正喎！夾公眾假期飛韓國，一樣有平！韓亞航空推出優惠，香港來回首爾$1,396起 (連稅$1,851起)！連稅千8蚊左右咋！抵！

出發日期就係4月至6月，包括勞動節、佛誕等紅日都照平！只要請1日假，就可以放4日去搵 Oppa 啦！例如勞動節揀4月28日去、5月1日返！

韓亞係傳統航空，仲要獲 Skytrax 5星評級！有優質靚服務，仲包埋23kg行李寄艙、飛機餐！呢隻優惠最耐可以 stay 12個月咁耐添！

以上價格係以 VISA 卡簽賬，並於 Trip.com 使用優惠代碼「TUESVISA」預訂。如果冇 VISA 卡，就貴$100。

平飛唔係日日有，大家可以先上韓亞官網揀「查詢所選日期的前/後三天」睇多日票價，搵出平機票日子，然後先上 Trip.com 出飛！

紅日旺季出發策略 (請1日放4日)：
勞動節：4月28日去、5月1日返
佛誕節：5月19日去、5月22日返
端午節：6月16日去、6月19日返
七一假期：6月30日去、7月3日返

預訂資訊：

出發日期：2018年4月7日-6月30日

寄艙行李限額：23kg
機票有效期：12個月

預訂日期：即日-2018年1月31日

預訂網址：https://hk.trip.com (VISA卡優惠代碼：TUESVISA)

一次過滿足晒遊台灣＋日本兩個願望！華航呢隻優惠正！香港經台北 / 高雄來回日本各地$1,814起！Stopover 台灣玩多幾日都得！

香港出發來回連稅計：沖繩$1,978起、宮崎$2,035起、高松$2,071起、福岡$2,146起、廣島$2,154起、名古屋$2,239起、東京$2,448起、大阪$2,479起、札幌$3,859起！

如果想中停台北 / 高雄，補返機場稅就得！例如香港來回沖繩，中停台北：連稅$2,474起！價格包30kg行李寄艙、飛機餐，去晒兩地 Shopping 掃貨都夠晒位！

出發日期就係7月中前，大家可以先上華航官網搵出香港來回日本嘅平機票，然後再上 Trip.com 用「多個目的地」功能，就可以用最抵價格預訂 Stopover 台灣嘅機票！

預訂資訊：

出發日期：即日-2018年2月13日、2月19日-3月27日、4月6日-7月12日

寄艙行李限額：30kg
機票有效期：14日

預訂日期：即日-2018年7月12日

預訂網址：https://hk.trip.com

打算假期去歎陽光與海灘嘅粉絲，有冇諗過歎盡啲搭商務艙呢？菲律賓航空推出商務艙優惠，多個度假勝地都有靚價！而且旺季都用得，紅日去玩可以慳返啲大假！

香港來回峇里$5,743起 (連稅$6,370起)、關島$6,854起 (連稅$7,549起)、洛杉機$16,851起 (連稅$17,843起)、夏威夷 (檀香山) $22,324起 (連稅$23,316起)！

9月底前出發都有平，橫跨情人節＋農曆年都冇問題！例如去峇里，揀2月12 / 13日出發，過完年之後嘅2月18 / 21日 (年初三 / 六) 回程！最少請 3 日假就可以玩 6 日！

以上航班係經馬尼拉轉機嘅，回程可中停馬尼拉添！票價包 40 – 64 kg 激大寄艙行李額，去關島 / 夏威夷 Outlet 掃貨都夠晒位！呢隻機票仲有超長有效期，最耐可停留半年咁耐㗎！

提提您：搜尋時記得於「客艙級別」揀返「商務客艙」。如果想回程中停馬尼拉，就可以用「多個目的地」功能搵飛。

預訂資訊：

出發日期：即日-2018年9月30日

寄艙行李限額：40kg (峇里) / 2件32kg (關島 / 洛杉機 / 檀香山)
機票有效期：2日-6個月

預訂日期：即日-2018年4月15日

預訂網址：https://www.hutchgo.com.hk

越南航空呢口價認真筍爆，暑假旺季飛只需連稅一千蚊！票價包埋20kg行李寄艙、飛機餐，航班有早去晚返！越航仲要係 Skytrax 四星航空嚟，計落仲抵玩過搭廉航！

香港來回胡志明市$618起 (連稅$1,046起)、河內$619起 (連稅$1,087起)！最正嘅係5月至9月都有平，包括暑假旺季！7 / 8月出發都得，最耐可以 stay 1個月！

今次優惠連 Open jaw 都有平添！例如河內入、胡志明市出，來回$696起 (連稅$1,126起)！可以先去河內睇水上木偶表演，欣賞下龍灣靚風景，再落胡志明市歎法國菜、睇典雅嘅法式建築！

提提您，持特區護照或BNO去越南都需要申請簽證。而越南於2017年已經推出咗官方 E-visa，比起親身去領事館或經 agent 辦落地簽證都方便得多！

預訂資訊：

出發日期：2018年5月9日-9月26日

寄艙行李限額：20kg
機票有效期：1個月

預訂日期：即日起

預訂網址：https://hk.trip.com (如要預訂 Open jaw，可按「多個目的地」搜尋)

想快閃台灣玩返幾日，華航 / 華信機票勁平！想再慳啲？可以上埋 Expedia 一次過訂機票＋酒店，套票比起單買機票筍得多！

香港來回台北 / 台中 / 高雄 / 台南機票＋酒店，連稅計：3日2夜$1,393起、4日3夜$1,442起、6日5夜$1,491起 (以最平住宿為例)！

價格係2人同行每位計，已包30kg寄艙行李額、飛機餐、稅項，最耐可以玩8日7夜！7月前出發都得，而且航班時間幾靚，各地都有早去晚返可以揀！

3日2夜「機票＋3/4星酒店」套票推介：

(以2018年5月27日去、5月29日返為例)

[台北] 華航機票＋艾特文旅 ★★★★｜連稅$1,703起
位於西門町嘅新酒店，去邊都咁方便，裝修走簡約路線，有點點文青味！

[台北] 華航機票＋CitizenM 台北北門酒店 ★★★★｜連稅$1,778起
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！

[台北] 華航機票＋路境行旅 ★★★★｜連稅$1,649起
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。

[台中] 華信機票＋1969藍天飯店 ★★★★｜連稅$1,830起
懷舊風格復古酒店，內外佈置都充滿LOFT風格，極具質感。步行5 – 8分鐘可達中華路夜市、一中街夜市，距離台鐵 / 高鐵站只有5分鐘步程，附近亦有巴士站，交通方便。

[高雄] 華航機票＋六合宿旅店 ★★★｜連稅$1,769起
酒店位置一流，喺捷運美麗島站 (光之穹頂) 一出行1分鐘就到，到咗夜晚，樓下就係六合夜市，一出門口就有大把嘢食！

[台南] 華航機票＋緩慢文旅台南古根 ★★★｜連稅$2,453起
個名夠晒文青，位於台南市中心，地理位置非常好，從酒店大門右轉就是國華街，各種台南美食可一次滿足。週邊景點多，距離昆沙宮和孔廟不到 10 分鐘腳程。裝潢走樸實、簡約路線。

除以上推介，大家可於 Expedia 任選自己鍾意嘅酒店！預訂套票時，首先揀酒店，再揀返華航 / 華信嘅機票就可以了。

如果想玩多幾個地方、住唔同嘅酒店，可以於搜尋套票時剔選「我只需要在部分旅程中入住酒店」，咁就可以設定套票包邊幾晚，其餘日數再加訂其他酒店！

預訂資訊：

出發日期：2018年2月6日-2月7日、2月25日-3月27日、4月7日-4月27日、4月30日-5月18日、5月21日-6月14日、6月17日-6月28日、7月1日-7月12日

寄艙行李限額：30kg
機票有效期：7日

預訂日期：即日-2018年1月31日

預訂網址：http://www.expedia.com.hk

關島新低價！3月底前出發，香港直航來回關島$1,835起 (連稅$2,290起)！聯合航空呢口價認真抵玩，想去蜜月 / 度假就唔好錯過啦！

票價已包2件23kg行李、飛機餐，最耐可停留30日！航班時間係晚去晚返，喺機上瞓個靚覺，起身落機就天光可以即刻去玩！

優惠唔係每日都有，大家可以先上聯航官網揀「彈性旅遊日期」搵出咩日子有平機票，再上 Hutchgo 以更抵價格預訂！

提提您：雖然關島係美國屬地，但持BNO及香港特區護照去係免簽證㗎！

航班時間：
去程：UA116 22:50-05:30+1 / 23:55-06:35+1 (逢星期一、三、五、六)
回程：UA159 18:50-21:55 / 19:55-23:00 (逢星期一、三、五、六)

預訂資訊：

出發日期：2018年1月22日-2月15日、2月20日-3月29日

寄艙行李限額：2件23kg
機票有效期：2-30日

預訂日期：即日-2018年1月27日

預訂網址：https://www.hutchgo.com.hk

搭長榮飛歐洲，呢隻優惠價格好吸引！香港來回維也納 / 巴黎 / 倫敦$2,880起！4月底前出發都有平，仲可以搭到 Sanrio 主題機添！

連稅計：維也納$3,563起、巴黎$3,636起、倫敦$4,421起！包咗30kg寄艙行李額、飛機餐。長榮仲要係 skytrax 5星航空，服務勁好！

航班係經台北轉飛嘅，揀長轉機時間的話可以快閃玩埋台北！例如飛維也納，去程BR828 轉 BR65 / 回程BR66 轉 BR827，轉機時間有成14粒鐘！

部分台北來往巴黎班次係用「Sanrio Family 牽手機」執飛！有Hello Kitty、My Melody、布甸狗等唔同角色陪大家飛歐洲，連飛機餐同餐具都係 Sanrio 角色嚟㗎！主題機逢星期日、三、五出發、逢星期一、四、六回程。

呢隻優惠係官網先有，不過唔係日日都有優惠價，大家搜尋時可以剔選「彈性旅遊日期」，會易啲搵到平機票！

預訂資訊：

出發日期：2018年2月13日-4月30日 (部分日子不適用)

寄艙行李限額：30kg
機票有效期：1個月

預訂日期：即日起

預訂網址：https://www.evaair.com/zh-hk/index.html

正呀，卡塔爾延長咗機票優惠！1月23日前於官網預訂，香港來回歐洲各地$2,910起 (連稅$3,619起)！搜尋時輸入優惠代碼「SMGTB18」就有抵價！

連稅計：阿姆斯特丹$3,619起、布拉格$3,630起、日內瓦$3,796起、米蘭$3,798起、哥本哈根$3,854起、維也納$3,903起、布魯塞爾$3,912起、羅馬$3,931起、馬德里$3,938起、蘇黎世$3,949起、奧斯陸$3,959起、巴黎$3,960起、莫斯科$3,967起、聖彼得堡$4,101起、斯德哥爾摩$4,113起、法蘭克福$4,185起、都柏林$4,248起、巴塞羅拿$4,307起、雅典$4,352起、慕尼黑$4,356起、尼斯$4,441起、倫敦$4,620起！

除以上所列，其他爆多航點都有得平！咁多地方點揀好？ Open jaw (不同城市進出) 都得，例如布魯塞爾入、阿姆斯特丹出，連稅$3,739起！

出發日期去到12月，就連暑假頭去都有筍價！機票最耐可 stay 6個月，慢慢玩多幾個國家都冇問題！票價已包30kg寄艙行李額、飛機餐，仲有卡塔爾優質服務添！

優惠於部分日子不適用，大家搜尋時可以用「More dates」功能睇前後15日票價，同埋標明有紅色星星嘅就係優惠價格啦！

預訂資訊：

出發日期：即日-2018年12月10日
預訂日期：即日-2018年1月23日

優惠代碼：SMGTB18

寄艙行李限額：30kg

預訂網址：https://www.qatarairways.com

鐘意約埋一大班 friend 去澳門勁食勁玩？中旅社推出訂得越多減得越勁澳門新優惠！預訂指定3個類別嘅套票2套或以上，即可享折扣！

• 類別A：「澳門酒店＋船票」套票
• 類別B：「澳門酒店」套票 (不包含交通)
• 類別C：「澳門門票 / 餐券＋船票」套票

預訂上述類別A / 類別B套票，付款時使用推廣碼「M18P」，訂購2套，每套減$30；訂購3套，每套減$40；訂購4套或以上，每套減$50！訂購上述類別C嘅套票，訂購2套每套減$15；訂購3套，每套減$20；訂購4套或以上，每套減$25！

精選澳門酒店＋船票套票：

(以購買 4 套套票，使用優惠碼每位計)

船飛＋澳門羅斯福酒店 ★★★★★｜連稅$610起
船飛＋澳門新濠影匯酒店 ★★★★★｜連稅$715起
船飛＋澳門美獅美高梅酒店 ★★★★★｜連稅$750起
船飛＋澳門十六浦索菲特大酒店 ★★★★★｜連稅$755起
船飛＋澳門JW萬豪酒店 ★★★★★｜連稅$775起
船飛＋澳門美高梅酒店 ★★★★★｜連稅$1,053起

另外，如果淨係想買 TurboJET 船飛，2人同行來回只需$496，即係每人只需$248！

預訂資訊：

出發日期：即日-2018年3月31日

推廣碼：M18P

預訂日期：即日起

預訂網址：http://www.ctshk.com/