想去泰國避寒兼 Hea 歎新酒店？以下呢款套票可能啱晒你！

中旅社出咗隻90周曼谷套票減$500優惠，乘搭高質嘅泰航，入住新開業嘅4星「曼谷素坤逸凱悅酒店 (Hyatt Place Bangkok Sukhumvit)」，4日3夜只需$1,998起 (連稅$2,498起)！價錢已包泰國航空香港至曼谷來回機票、3晚入住「曼谷素坤逸凱悅酒店」、每天自助早餐。好抵玩！

曼谷素坤逸凱悅酒店係凱悅酒店集團旗下嘅新酒店，設計走時尚精品路線，有室外泳池、健身中心等設施。而且位置方便，毗鄰著名 Emporium、EmQuartier 及即將開業嘅 EmSphere 商場。

航班方面，去程係中午機，回程係下午機：
[去程] TG601 12:45-14:25
[回程] TG606 16:00-19:45

呢隻優惠出發日期只限2018年1月5日。

另外，大家亦可以優惠價加購：
– 泰國5日 (無限) 上網卡 ($35/張)
– 蘇凡納布機場至酒店接送每程$280 (最多可載6人)

預訂資訊：

出發日期：2018年1月5日

預訂日期：即日-2017年12月4日 (額滿即止)

查詢 / 預訂電話：29987788

之前搶咗澳門平酒店？依家可以搶埋船飛啦！永安旅遊會喺聽日 (11月29日) 1:00pm至4:00pm推出閃劈優惠，金光飛航香港來回澳門船票只需$199！爆平！

只要於優惠期內，去永安旅遊手機版網站 / App 預訂香港來回澳門船飛 (星期一至五班次出發)，輸入推廣碼「GF613」，全單滿$500即減$102！即係購買雙人來回船飛的話，每位只需$199！再加送百老匯「吃到飽」套餐劵，仲有船上免費任用 Wi-fi！好鬼抵！

12月18日前出發都有呢口價，適用於星期一至五嘅班次。優惠係限時不限量嘅，但留意只限永安會員登入後先用到，大家可以先上永安網站免費登記成為會員，再於下午準時1點鐘搶飛！

預訂資訊：

出發日期：2017年11月30日-12月18日 (部分日子不適用)
預訂日期：2017年11月29日1:00pm-4:00pm

滿$500減$102推廣碼：GF613

預訂網址: https://m.wingontravel.com/webapp/ferry/ (只限手機版 / App)

簡直係平穿地殼！坐新西蘭航空直飛新西蘭只需連稅3千3！

新西蘭航空推出史上最平嘅新西蘭優惠！香港直航來回奧克蘭只需$2,750起 (連稅$3,450起)！呢口價係歷史新低！從未見過咁平！

如有DBS MasterCard，上 Ctrip 訂可以用埋優惠代碼「DBSMCF」額外再減多$200！折後只需$2,614 (連稅$3,311)！更加抵！

另外，轉飛基督城$4,167 (連稅$4,867)、皇后鎮$4,167 (連稅$4,867)！同樣可以用DBS 優惠代碼再減。

呢個價除咗可以坐新西蘭航空外，亦都可以揀坐由國泰營運既航班，一次過試晒2間航空公司嘅服務。

出發日期由介乎2018年5月8日至7月10日，最長可以停留1個月。

預訂資訊：

出發日期：2018年出5月8日-7月10日
機票有效期：1個月
免費寄艙行李：23kg

預訂日期：即日-2017年12月8日 (售完即止)

Ctrip x DBS MasterCard 優惠代碼：DBSMCF (有效期至2017年11月30日)

預訂網址
[Ctrip] https://www.ctrip.com.hk (有DBS MasterCard)
[Hutchgo] https://www.hutchgo.com.hk (其他信用卡)

香港航空做緊11周年優惠，套票都有 Mega Sale！上 Expedia 「機票＋酒店」一次過訂，可以更加抵！當中以北海道最為最引！以入住最平住宿計，札幌「機票＋酒店」連稅：5日4夜$3,215起、8日7夜$3,882起！抵到跳舞！

票價係2人同行每位價格，包香港航空香港來回北海道札幌機票、20kg寄艙行李額、飛機餐、稅項及整個行程嘅住宿！

出發日期介乎明年3月至5月中，大家可以自訂旅程長短，最耐可以玩到8日7夜！

留意，預訂時要先揀酒店，後揀機票。大家揀完酒店後，再喺各大航空公司入面，揀番香港航空嘅航班就可以了。

5日4夜「機票＋3/4星酒店」套票推介：

以2018年4月8日去、4月12日返為例。

機票＋札幌薄野阿帕酒店 ★★★｜連稅$3,215起
酒店距離Hosui Susukino 地鐵站僅2分鐘步程，位處鬧區的邊緣，人車較少，環境較靜，而且房間夠大。距離JR Sapporo 車站約10分鐘車程，距離Sapporo Bankei 滑雪勝地及藻岩山約30分鐘車程。

機票＋札幌王子大酒店 ★★★★｜連稅$3,475起
酒店圓柱外形好易認！位置仲好近大通公園，交通又方便。而且佢仲係市中心少數有埋溫泉嘅酒店！絕對唔係駁喉過嚟果種，而係當年起酒店時意外發現嘅天然泉！每日只需俾$30就可以浸無限次！

機票＋札幌景觀大通公園酒店 ★★★｜連稅$3,547起
酒店喺正大通公園隔離，客房佈置優雅、舒適，並享有大通公園景色。距離西11丁目地鐵站僅5分鐘步程，行去JR 札幌大站約15分鐘步程或5分鐘車程。

機票＋札幌蒙特利酒店 ★★★★｜連稅$3,758起
房間夠大，走歐式設計好舒適。由酒店行去JR札幌站、大丸百貨及購物商場等只需5分鐘。去鐘樓、舊市政廳、大通公園等亦只需10分。

機票＋札幌全日空酒店 ★★★★｜連稅$4,055起
洲際旗下酒店，位置就腳，距離JR札幌站只需7分鐘步程，行去大通車站周邊景點只需約10分鐘，行去狸小路、札幌鐘樓、二條魚市場及Sapporo Factory 約15分鐘。基本上唔駛搭車都去到唔少主要景點。

機票＋札幌格蘭大酒店 ★★★｜連稅$4,128起
酒店與JR札幌站相連，經相連嘅隧道行5分鐘就到，非常方便。距離札幌鐘樓和大通公園只有2分鐘步程，距離Kokusai Ski Ground 滑雪場約1小時車程。

除以上推介，大家可以自選酒店，如果想喺行程中住唔同嘅酒店，於搜尋時揀「我只需要在部分旅程中入住酒店」就得。

預訂資訊：

出發日期：2018年3月7,13,14,19,20,21,25,26日、4月6日-4月25日、5月2日-5月17日
機票有效期：2-7日 (最多可停留8日)
免費寄艙行李：20kg

預訂日期：即日-2017年12月8日 (售完即止)

預訂網址：http://www.expedia.com.hk (以網頁版訂為佳)

天氣涷涷地，唔想做嘢只想 hea 番2日？可以留意永安旅遊嘅金沙度假區「冬季臻享套票」！一個價錢包 hea 住超豪酒店、包食、包來回船飛！2人同行，每位只需$760起！抵過酒店、船票分開咁訂之餘，仲有餐券送！如果用理 App 首次預訂優惠，全單可以再減多$80，即係每位只需$720起！更加抵！

套票包啲乜？

• 一晚酒店住宿 (澳門金沙城中心假日酒店 / 澳門巴黎人 / 澳門威尼斯人 / 澳門金沙城中心康萊德酒店)
• 金光飛航 (標準艙) 來回船票 (包埋每位$30離境稅)
• 酒店精選餐廳享用自助早餐 / 自助午餐
• 「貴賓尊享優惠」小冊子
• 驚喜禮遇「吃到飽套餐券」(價值MOP70)

可以揀住咩酒店？

最平係入住澳門金沙城中心假日酒店﹐另外亦可以補錢入住其他酒店。以下價格為2人同行每位計。

金沙城中心假日酒店：每位$760起
澳門巴黎人：每位$874起
澳門威尼斯人：每位$1,094起
澳門金沙城中心康萊德酒店：每位$1,060起

用理 App 首次預訂優惠再減$80，折咗每位都係$720起咋！

Hea 之餘，若想玩返夠本，可以用埋套票附送嘅「貴賓尊享優惠」玩盡各項娛樂設施，又或者另外加購各項活動門票如：新濠影滙之「8」字摩天輪門票、「蝙蝠俠夜神飛馳」4D模擬飛行體驗門票、水舞間門票、澳門旅遊塔門票等。

預訂資訊：

出發日期：即日-2018年2月15日 (部分日子不適用)

預訂日期：即日起

預訂網址：https://package.wingontravel.com/short/Detail/3254

澳門啲套票愈嚟愈抵！今次有「澳門皇冠假日酒店套票」嘅優惠，酒店＋來回船飛＋自助早餐 / 午餐，2人同行每位只需$599起 (連稅及附加費$610起)！呢口價係香港人專享，持香港身份證先有！

12月5日前於中旅社網站預訂就有優惠價，明年1月底前出發都得！而每個入住日期嘅首兩間訂房，仲可以免費升級至豪華雙床房 / 海景大床房！諗起都覺得好歎呀！

「澳門皇冠假日酒店套票」包括：

• 一晚「澳門皇冠假日酒店」客房住宿 (按入住日期每天首兩間訂房免費提升至豪華雙床房或海景大床房)
• 自助早餐 / 午餐套餐
• 香港至澳門來回普通等船票

留意，價格係以港澳碼頭來回氹仔為例，如選擇至澳門外港碼頭，每位每程加$40；揀屯門出發就要加返$28乘客服務費。

預訂資訊：

預訂日期：即日-2018年1月31日
預訂日期：即日-2017年12月5日

預訂網址：http://www.ctshk.com