北海道又有平套票喇！香港航空嘅十周年優惠依家有埋套票優惠喇！出發日期去到2017年6月中，而且俾小編搵到年尾跨年至一月頭都有平！
二人同行，北海道6日5夜「機票＋酒店」連稅每人只需$3,318起！價錢已經包港航來回機票、5晚酒店住宿、20kg寄艙行李、稅項！呢啲價位真係要即搶！
出發日期由12月28日至2017年6月30日 (日期間斷，詳細出發日期見頁底)。如果想跨年，去程可以揀12月30日，回程可以揀1月4日，6日5夜來回連稅都係$3,612起
旅程冇限住6日5夜，長啲或短啲都得，最長可以玩8日7夜！
一人出發亦可，不過會貴啲，因為無朋友仔同你攤分房價。
留意，訂法係先揀酒店，後揀機票。大家揀完酒店後，再揀香港航空嘅航班就可以了。
港航．6日5夜北海道套票推介：
以下套票喺二人同行嘅每位價錢，以2017年1月6日去、1月11日返為例：
機票＋札幌薄野驛前APA 酒店 ★★★｜連稅$3,584起 (預訂)
酒店位置方便，機場巴士直達唔駛兩頭騰，樓下就有必逛嘅Tokyu hands！雖然行去大通公園要10分鐘，不過沿途有唔少特式商店同食店，行下睇下食下咁就到咗。
機票＋札幌薄野阿帕酒店 ★★★｜連稅$3,592起 (預訂)
酒店距離Hosui Susukino 地鐵站僅2分鐘步程，位處鬧區的邊緣，人車較少，環境較靜，而且房間夠大。距離JR Sapporo 車站約10分鐘車程，距離Sapporo Bankei 滑雪勝地及藻岩山約30分鐘車程。
機票＋札幌王子大酒店 ★★★★｜連稅$3,695起 (預訂)
酒店圓柱外形好易認！位置仲好近大通公園，交通又方便。而且佢仲係市中心少數有埋溫泉嘅酒店！絕對唔係駁喉過嚟果種，而係當年起酒店時意外發現嘅天然泉！每日只需俾$30就可以浸無限次！
機票＋新札幌燦路都大酒店 ★★★｜連稅$3,853起 (預訂)
位於大通公園旁邊，去雪祭好方便，行去狸小路shopping 或去大通地鐵站搭車亦只需5分鐘。
機票＋札幌 UNIZO 旅館 ★★★｜連稅$4,229起 (預訂)
於2016年1月開業嘅新酒店，夠晒新同乾淨。位置優越，距離大通地鐵站、札幌鐘樓只有2分鐘步路，行8分鐘可到JR札幌站。而大通公園、狸小路、二条市場全部都係15分鐘嘅步行距離之內。
機票＋札幌全日空酒店 ★★★★｜連稅$4,588起 (預訂)
洲際旗下酒店，位置就腳，距離JR札幌站只需7分鐘步程，行去大通車站周邊景點只需約10分鐘，行去狸小路、札幌鐘樓、二條魚市場及Sapporo Factory 約15分鐘。基本上唔駛搭車都去到唔少主要景點。
機票＋札幌格蘭大酒店 ★★★｜連稅$4,602起 (預訂)
酒店與JR札幌站相連，經相連嘅隧道行5分鐘就到，非常方便。距離札幌鐘樓和大通公園只有2分鐘步程，距離Kokusai Ski Ground 滑雪場約1小時車程。
除咗以上介紹，大家可以自選任何酒店，亦可轉搭其他航空公司如國泰。
另外，如旅程中某啲日子想自行訂其他酒店 (啱晒既想住札幌，又想喺行程中住其他他方如小樽、函館嘅朋友仔)，預訂時只要喺行程搜尋揀「我只需要在部分旅程中入住酒店」，咁你就可以決定邊啲日子自行安排其他酒店，非常具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
預訂資訊：
旅行日期：2016年12月28日-2017年1月18日、2月14日-4月11日、4月18日-4月27日、5月4日-5月25日、5月28日-6月16日
預訂日期：即日起 (售完即止)
停留期限：2-7日
免費寄艙行李：20kg
預訂網址：http://www.expedia.com.hk
