過潑水節，其他日子都有平，7月5日前出發就有！大家可以先上國泰官網，睇多日票價搵出咩日子最抵，再上 Expedia 以更筍價格預訂！

潑水節套票．出發日子推介：
去程：4月6,7,9,10,11日
回程：4月13,14,16,17,18日

預訂資訊：

出發日期：即日-2018年2月13日、2月19日-3月27日、4月2日-4月25日、4月29日-6月14日、6月17日-6月28日、7月1日-7月5日

寄艙行李限額：30kg
機票有效期：2-7日

預訂日期：即日-2018年2月9日

預訂網址：https://www.expedia.com.hk (以網頁版預訂為佳)

限時優惠！卡塔爾推出只限48小時嘅閃劈優惠，香港來回歐洲各地$3,360起 (連稅$4,065起)！2月至4月出發都有優惠價，包30kg行李寄艙、飛機餐，有多個航點任揀！

連稅計：布拉格$4,065起、日內瓦$4,269起、羅馬$4,317起、赫爾辛基$4,349起、馬德里$4,412起、巴黎$4,447起、塞薩洛尼基$4,563起、尼斯$4,716起、聖彼德堡$4,786起、雅典$4,967起、倫敦$5,517起、曼徹斯特$5,157起！

當中希臘‧塞薩洛尼基 (Thessaloniki) 係新航點嚟，當地有唔少歷史古蹟，充滿古典美！優惠可以 Open jaw，例如遊雅典入、塞薩洛尼基出，連稅$4,857起！再加程船去埋聖托尼里睇藍白小屋就 perfect 啦！

優惠唔係每日都有，大家搜尋時可以揀「More dates」睇前後15日票價，搵出最抵日子！而預訂 Open jaw 的話，可以揀「Multi-city」。

預訂資訊：

出發日期：2018年2月5日-4月30日

寄艙行李限額：30kg
機票有效期：7日起

預訂日期：即日-2018年1月31日11:59PM

預訂網址：https://www.qatarairways.com

係時候 Plan 吓去日本 Shopping 兼睇櫻花啦！國泰推出2人同行優惠，每位計：香港來回大阪$2,078起 (連稅$2,622起)、東京$2,291起 (連稅$2,803起)！正！

出發日期就係7月5月前，除部分旺季不適用外，大部分日子都有平！當中連櫻花季都有，啱晒同屋企人 / 三五知己開心賞櫻，或者兩口子喺櫻花樹下 Selfie 放閃！

賞完櫻就去梅田、難波，或者銀座、新宿盡情掃貨！票價包咗30kg行李寄艙、飛機餐，大把位比你放戰利品！快啲 Tag 你嘅旅伴一齊訂飛，再諗定去邊度玩啦！

航班時間

[大阪]
去程：CX566 01:45-06:30 / CX568 11:40-16:35 / CX502 16:35-21:20
回程：CX567 09:20-12:20 / CX503 10:00-13:05 / CX561 19:15-20:40 (CX561只適用於3月24日或之前)

[東京]
去程：CX524 01:00-06:30 / CX500 15:10-20:30
回程：CX509 09:15-13:10 / CX501 10:40-14:40

預訂資訊：

出發日期：即日-2018年2月13日、2月19日-3月27日、4月2日-4月25日、4月29日-6月14日、6月17日-6月28日、7月1日-7月5日

寄艙行李限額：30kg
機票有效期：2-7日

預訂日期：即日-2018年2月9日

預訂網址：https://www.travelliker.com.hk

歐洲式享受！漢莎推出優惠，香港來回歐洲各地$2,296起，連稅後只需3千5起！漢莎仲要係歐洲唯一獲得 Skytrax 5星評級嘅航空公司，CP 值極高！

除咗漢莎，仲可以揀佢集團旗下嘅航空公司 (瑞士國際航空 / 奧地利航空) ，全部都有舒適機艙＋靚服務！想來回兩程搭唔同航空公司都得！

連稅計：日內瓦$3,584起、盧森堡$3,703起、哥本哈根$3,732起、米蘭$3,735起、巴黎$3,734起、曼徹斯特$3,773起、馬德里$3,852起、阿姆斯特丹$3,882起、布魯塞爾$3,933起、布達佩斯$3,938起、羅馬$3,975起、赫爾辛基$4,033起、柏林$4,092起、雅典$4,121起、斯德哥爾摩$4,191起、蘇黎世$4,359起、倫敦$4,555起！

優惠可 Open jaw，例如米蘭入、巴黎出，來回連稅$3,993起！11月底前出發都有平，包咗23kg行李寄艙、飛機餐，最長可以玩1個月咁耐！

預訂資訊：

出發日期：2018年1月30日-2月8日、2月18日-6月24日、9月11日-11月30日

寄艙行李限額：23kg
機票有效期：6日-1個月

預訂日期：即日-2018年2月7日 (需於最少出發前7日預訂)

預訂網址：https://www.skyscanner.com.hk/ (如訂 Open jaw，可用「多個城市」搜尋)

國泰推出新一輪2人同行飛大阪優惠，想抵啲梗係上 Expedia 一次過訂「機票＋酒店」套票，價錢仲平過喺官網淨買機票！以入住最平住宿為例，2人同行香港來回大阪「國泰機票＋大阪 / 京都酒店」每位連稅計：4日3夜$2,943起、8日7夜$3,311起！

出發日期去到7月5日 (部分日子不適用)，4月初少部分日子有平，有機會睇到櫻花。大家可自訂行程長短，最耐玩到8日7夜。航班方面，去程可以揀早機或凌晨機，回程少部分日子可以揀夜機，部分日子需要加約六百蚊先揀得。

4日3夜「國泰機票＋新酒店」推介：

[大阪] 機票＋心齋橋更紗酒店 (新酒店) ★★★ | 連稅$3,641起 (4月22日去，4月25日返為例)
於2017年3月開業，隔離就係地鐵長堀橋站5A出口、Crysta 長堀地下街出口，論購物、乘車均非常方便！酒店提供不同房型：單人房、雙人房、三人房，也有設 Tatami 嘅和洋室房。

[大阪] 機票＋心齋橋小船酒店 (新酒店) ★★★｜連稅$3,913起 (5月13日去，5月16日返為例)
於2017年5月開幕，酒店位置極佳，位於心齋橋最熱閙嘅地段，距離「地鐵．心齋橋駅」只需約4分鐘步程。酒店嘅設計走簡約路線，客房以白色為主調，並配上樺木，予人光猛、潔淨嘅感覺。最細嘅房間只有約13平方米 (140平方呎)。

[大阪] 機票＋大阪難波光芒酒店 (新酒店) ★★★｜連稅$4,084起 (5月13日去，5月16日返為例)
將於2017年7月開幕，酒店位置方便，位於東心齋橋地區，距離「地鐵．日本橋駅」約6分鐘步程，行去心齋橋商店街只需7分鐘。酒店嘅設計走時尚簡約路線，頂層設有展望露天風呂，最細嘅客房約16平方米 (172平方呎)。

[京都] 機票＋八條口相鐵草莓客棧 (新酒店) ★★★★｜連稅$3,759起 (4月22日去，4月25日返為例)
於2017年4月開業嘅新酒店，位置優越，距離京都站僅5分鐘步程，去其他地方或到京都站上蓋商場 shopping 都極方便！客房唔算大，雙人房最細16平方米，勝在夠新淨，佈置簡潔舒適。

4日3夜「國泰機票＋高評酒店」推介：

[大阪] 機票＋麗嘉中之島酒店 ★★★｜連稅3,295起 (4月22日去，4月25日返為例)
酒店位於梅田，行去地鐵肥後橋站一分鐘都唔駛，同時近京阪缐，出入非常方便。酒店大堂有便利商店，很方面，對面有 Starbucks 及24小時營業嘅食店。

[大阪] 機票＋大阪蒙特利酒店 ★★★★｜連稅3,718起 (5月13日去，5月16日返為例)
地點優越，由JR大阪站櫻橋口直出，通過梅三小路商店街，行3至5分鐘就到！各大型商場就係正附近，逛街食飯飲嘢宵夜冇難度！

[大阪] 機票＋難波天然溫泉多米高級旅館 ★★★★｜連稅$4,353起 (5月13日去，5月16日返為例)
酒店提供天然溫泉設施，又有免費拉麵宵夜，仲有 Shuttle Bus 去JR難波站！位置方便，行去道頓堀、大阪電器城只需5分鐘，距離心齋橋購物區步行亦只需15分鐘步程。

除以上推介，大家可以於 Expedia 自選酒店。搜尋時，記得係先揀酒店、再選機票。揀酒店時，可依價錢將酒店由低至高順序排起，再按「星級」、「位置」篩選，可以更容易搵到心水酒店。揀完酒店後，可於各大航空公司中揀返國泰嘅班次就可以了。

想喺行程中住唔同嘅酒店都得，只要喺搜尋時揀「我只需要在部分旅程中入住酒店」，就可以設定套票包邊幾晚，其餘日數再加訂其他酒店。

預訂資訊：

出發日期：即日-2018年2月6日、2月22日-3月22日、4月8日-4月25日、4月29日-6月14日、6月17日-6月28日、7月1日-7月5日

寄艙行李限額：30kg
機票有效期：2-7日

預訂日期：即日-2018年2月9日

預訂網址：http://www.expedia.com.hk (以網頁版訂購為佳)