港航早前開咗新貴賓室，又新添置咗A350客機，喺12月中前飛台北都可以搭到！想趁呢個機會坐A350商務艙，試試平躺座椅？去 Expedia「機票+酒店」一齊訂，商務艙加4至5星級酒店都唔駛怕貴！

以2018年2月4日出發、入住4星級嘅「皇家季節酒店台北南西館」為例，台北「商務艙機票＋4星級酒店」連稅計：4日3夜$2,886起、6日5夜$3,238起！

價格係2人同行每位計，包括香港航空香港來回台北商務艙機票、30kg寄艙行李額、豐富飛機餐、稅項、酒店住宿，仲可以使用港航機場貴賓室，上機前飲飽食醉！

明年3月底前出發都有平，部分日子不適用。航班時間選擇都多，基本上可以揀到早機去晚機返，視乎供應而定。

搜尋時，於「進階選項」揀返「商務艙」，再揀酒店，之後喺各大航空公司入面，選取港航嘅商務艙航班就可以了。

港航．台北「商務艙機票＋4 / 5星級酒店」推介：

以下價格以2018年2月4日出發，2月7日返為例。

商務艙機票＋皇家季節酒店北投溫泉館 ★★★★｜連稅$2,973起
位於北投，以歐洲宮廷風格設計嘅溫泉酒店！客房設羅馬浴場式嘅私人浴池，住客可以於房內盡情享受浸浴！酒店距離「捷運．新北投」站約10分鐘步程，酒店亦有提供 Shuttle bus 來往捷運站，非常方便！

商務艙機票＋量子酒店 (新酒店) ★★★★｜連稅$3,761起
大S老公開嘅精品酒店，2017年4月先至開幕，夠晒新，客房亦夠大，最細果間都有28平方米 (301平方呎)！酒店更由法國名設計師 PHILIPPE STARCK 親自操刀設計！位置亦好方便，位於台北松山區，喺臺北小巨蛋附近，距離「捷運．南京復興」站約9分鐘步程，去「台北車站」亦只需搭3個站。

商務艙機票＋台北晶華酒店 ★★★★★｜連稅$3,978起
位於台北市中心嘅5星級酒店，房間有45平方米以上，面積夠晒大！酒店設 Lady M 專櫃，留喺酒店餐廳就食到千層蛋糕！步行7分鐘可達「捷運．中山」站，搭1個站就去到「台北車站」，出入都好方便！

商務艙機票＋台北大倉久和大飯店 ★★★★★｜連稅$4,676起
屬於大倉酒店集團，提供日系優質服務嘅5星級酒店！酒店設有傳統日式餐廳，亦有大浴場同頂樓泳池，喺頂樓仲可以欣賞台北101襯托下嘅迷人景色！酒店鄰近購物熱點，食肆林立，行5分鐘就去到「捷運．中山」站，位置唔錯！

除以上推介，大家都可以自選酒店！搜尋後，按酒店星級作篩選、以「價錢」由低至高排序，可以易啲搵到心水酒店！

大家都可以自訂行程長短，最多可以玩到兩個禮拜！如果想喺行程中住唔同嘅酒店，可以選「我只需要在部分旅程中入住酒店」，之後再訂其他地方嘅酒店，玩整個台灣都得！

留意，唔係每機都係用A350執飛，12月17日前飛台北都有機會搭到，之後就要飛北美先有啦！不過，搭A330-300同樣有平躺座椅㗎！大家亦可以參考以下部分會用A350客機嘅航班時間。

A350客機航班時間參考：

[去程]
HX252 09:10-11:15 / 09:05-10:55
HX282 17:50-19:50 / 16:40-19:00

[回程]
HX253 12:15-14:15 / 11:55-13:45
HX283 20:50-22:55 / 20:00-22:10

預訂資訊：

出發日期：即日-2017年12月18日、12月30日-2018年2月13日、2月21日-3月23日
機票有效期：14日
預訂日期：即日-2017年10月31日

預訂網址：https://www.expedia.com.hk (要用網頁版，手機 App 訂唔到套票)

去歐洲玩，可以揀全球最佳航空卡塔爾！依家有埋優惠，來回歐洲各地只需$3,400起！仲可以坐787夢幻客機添！

來回連稅計：布拉格$4,091起、阿姆斯特丹$4,144起、斯德哥爾摩$4,237起、日內瓦$4,247起、羅馬$4,291起、奧斯陸$4,391起、哥本哈根$4,392起、米蘭$4,542起、莫斯科$4,560起、蘇黎世$4,639起、慕尼黑$4,645起、馬德里$4,694起、雅典$4,727起、巴黎$4,872起、倫敦$5,140起、赫爾辛基$5,237起！

商務艙都有優惠，來回歐洲各地$18,750起！來回連稅計：阿姆斯特丹$19,834起、巴黎$2,0114起、哥本哈根$21,242起！

以上航班都係經多哈轉機，如轉機時間有5小時或以上，可以免費申請過境簽證入境多哈 (最多96小時)！轉機時間長的話可以順便玩埋多哈！

今次個價以飛北歐嚟講都幾抵，其他地方就唔算話十分平，明年2月底前出發嘅可以諗諗佢！除以上航點，仲有其他歐洲地方都優惠，大家可以上卡塔爾官網睇睇。

留意，優惠於聖誕及跨年旺季不適用，搵飛時可以用官網「More dates」功能睇吓邊啲日子最平！

預訂資訊：

出發日期：即日-2017年12月14日、2018年1月11日-2月28日 (部分日子不適用)
預訂日期：即日-2017年10月25日 23:59 (售完即止)

寄艙行李限額：30kg

預訂網址：https://www.qatarairways.com

正呀喂！阿聯酋航空推出新一輪曼谷優惠！

2人同行坐A380，香港直航來回曼谷只需$884起 (連稅$1,330起)！

如果一人出發，就貴少少，來回$957起 (連稅$1,403起)！

出發日期去到明年5月底，最耐可以留一個月！除咗聖誕及農曆年等旺季不適用，其他日子都有！留意番，航班去程只限星期日至四、回程只限星期一至五，要至少出發前7天預訂先有。

阿聯酋除咗服務好、飛機餐好食，佢地仲提供20MB 免費 Wi-Fi 數據服務，等大家係飛機上都可以上 Facebook 打卡同上網。

阿聯酋航空飛曼嘅航班只有晚機去晚機返，如果係打工仔，放咗工就可以上機。又或者如果你主力係玩芭堤雅或華欣，可以喺機場酒店休息一晚，抖足精神第2朝一早再喺機場直接搭車過去。

航班時間：
去程 EK385 21:50-23:45
回程 EK384 14:00-18:05

平飛唔係日日有，如果想易啲搵到優惠，可以喺官網揀「我的日期可以靈活調動」搜尋，以月曆模式搵出最平日子。然後去上 Cheapflights 預訂就可以最抵了！

預訂資訊：

出發日期：即日-2017年12月17日、12月27日-2018年2月9日、2月19日-3月27日、4月3日-5月31日
機票有效期：2日-1個月
寄艙行李限額：30kg

預訂日期：即日-2017年11月15日 (至少出發前7天預訂)

預訂網址：https://www.cheapflights.com.hk

抵爆呀！聯合航空推出優惠，香港直航來回關島只需$1,900起 (連稅$2,355起)！同傳統航空正價飛日韓差唔多咋，正！

票價包括2件23kg寄艙行李額，去outlet掃貨唔駛怕爆喼！仲可以曬下太陽睇靚景、喪玩水上活動，去埋水晶教堂 selfie 打卡都得！

航班逢星期一、三、五、六開出，時間都幾靚㗎！來回都係夜機，上機瞓個靚覺，落機就係朝早可以即刻去玩！

除咗關島，其他美國航點都有平！香港直航來回：三藩市$3,529起 (連稅$4,345起)、紐約$4,111起 (連稅$4,927起)、芝加哥$4,162起 (連稅$4,978起)！

經美國其他城市轉機來回：洛杉磯$2,407起 (連稅$3,267起)、休斯頓$2,988起 (連稅$3,848起)、華盛頓$3,142起 (連稅$4,001起)、奧蘭多$4,835起 (連稅$5,695起)！

2018年3月31日前出發的話，AE信用卡用戶可享折扣！只要於Zuji預訂時輸入專屬優惠碼，滿$2,000即減$200、滿$8,000即減$800！使用折扣後，來回關島只需連稅$2,155起！詳情可以睇睇 Zuji X AE卡優惠頁面！

提提大家，持BNO及香港特區護照去關島係免簽證㗎！

來回關島航班時間：

去程：UA116 22:45-05:45+1 / 23:55-06:35+1 (逢星期一、三、五、六)
回程：UA159 18:50-21:55 / 19:55-23:00 (逢星期一、三、五、六)

預訂資訊：

出發日期：
[關島] 即日-2017年12月21日、12月26日-2018年2月15日、2月20日-3月29日、4月3日-5月31日
[洛杉磯] 即日-2018年3月23日 (部分日子不適用)
[其他美國航點] 即日-2018年12月31日 (部分日子不適用)

寄艙行李限額：2件23kg
預訂日期：即日-2017年11月14日

預訂網址：https://www.zuji.com.hk

抵呀！搭國泰去大阪 / 京都，可以上 Expedia 以套票形式連埋酒店一齊訂。玩足7日6夜最平三千蚊有找，比起分開買平得多！

2人同行大阪 / 京都「來回機票＋酒店」每位連稅計：4日3夜$2,830起、5日4夜$2,869起、7日6夜$2,983起！

以上價格係以入住最平嘅住宿為例，已包國泰航空香港來回大阪機票、30kg寄艙行李、機上餐飲、住宿、稅項！

出發日期去到2018年3月，最啱年頭去大阪 Shopping 搶福袋、或者去京都嘅神社祈福！航班時間有凌晨 / 早機去、早 / 晚機返，視乎供應而定！

留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。

5日4夜「國泰機票＋3 / 4星酒店」推介：

以下價錢以2018年1月28日去、2月1日返為例。

[大阪] 機票＋麗嘉中之島酒店 ★★★｜連稅3,356起
酒店位於梅田，行去地鐵肥後橋站一分鐘都唔駛，同時近京阪缐，出入非常方便。酒店大堂有便利商店，很方面，對面有 Starbucks 及24小時營業嘅食店。

[大阪] 機票＋拉亨特大阪灣酒店 (新酒店) ★★★｜連稅3,400起
2016年12月20日開幕，距離日本環球影城 (Universal City) 約10分鐘步程，行去「JR．櫻島駅」約4分鐘，價錢比環球影城內嘅酒店平。客房以花園、叢林、宇宙為主題，色彩繽紛。

[大阪] 機票＋Via Inn 心齋橋 ★★★｜連稅$3,756起
位置優越！從地鐵心齋橋站7號出口，步行約2分鐘就到。樓下有便利店，行約5分鐘到心齋橋購物區，shopping 同搵嘢食都好方便。客房面積最細有13平方米，一般日本商務酒店嘅 size，不過勝在價錢
平又夠方便。

[大阪] 機票＋難波東站 APA 酒店 (新酒店) ★★★｜連稅$3,815起
2017年4月開張，酒店位置佳，距離「南海電鐵．難波駅」只有5分鐘步程。附近有 Namba City 等大型商場。酒店嘅設計係一貫 APA 商務酒店嘅風格，客房略小，最細嘅房只有11平方米 (118平方呎)。

[大阪] 機票＋大阪蒙特利酒店 ★★★★｜連稅4,012起
地點優越，由JR大阪站櫻橋口直出，通過梅三小路商店街，行3至5分鐘就到！各大型商場就係正附近，逛街食飯飲嘢宵夜冇難度！

[大阪] 機票＋大阪難波光芒酒店 (新酒店) ★★★｜連稅$4,297起
將於2017年7月開幕，酒店位置方便，位於東心齋橋地區，距離「地鐵．日本橋駅」約6分鐘步程，行去心齋橋商店街只需7分鐘。酒店嘅設計走時尚簡約路線，頂層設有展望露天風呂，最細嘅客房約16平方米 (172平方呎)。

[大阪] 機票＋難波天然溫泉多米高級旅館 ★★★★｜連稅$4,577起
酒店提供天然溫泉設施，又有免費拉麵宵夜，仲有 Shuttle Bus 去JR難波站！位置方便，行去道頓堀、大阪電器城只需5分鐘，距離心齋橋購物區步行亦只需15分鐘步程。

[京都] 機票＋京都麗嘉皇家酒店 ★★★★｜連稅$3,829起
酒店經過翻新後，於2016年9月8日重新開業。客房夠大，最細果間都有22平方米，住得舒服！位置優越，距離「JR．京都火車站」約7分鐘步程，酒店亦提供免費 shuttle bus 往返 JR京都站。

除以上推介，大家可以自己揀酒店，亦都可以自訂行程長短，最多可以玩到8日7夜！

如果要喺行程中入住唔同嘅酒店，可於搜尋時揀「我只需要在部分旅程中入住酒店」，就可以設定套票包邊幾晚酒店，然後再加訂其他日子！

留意番，平飛唔係日日有，大家可以上國泰官網以月曆模式睇下邊啲日子有平，記低有平嘅日子，然後再上 Expedia 以更抵嘅價錢訂套票。

預訂資訊：

出發日期：即日-2017年12月19日、12月29日-2018年2月11日、2月21日-3月25日 (部分日子不適用)
預訂日期：即日-2017年10月31日

機票有效期：2-7日
寄艙行李限額：30kg

預訂網址：http://www.expedia.com.hk (需以網頁版訂購，手機 App 無法訂購)

港航三個北美航點都有抵價，連稅三千幾就搭到直航機，仲要係用A350新機執飛，正！用VISA卡簽賬，上 Ctrip 用埋減$100優惠碼「TUESVISA」，更抵！

使用優惠碼後：香港直航來回三藩市$2,565起 (連稅$3,283起)、洛杉磯$2,698起 (連稅$3,268起)、溫哥華$2,944起 (連稅$3,374起)！

其中洛杉磯及溫哥華需2人同行先有以上價格，三藩市就一人成行，獨遊都得！價錢已包每人2件23kg寄艙行李同飛機餐！

三個航點嘅出發日期都唔同，分別去到明年3月及6月。洛杉磯航班於12月18日啟航，而三藩市就會喺明年3月25日啟航，新航班新客機！

洛杉磯同三藩市於啟航後都係逢星期一、三、五、日出發，至2018年1月16日後就增至每日都有洛杉磯航班，而飛溫哥華就係每日都有！

航班時間：

[三藩市]
去程：HX060 12:20-10:15 (逢星期一、三、五、日出發)
回程：HX061 12:00-17:25+1 (逢星期一、三、五、日出發)

[洛杉磯]

去程：HX068 12:00-08:15 / 11:55-10:40 (2018年1月15日前：逢星期一、三、五、日出發)
回程：HX069 10:45-18:20+1 / 12:40-19:00+1 (2018年1月15日前：逢星期一、三、五、日出發)

[溫哥華]
去程：HX080 12:20-08:40 (每日出發)
回程：HX081 10:40-17:15+1 (每日出發)

預訂資訊：

出發日期：

[三藩市] 2018年3月25日-6月27日
[洛杉磯] 2017年12月18日-12月20日、12月25日-2018年2月8日、2月18日-3月22日
[溫哥華] 2017年11月1日-12月19日、12月25日-2018年2月9日、2月19日-3月23日

機票有效期：
[三藩市] 14日
[洛杉磯、溫哥華] 1個月

預訂日期：即日-2017年10月31日

減$100優惠代碼：TUESVISA (需以 Visa 卡簽賬)

預訂網址：http://www.ctrip.com.hk

搭國泰去曼谷跨年超平，如果「機票＋酒店」一齊訂仲抵！機票連埋住宿玩足7日都唔駛兩千蚊！除咗曼谷，揀芭堤雅或華欣嘅酒店都得㗎！

以入住最平住宿為例，2人同行「機票＋酒店」每位連稅計：4日3夜$1,854起、5日4夜$1,873起、7日6夜$1,912起！

價錢已包國泰航空來回機票、30kg寄艙行李額、整個旅程嘅住宿、稅項！旅程可長可短，大家可以自訂日數，最多玩到8日7夜。

出發日期去到2018年3月，跨年都有㗎，可以揀12月30日出發、1月3至5日回程！航班時間都幾靚，有得選擇早機去晚機返！

預訂時，記得要先揀酒店、後揀機票。大家揀完酒店後，喺各航空公取中搵返國泰嘅航班就可以了。

國泰．曼谷 / 華欣 4日3夜「機票＋4/5星酒店」推介：

以下價錢係以2018年1月14日去，1月17日返為例：

[曼谷] 機票＋曼谷沙吞智選假日飯店 ★★★★｜連稅$2,510起
位於是隆，行去BTS Chong Nonsi 站 只需2至3分鐘腳程 ，去MBK、Central World 都好方便 ！酒店樓下就有便利店、食店等。

[曼谷] 機票＋曼谷是隆中央酒店 ★★★★｜連稅2,566起
距離 Saphan Taksin BTS 站僅5分鐘腳程 ，搭的士到熱門購物區亦只是10分鐘，酒店樓下就有食肆、超市！

[曼谷] 機票＋蘇坤蔚路 55 號大中心點酒店 ★★★★★｜連稅$2,917起
酒店設有著名嘅 Let’s Relax Onsen & Spa，同時提供正宗日式溫泉。酒店配套完善，除咗 Gym、Sauna、泳池等，仲有 Jacuzzi。距離 BTS Thong Lo 站約10分鐘步程，唔想行嘅話，可搭酒店免費提
供嘅 tuk tuk 來往車站。

[曼谷] 機票＋曼谷素坤逸索菲特酒店 ★★★★★｜連稅$3,096起
位於 BTS Nana 站與 Asok 之間嘅法式酒店，位置便利。距離 Terminal 21 商場約5分鐘步程，四周更是熱鬧的商店區，有餐廳、酒吧、按摩店、小販攤檔等，應有盡有！高層的房間可遠眺湄南河！酒店泳池附設按摩池。

[曼谷] 機票＋曼谷悅榕莊 ★★★★★｜連稅$3,281起
悅榕莊無論喺硬件配套定係服務，一向都有好好嘅口碑！酒店位於中央商務區及Sathorn路的使館區，距離Lumphini 地鐵站同Suan Lum 夜市只有10分鐘步程。

[曼谷] 機票＋曼谷英迪格酒店 ★★★★★｜連稅$3,371起
呢間5星級酒店有唔少賣點，除咗有Infinite Pool，最基本嘅房型 (Deluxe Room) 都擁有露台。而且位置方便，距離BTS Phloen Chit 站只有5分鐘步程。

[華欣] 機票＋華欣德瓦薩穆度假酒店 ★★★★★｜連稅$3,512起
酒店坐落於私人海灘嘅5星級酒店，靠近大自然，環境十分舒適！ 除咗私人海灘、泳池、餐廳，酒店仲提供泰式按摩、泰式烹飪課程等活動，留在酒店內已可以有個好 Relax 嘅假期。另外，酒店提供免費班車前往華欣城市市場 (Hua Hin City Market)，只需10分鐘車程。

除以上精選，大家都可以自己揀合適嘅酒店！搜尋時以「價錢」從低至高排起，咁就可以方便啲搵出最平套票啦。

如果想喺行程中住唔同嘅酒店，可於搜尋時揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。

留意番，平飛唔係日日有，大家可以先上國泰官網用「 無指定旅遊日期 (+/- 3 日)」功能搵邊啲日子有平，然後再上 Expedia 以更抵嘅價錢訂平飛日子嘅套票！

預訂資訊：

出發日期：即日-2017年12月19日、12月30日-2018年2月11日、2月21日-3月25日 (部分日子不適用)
機票有效期：2-7日
寄艙行李限額：30kg

預訂日期：即日-2017年10月27日

預訂網址：http://www.expedia.com.hk (需要經網頁版預訂，手機 App 訂唔到套票)