澳門巴黎人官網出咗幾款抵玩套票！而且農曆年前及暑假都有得平！

套票包住包食仲包埋船飛，如想近近地去住下靚酒店，食下地道美食，不妨諗諗！

小編揀咗其中兩款好吸引嘅套票介紹俾大家，唔知邊款啱您多啲？

套票一：澳門冬日姿彩住宿套票

經澳門巴黎人官網預訂「澳門冬日姿彩住宿套票」套票 (豪華大床客房＋雙人早餐或午餐＋雙人金光飛航單程船票)，每人只需$734起 (連稅$844起)！二人同行合計只需$1,468起起 (連稅$1,688起)！呢款套票嘅賣點係包雙人早餐或午餐！淨係呢餐都已經值五百幾蚊！

入住日期至2月28日，農曆年前都有得平！

呢款套票包啲乜？

• 入住豪華大床客房
• 於精選餐廳享用雙人早餐或午餐 (價值高達$524)
• 雙人休閒娛樂四選一 (價值超過$500)：
  • 雙人單程澳門至香港金光飛航經濟艙船票或
  • 澳門巴黎鐵塔入場券或
  • 雙人貢多拉之旅或
  • 歷險Q立方/歷險Q立方2/Q立方王國兒童地帶入場券
• 專享延遲退房至下午2點
• 免費無限上網
• 專享使用酒店泳池和健身中心

如果連續預訂2晚，再送雙人澳門發現之旅或雙人浪漫晚餐 (價值高達$1,000)

留意番，呢款套票只包雙人嘅單程船票，不過另一程就可以憑酒店預訂確認信以85折優惠價預訂！如果想買包晒來回船票嘅套票，可以留意以下呢款套票。

套票二：金光飛航連住宿套票

呢款套票就包晒住宿及雙人來回船票喇！經澳門巴黎人官網預訂「金光飛航連住宿套票」套票 (豪華大床客房＋雙人金光飛航來回船票)，每人只需$744起 (連稅$856起)！二人同行合計只需$1,488起 (連稅$1,711起)！除咗可住大床客房外，亦可以享用泳池、健身中心，又可延遲到下晝兩點先退房，等您可以瞓到夠！

入住日期至2月28日，農曆年前及7至8月暑假都有得平！

呢款套票包啲乜？

• 入住豪華大床客房
• 雙人澳門來回香港金光飛航經濟艙船票
• 官網獨享延遲退房至下午2點
• 免費無限上網
• 專享使用酒店泳池和健身中心

提提大家，官網有個非常好用嘅「尋找更低價」功能，俾您可以用月曆形式睇埋心水日子前後唔同日子嘅價錢，方便您搵最平嘅房。

預訂資訊：

入住日期：
[澳門冬日姿彩住宿套票] 即日-2017年2月28日
[金光飛航連住宿套票] 即日-2017年9月30日
預訂日期：即日起

預訂網址：http://www.parisianmacao.com

小編又以為自己睇錯！連稅唔駛二千蚊飛美國？

乘搭美國航空，香港經洛杉磯來回西雅圖只需$1,121，連稅$1,983！

呢口價簡直係匪夷所思！從來無見過一字頭嘅價錢可以飛到美國！唔知係咪漏洞機票？唔好理咁多lu，訂咗至算！

預訂資訊：

出發日期：2017年2月14日-5月10日
訂飛日期：只限1月5日
停留期限：最長1年

訂飛網址：http://travel.hutchgo.com.hk

之前介紹過香港航空條大阪線優惠，小編發現竟然仲有平飛！

香港來回大阪只需$950起，連稅$1,362起！

2月同3月出發，主要係繼續清埋啲貨尾，平飛只係得番好少。

連稅唔駛千四飛大阪，價錢好抵！票價已包20kg寄艙行李同飛機餐！

平飛日子分佈 (僅供參考)：
去程：2月3,4,5,6,7,8,9,10,11,12,20,21,27,28日、3月6,7,14,20,21日
回程：2月10,14,15,16,17,23日、3月2,9,10,16,23日

預訂資訊：

出發日期：2017年2月3日-3月23日
停留期限：2-7日
寄艙行李限額：20kg

預訂日期：即日-1月16日 (售完即止)

預訂網址：http://www.hongkongairlines.com

香港航空推出台北Business Class 優惠，出發日期遠至10月，連暑假尾都有得平！

乘搭港航商務艙，香港來回台北只需$1,329，連稅$1,731。

價錢唔錯！港航嘅商務艙除咗個位舒服啲，賣點當然係平躺座椅 (Flat Bed)，就算航程短，短短地瞓個美容覺都爽！行李當然有得升級，包30kg寄艙行李。飛機餐當然當然更豐富，而上機前仲可以用埋貴賓Lonuge。

要留意A330-300機型 (333) 先有圖中180度全平躺睡牀。

去程坐 HX282 16:40-19:00/17:40-19:50、HX284 21:55-00:05+1/22:35-00:40+1。回程就無航班限制，視乎供應而定。

港航官網並無此優惠，要上Ctrip 出票。

預訂資訊：

旅行日期：2017年1月9日-1月23日、2月2日-4月11日、4月18日-4月27日、5月4日-7月14日、8月25日-9月28日、10月3日-10月6日
停留期限：2-14日

預訂日期：即日起 (售完即止)

預訂網址：http://www.ctrip.com.hk (搵飛時記住揀「商務艙」)

全球最佳航空阿聯酋航空延續歐洲優惠，連埋稅最平只係三千五起！出發日期仲去到2017年11月尾！搭長途機最緊要係坐得舒服，呢啲價位可以坐全球最佳航空飛歐洲，直情物超所值！

來回票價：

香港經杜拜來回歐洲各地$2,967起 (連稅$3,565起)

來回連稅：伊斯坦堡$3,565、阿姆斯特丹$3,590起、日內瓦$3,730、羅馬$3,818、馬德里$3,854、漢堡$3,879、米蘭$3,887、巴黎$3,888、哥本哈根$3,939、斯德哥爾摩$3,982、巴塞隆拿$4,049、慕尼黑$4,074、維也納$4,099、蘇黎世$4,108、杜塞爾多夫$4,127、法蘭克福$4,256、布魯塞爾$4,298、倫敦$4,435、曼徹斯特$4,681

出發日期由即日至2017年11月16日 (部份日子除外)

呢隻優惠可以中停玩埋杜拜，只需俾多約$180機場稅。

另外，可以Open Jaw (即去程及回程由唔同地方進出)，玩完唔同城市之後都唔駛走回頭走。Open Jaw 有機會比同一地方來回仲要平。尤其係倫敦離境稅貴，唔經倫敦走可以慳番一千蚊。

如想易啲搵到Open Jaw 平飛，大家可以先search 來回地點A，記低有平飛嘅日子，然後再search 來回地點B，同樣記低有平飛嘅日子。最後，將地點A及地點B 有平嘅日子互相配搭，用「多個目的地」功能去search，咁就搵到Open Jaw 平飛㗎啦！

上Ctrip 出飛平過喺官網買！

預訂資訊：

出發日期：即日-2017年1月24日、1月30日-4月11日、4月18日-6月29日、9月10日-9月28日、10月3日-11月30日
停留期限：3日-1個月
免費寄艙行李：30kg

預訂日期：即日-2017年1月9日

預訂網址：http://www.ctrip.com.hk

*Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。另外，佢預設咗旅遊保險嘅費用，如無需要，輸入出生日期後可自行剔除。

國泰有隻二人同行飛台北優惠，如果「機票＋酒店」一齊訂，可以慳得仲多啲添！

台北「機票＋酒店」連稅：3日2夜$1,333起、4日3夜$1,399起、5日4夜$1,465起！

以上為二人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至2017年7月6日 (日期間斷，詳情見頁底資料)。

航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。

一人出發亦可，不過會貴啲，因為無朋友仔同你攤分房價。

留意，訂法係先揀酒店，後揀機票。大家揀完酒店後，再揀國泰嘅航班就可以了。

國泰．4日3夜「機票＋3/4星酒店」套票推介：

機票＋HOTEL PAPA WHALE ★★★★｜連稅$1,683起 (詳情)
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與SOHO都會風，夠型格！房間唔算大，最細嘅房約13平方米 (約140尺)，但好抵住！

機票＋艾特文旅 ★★★★｜連稅$1,763起 (詳情)
艾特文旅位於西門町嘅新酒店，去邊都咁方便，裝修走簡約路線，有點點文青味！

機票＋台北門精品飯店 ★★★★｜連稅$1,832起 (詳情)
新酒店！設計有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！最小的客房有約16平方米 (172平方尺)。

機票＋台北約克設計旅店 ★★★｜連稅$1,844起 (預訂)
酒店位於台北中心樞紐，距離台北車站只有3分鐘腳程，誠品、戲院、台北車站通通可以步行而至，喺隔離街就有港人大愛嘅咖啡弄。設計走時尚工業風，都幾型！

機票＋德立莊酒店 ★★★｜連稅$1,849起 (詳情)
德立莊位於西門嘅町嘅新酒店，就喺正捷運站隔離，講位置赢晒！

機票＋新驛旅店西門捷運店 ★★★｜連稅$2,087起 (詳情)
呢個走design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。

機票＋台北西門町意舍 ★★★★｜連稅$2,126起 (詳情)
意舍佈置簡約具型格，房間夠大，樓下就是誠品！位置便利，距離西門町捷運站僅5分鐘腳程。

機票＋六福居公寓式精品酒店 ★★★★｜連稅$2,542起 (詳情)
位於中山區，係林森公園隔離，距離中山捷運站和新光三越僅4-5分鐘腳程。房間夠大，豪華又舒適！

除咗以上介紹，大家可以自選任何酒店，亦可轉搭其他航空公司如長榮。

另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。

提提您，訂嘅時候，可選擇以「價錢」從低至高排起，咁就可以方便啲搵出最平套票啦。

預訂資訊：

旅行日期：即日-1月24日、2月4日-3月30日、4月2日-4月11日、4月17日-4月27日、5月1日-5月25日、5月28日-7月6日
停留期限：2-7日
免費寄艙行李：30kg

預訂日期：即日-2017年2月28日

預訂網址：http://www.expedia.com.hk