尋日同大家介紹過 AirAsiaGo 嘅泰國套票優惠，如果想坐傳統航空公司嘅話，國泰都有隻爆抵嘅泰國套票，價錢比就咁訂機票仲要平！
如果淨訂機票，國泰來回曼谷連稅$1,947起，如上 Expedia「機票＋酒店」一齊訂，國泰4日3夜曼谷 / 芭堤雅 / 華欣「機票＋酒店」連稅只需$1,897起 (以入住最平嘅住宿為例)！多咗3晚酒店，價錢反而平多$50！兼再送$150機場現金券！如果想去多幾日，7日6夜連稅亦只係$1,958起！
淨訂機票，來回連税$1,947起。
同樣嘅旅行日及航班， 「機票＋3晚酒店」一齊訂連稅$1,897起！ 平過就咁訂機票。
以上為2人同行嘅每位價錢，已包來回機票、住宿、30kg行李、稅項。最長可以玩8日7夜。航班並無特別限制，去程及回程視乎供應而定，大部分日子可以揀到早機去晚機返。
旅行日期介乎9月11日至明年1月7日 (部分日子不適用)。跨年期間出遊都有得平，去程可以揀12月31日，回程可以揀1月2日或之後。
留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。
國泰．曼谷4日3夜「機票＋4/5星酒店」推介：
以下價錢係以12月3日去，12月6日返為例：
機票＋康帕斯酒店集團旗下素坤逸路阿德菲大酒店 ★★★★｜連稅$2,747起
客房夠大，最細果間都有38平方米，並設有㕑房、洗衣機，適合一家大細入住。四周環境清淨，但出入方便，距離「BTS．Phrom Phong 站」約 7至8分鐘步程。
機票＋蘇坤蔚路 55 號大中心點酒店 ★★★★★｜連稅$2,934起
酒店設有著名嘅 Let’s Relax Onsen & Spa，同時提供正宗日式溫泉。酒店配套完善，除咗 Gym、Sauna、泳池等，仲有 Jacuzzi。距離 BTS Thong Lo 站約10分鐘步程，唔想行嘅話，可搭酒店免費提供嘅 tuk tuk 來往車站。
機票＋AVANI 河畔曼谷酒店 ★★★★★｜連稅$3,164起
位於昭拍耶河邊，非常好 view！天台仲有打卡必到嘅 infinity pool，以及有戶外草坪嘅酒吧餐廳！可以坐免費渡輪過對岸嘅 BTS 同 Asiatique 夜市。
機票＋曼谷素坤逸索菲特酒店 ★★★★★｜連稅$3,245起
位於 BTS Nana 站與 Asok 之間嘅法式酒店，位置便利。距離 Terminal 21 商場約5分鐘步程，四周更是熱鬧的商店區，有餐廳、酒吧、按摩店、小販攤檔等，應有盡有！高層的房間可遠眺湄南河！店泳池附設按摩池。
機票＋曼谷拉差阿帕森購物區萬麗酒店 ★★★★★｜連稅$3,296起
提供5星級豪華住宿，最細嘅房都38平方米 (409平方呎)。Spa、泳池、健身室等設施一應俱全。位置一流，距離 Chidlom Skytrain Station 只有3分鐘步程，想shopping 嘅話行去 Siam Paragon 亦只需10分鐘。
機票＋曼谷 137 柱公寓酒店 ★★★★★｜連稅$3,401起
位於購物區 Phrom Phong 嘅5星級服務式公寓，房間全數附有開放式廚房，廚具及洗衣機等設備一應俱全，彷如置身豪宅之中。酒店於27樓設有 infinity pool，打卡必到！距離 BTS Phrom Phong 站約12分鐘步程，也可選乘酒店提供的接駁車到BTS站。
機票＋曼谷柏悅酒店 (新酒店) ★★★★★｜連稅$4,507起
全新5星級酒店品牌，柏悅係凱悅 Hyatt 酒店集團最高級嘅品牌，其豪華情度可想而知！而且仲有個40米長嘅 infinity pool。位置亦好方便，由 BTS Phloen Chit 站行去酒店只需1分鐘。
除咗以上介紹，大家可以自由搭配唔同嘅酒店、航班，亦可自訂旅程嘅長短。另外，亦可選芭堤雅、華欣嘅酒店，搜尋時目的地揀芭堤雅、華欣就可以了。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
另外，由即日起至9月30日，喺 Expedia 預訂任何機票或套票 (機票+酒店) 即送價值$150嘅香港國際機場現金券！大家完成預訂後，記得填妥表格，完成登記後，現金券將會郵寄至閣下嘅登記地址。
預訂資訊：
旅行日期：
- 去程：2017年9月11-27日、10月9-31日、11月1-30日、12月1-19,31日
- 回程：2017年9月13-30日、10月1-3,11-31日、11月1-30日、12月1-25日、2018年1月2-7日
停留期限：8日7夜
寄艙行李限額：30kg
預訂日期：即日-2017年9月30日
預訂網址：http://www.expedia.com.hk (需要經網頁版預訂，手機 App 無法訂購套票)
登記領取$150嘅香港國際機場現金券：http://goo.gl/vckNpC
