想去台北跨年，可以揀以下台北套票，機票同酒店一齊訂，就算玩成個禮拜都只係千七蚊左右！
2人同行「國泰機票＋酒店」，以入住最平住宿為例，連稅每位計：3日2夜$1,384起、5日4夜$1,524起、7日6夜$1,723起！
價格已包國泰航空香港來回台北機票、30kg寄艙行李額、機上餐飲、稅項、行程住宿！
明年3月尾之前出發都有，航班時間選擇都幾多，唔少日子有早機去晚機返添！如果想跨年、去101睇煙花倒數，可以揀12月27或30日出發，1月3日回程！但留意，旺季酒店供應緊張，可以揀嘅酒店越嚟越少了。
預訂時，記得先揀酒店、後選機票。當揀完酒店後，喺各大航空公司入面，揀番國泰嘅航班就可以了。
國泰3日2夜「機票＋3/4星酒店」推介：
以下價格以1月14日出發，1月16日回程為例。
機票＋艾特文旅 ★★★★｜連稅$1,573起
位於西門町嘅新酒店，去邊都咁方便，裝修走簡約路線，有點點文青味！
機票＋路境行旅 ★★★★｜連稅$1,653起
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋米勒風尚行旅 ★★★｜連稅$1,676起
2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。
機票＋HOTEL PAPA WHALE ★★★★｜連稅$1,642起
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七
蚊全包真係抵到喊！
機票＋台北門精品飯店 ★★★★｜連稅$1,718起
新酒店！設計時尚有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！
機票＋台北西門町意舍 ★★★★｜連稅$2,036起
意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。
機票＋富藝旅台北大安 ★★★★｜連稅$2,071起
2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2
分鐘就係捷運大安站，走出去就係信義路與復興南路，去永康美食街，亦只需搭2個捷運站。
機票＋六福居公寓式精品酒店 ★★★★｜連稅$2,191起
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
除以上推介，大家可以自選酒店及自訂行程長短，最多可以玩到8日7夜！搵酒店時可以按「價錢」排序，再以位置及酒店星級篩選，就會易啲搵出適合嘅酒店。
如果想喺行程中住唔同嘅酒店，可以於搜尋時選「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
留意番，平飛唔係日日有，大家可以上國泰官網以月曆模式睇下邊啲日子有平，記低有平嘅日子，然後再上 Expedia 以更抵嘅價錢訂套票。
預訂資訊：
旅行日期：即日-2017年12月20日、12月27日、12月30日、2018年1月3日-2月15日、2月25日-3月28日
停留期限：2-7日
免費寄艙行李：30kg
預訂日期：即日-2017年11月30日
預訂網址：http://www.expedia.com.hk (需使用網頁版預訂，手機 App 訂唔到套票)
