買咗日本機票嘅粉絲，訂咗酒店未呢？買完平機票梗係要以筍價 book 埋住宿啦！樂天旅遊推出 Super Sale，日本酒店大劈價，低至每晚$247起！東京 / 大阪 / 京都 / 北海道 / 九州 / 沖繩等多個旅遊熱點嘅酒店都有！

精選抵價酒店 (以2人入住雙人房，每位連稅計)：

[札幌] 札幌大通里士滿酒店 ★★★｜每位$247起
位於狸小路中心位置，四周均為購物熱點及食肆！前往地鐵簿野站、大通站只需3分鐘！

[大阪] 大阪東急REI飯店 ★★★｜每位$250起
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！客房唔大，最細果間只有13平方米，但喺梅田有呢啲價位，真係抵！

[東京] 東京淺草紅色星球酒店 ★★★｜每位$417起
2015年落成，距離淺草 ROX 購物中心、三社祭和淺草神社不到 10 分鐘路程，房間內有晴空塔靚景！

[京都] 京都新阪急酒店 ★★★★｜每位$429起
地理位置優越，正正在JR京都車站的正對面，交通便利，一出酒店就有地下街、百貨公司！

預訂資訊：

入住日期：即日起
預訂日期：即日-2017年12月10日 11:00PM

預訂網址：
[香港版] https://travel.rakuten.com.hk/campaign/supersale/
[台灣版] https://travel.rakuten.com.tw/campaign/supersale/

提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。

國泰再劈日本線！香港直航來回日本各地只需$2,302起！連稅計：名古屋$2,804起、東京$2,805起、大阪$2,838起！呢口價唔算十分抵，以國泰嚟講都 ok 啦！

以上價格係經 Travelliker 預訂嘅。VISA卡用戶可以去 Ctrip 用優惠代碼「TUESVISA」預訂，有得減多$100！使用折扣後，連稅計：名古屋$2,745起、東京$2,655起、大阪$2,758起！

明年3月底前出發都得，可以趁冬天去玩雪、新年搶福袋！票價包飛機餐及 30kg 寄艙行李額，Shopping 血拼都唔駛怕行李超磅！

優惠於旺季日子不適用，想去跨年就要貴小小，例如12月30日去、1月4日返，香港來回名古屋$2,506起 (連稅$3,007起)。想知邊啲日子有平飛？可以先上國泰官網用「無指定旅遊日期（+/- 3 日）」搜尋，然後再上 Travelliker / Ctrip 以更平價格出飛！

預訂資訊：

出發日期：即日-2017年12月19日、12月29日-2018年2月11日、2月21日-3月25日

機票有效期：2-7日
寄艙行李限額：30kg

Ctrip X VISA卡減$100優惠代碼：TUESVISA

預訂日期：即日-2017年12月31日

預訂網址：
[Travelliker] https://www.travelliker.com.hk
[Ctrip] https://www.ctrip.com.hk

永安今次閃劈澳門套票！限時3粒鐘，預訂2人同行澳門喜來登金沙城中心大酒店2日套票，付款時輸入推廣碼「GC631」每位可減$200，即每人只需$588起！已經包埋離境稅！仲送百老匯「吃到飽」套餐券，入住期間可使用有無限數據嘅「Handy」手機！筍呀！

出發日期係明年1月至2月，正好啱晒去睇teamLab展！優惠於今日下午1點開賣，限時不限量，只要呢3粒鐘內預訂、並輸入推廣碼，就可以享到以上抵價！

留意，優惠只限永安旅遊嘅會員及香港永久居民適用。大家可以先上永安網站成為會員，再於今日下午登入網站 / 手機 App、用推廣碼預訂套票就得啦！

套票包括：

• 一晚「澳門喜來登金沙城中心大酒店」客房住宿
• 入住期間使用每房一部「Handy」手機，可享無限數據任用
• 百老匯「吃到飽」套餐券
• 金光飛航香港至澳門來回船票 (船上 Wi-fi 免費任用)

預訂資訊：

出發日期：2018年1月1日-2月27日
預訂日期：2017年12月6日 1PM – 4PM

每位減$200推廣碼：「GC631」

預訂網址：https://www.wingontravel.com/

正呀喂！一個 trip 同時滿足追極光、遊冰島絕景、玩芬蘭三個願望！中旅社推出冰島夢幻國度自由行套票優惠！芬蘭航空．5日3夜「機票＋酒店＋早餐＋接送＋極光之旅及專人導賞＋溫泉＋冰河行程」只需$9,599起 (連稅及服務費$11,129起)！如想玩耐啲，旅程可以安排 stay behind，最長可以 stay 30日，而且呢隻優惠仲可以中停赫爾辛基，順便玩埋芬蘭同睇埋果邊嘅極光，玩得更加䀆興！旅行日期由即日起至2018年3月31日。

套票包含以下各項：

• 芬蘭航空．香港經赫爾辛基至凱夫拉維克來回機票 (香港 – 赫爾辛基 –凱夫拉維克 – 赫爾辛基 – 香港)，可以中停赫爾辛基。
• 3晚酒店住宿
• 3日免費早餐
• 冰島機場大巴接送
• 北極光之旅
• 極光觀賞交通接送 (包英文導賞、熱飲或小食)
• 黃金圈之旅 – 秘密溫泉 (包括溫泉入場票)
• 傑古沙龍冰河湖之旅

呢款套票除咗包機票、住宿同早餐、機場接送，仲包咗幾個 local tour！當中包括可遇不可求嘅極光之旅＋專人導賞！另外，仲有黃金圈秘密溫泉、冰河湖之旅！行程非常豐富！

如果想 stay behind 玩䀆啲，仲可以加購以下行程。包括：冰島火山騎馬之旅 ($1,168)、斯奈山半島大巴團 ($1,378)、雷克雅内斯半島半日遊 ($938)、奇妙極光小巴之旅 ($938)、Reykjavik 觀鯨團 ($1,008)、Blue Lagoon 藍色潟湖 ($660起)。

查詢 / 預訂：

出發日期：即日-2018年3月31日 (每逢星期二、四、六出發及回程)
機票有效日期：5-30日

預訂日期：即日起 (須提前2星期預訂)

查詢 / 預訂電話：2998 7788、2789 5830 (GRACE)、2789 5461 (RAINBOW)

查詢電郵：[email protected]；[email protected]

注意：

• 持香港特區及英國 (海外) 護照 BNO 可以免簽證。
• 北極光自然現象之觀賞需視乎天氣狀況而定。如果在這次旅行中沒有看到任何北極光，每人可獲退款$300。

卡塔爾又嚟爆筍優惠！香港來回歐洲各地$3,500起 (連稅$4,199起)！連稅四、五千蚊可以飛歐洲，仲要係全球最佳航空嘅787夢幻客機，呢口價算係唔錯！

航班係經多哈轉機嘅，歐洲多個航點都有平！熱門城市又有、深度遊冷門地區都有！去北歐睇極光、巴黎米蘭 Shopping、巴爾幹半島文化歷史遊，或者去俄羅斯做戰鬥民族都得！

來回連稅計：阿姆斯特丹$4,199起、斯德哥爾摩$4,325起、奧斯陸$4,357起、布拉格$4,386起、哥本哈根$4,396起、莫斯科$4,564起、日內瓦$4,571起、米蘭$4,628起、蘇黎世$4,644起、都柏林$4,662起、馬其頓斯科普里$4,796起、聖彼得堡$4,829起、尼斯$4,878起、羅馬$4,957起、巴黎$4,961起、希臘塞薩洛尼基$5,025起、倫敦$5,279起！

飛北歐咁遠都只係四千頭，抵呀！出發日期仲去到明年11月中前，可以慢慢諗下點玩！搵飛時，可以善用「More dates」功能睇吓邊啲日子最平！

預訂資訊：

出發日期：即日-2018年11月15日 (部分日子不適用)
寄艙行李限額：30kg

預訂日期：即日-2018年1月5日

預訂網址：https://www.qatarairways.com

今個12月澳門有好多節目！有採用全新巡遊路線嘅「澳門國際幻彩大巡遊」，亦有「澳門光影節」！多個地點都設置璀璨燈飾，仲有光雕表演同互動遊戲添！

想2018年過大海感受新氣息，呢隻「澳門國際幻彩」套票就啱晒啦，包括：金光飛航香港來回澳門氹仔船飛、1晚酒店客房住宿及「吃到飽」套餐券！以入住「澳門百老匯酒店」為例，2日1夜雙人套票每位$629起，入住喜來登金沙城中心大酒店都係每位$699起！而入住新濠影匯酒店就每位$780起，不過包咗「蝙蝠俠夜神飛馳」4D 模擬飛行體驗及「8」字型摩天輪門票。

以上價格已經包晒所有離境稅(每位$30)及附加費！想再平啲的話，可於付款頁輸入推廣碼「BC686」，每位再減$100，每訂單最高減$200，即每位$529起！推廣碼只限每日首50位先有，要訂就快手啦！記住用永安旅遊APP預訂每位平多$10，扣扣理理每位都係$519起。

如果想12月出發去睇巡遊同璀璨燈飾，就可能貴少少，但就包多個「百老匯奇幻秀」B區入場門票，俾你享受一場震撼感官嘅表演。

除咗以上酒店，仲可以揀、澳門銀河酒店或澳門JW萬豪酒店！間間都係舒適豪華靚酒店！

呢隻套票優惠由1月至2月出發都有，2人同行每位$629起！。另外，12月出發就貴少少，但送埋奇幻秀門票！

預訂資訊：

出發日期：即日-2018年02月28日 (部分日子不適用)

預訂日期：即日-2017年12月13日

每位減$100推廣碼：「BC686」

預訂網址：https://package.wingontravel.com

為慶祝載客量突破1,000萬人次，濟州航空推出為期十日嘅慶典優惠！香港 / 澳門飛首爾單程$350起！12月7日開賣，明年3月24日前出發都有！

韓國國內線機票都有平，最抵只需韓圜 KRW11,900 一程，計落即係大約港幣$85咋！平平哋又可以去多幾個地方！

留意，以上為優惠機票，票價只限有一件10kg嘅手提行李，不包括寄艙行李。如要加寄艙行李，收費為每程每件15kg以下$200。

此外，只要免費註冊成為會員，即可享有高達$286嘅優惠券、同埋1,000 Refresh Point 積分！優惠券可以即時使用，變相可以用更低價格買激平機票！同時，新會員可以參加有獎手機遊戲，答中問題同分享上社交平台，有機會贏到金浦來回濟州嘅機票！

航班時間

香港來回首爾：
[去程] 7C2102 13:35-18:05 / 7C2108 01:25-06:05
[回程] 7C2101 09:55-12:35 / 7C2107 21:40-00:25+1

澳門來回首爾：
[去程] 7C2002 15:05-19:40 / 7C2004 02:10-06:40
[回程] 7C2001 11:00-14:05 / 7C2003 22:10-01:10+1

預訂資訊：

出發日期：2017年12月7日-2018年3月24日 (部分日子不適用)
預訂日期：2017年12月7日9am -12月17日4pm

預訂網址：https://www.jejuair.net/