濟州航空推出2017年1月出發嘅早鳥優惠！

香港單程飛首爾只需$550 (來回連稅$1,555)！

今次嘅價錢幾吸引，比上一期嘅早鳥優惠平咗二百蚊！出發日期係正月雪季，白雪漫天紛飛，諗起都覺得浪漫，而且仲可以去滑雪添！係米即刻想同最愛飛番轉？

濟州航空雖然係廉航，但票價已包咗15kg寄艙行李。不過要留意番，行李唔可以加重量，過左15kg限額嘅話會當超重計算。如果買多咗，可以考慮用EMS寄返香港。留意番濟州航空並無飛機餐提供。

另外，韓國嘅內陸線同樣有優惠，例如首爾往來釜山只需$83，大家不妨plan 個韓國深度遊。

航班時間：
[去程] 香港>首爾 7C2108 01:25-05:55、7C2104 12:20-16:30、7C2102 13:35-18:15
[回程] 首爾>香港 7C103 09:05-11:15 7C2101 09:55-12:35、7C2107 21:40-00:25+1日

預訂資訊：

出發日期：2017年1月1日-1月31日
預訂日期：2016年9月7日9am-9月13日4pm (售完即止)
停留期限：不限
免費寄艙行李：15kg (如超過15kg，去程額外每件限15kg收$400；回程每件限15kg收約$420)

網上預訂：https://www.jejuair.net

提提大家：訂飛的時候可以㩒Guest Reservation 以電郵地址訂飛，唔駛做會員都訂到。

早幾日介紹過長榮經台北飛關島嘅優惠，如果唔想轉機亦無需要中停台北，咁聯合航空呢隻直飛關島嘅優惠就啱晒喇！

香港直航來回關島只需$2,384 (連稅$2,843)！出發日期去到2017年3月。

價錢貴過長榮幾百蚊，不過連稅二千八呢可以直航飛關島，其實算抵！而且仲包2件各23kg寄艙行李！

關島係一個有得影、有得玩、有得買嘅綜合旅遊勝地，想要影靚景有水晶教堂、水清沙幼嘅沙灘；想要刺激刺可以試揸飛機、高空跳傘；想shopping 又有outlet 俾您買到夠，有2件各23kg 嘅寄艙行李喎！唔係唔shop 下嘛！

航班時間係晚去晚返！一放工就可以上飛機訓覺，早上到達就可以去玩水喇！

航班時間：
去程 UA180 21:55-05:40+1 (一/三/五/六)
回程 UA179 19:30-22:35 (一/三/五/六)

提提大家，持BNO及香港特區護照去關島係免簽證㗎！

預訂資訊：

出發日期：即日-2017年3月31日 (旺季除外)
預訂日期：即日起
停留限期：2-45日

預訂網址：http://travel.hutchgo.com.hk

越南簽證嘅收費可能令唔少人卻步，不過如果有超平機票，又可以用平一半嘅價錢係網上搞掂個簽證，會唔會令您即刻想飛番轉？

越南航空推咗隻飛河內超平優惠，來回只需$497 (連稅$972) 起！出發日期去到12月尾，中秋及重陽前後出發都有平。

加咗三跑稅後，連埋稅都只係九百幾，屬於超低價位，而且已經包咗行李同飛機餐！

如果想深度遊越南，仲可以坐越航轉機峴港、芽莊、順化等地方！

簽證資料：持特區護照去越南需要申請簽證，可考慮於網上辦理落地簽證，費用只需US$33 (HK$246)，比係灣仔辦事處搞平唔少 (詳情)！但要留意落地簽證過關時可能較為耗時。

預訂資訊：

旅行日期：即日-12月31日
訂票日期：即日起
停留限期：1個月

預訂網址：http://www.ctrip.com

*提提您：Ctrip 個系統反應較慢，有時唔係第一時間load 到最平果張飛出嚟，你俾多1至2秒佢load 下，咁就會彈張平飛出嚟。另外，Ctrip 喺付款頁預設咗旅遊保險嘅費用，如無需要，可自行刪去。

香港航空依家做緊北海道札幌優惠，香港直航來回札幌連稅只需三千三起！如果連埋酒店一齊訂，可以再抵啲！

二人同行，北海道5日4夜套票連稅每人只需$4,058起！如果揀3星酒店亦只需$4,381起！仲平過以前淨買機票個價！

呢個優惠套票唔一定5日4夜，長啲或短啲都得！最多8日7夜，最少3日2夜。出發日期由即日至2017年3月25日 (日期間斷，詳情見頁底所述)。

留意，Expedia 嘅訂法係先揀酒店，後揀機票。大家揀完酒店後，再揀香港航空嘅航班就可以了。

港航5日4夜北海道札幌套票推介：

來回機票＋札幌弗雷姆酒店 ☆☆☆｜連稅$4,101 (預訂)
位於札幌市中心嘅經濟型酒店，位置方便，距離薄野地鐵站只有3分鐘步程，行去狸小路購物街只需5分鐘，行去大通公園亦只需10分鐘。

來回機票＋札幌王子大酒店 ☆☆☆☆｜連稅$4,395 (預訂)
酒店圓柱外形好易認！位置仲好近大通公園，交通又方便。而且佢仲係市中心少數有埋溫泉嘅酒店！絕對唔係駁喉過嚟果種，而係當年起酒店時意外發現嘅天然泉！每日只需俾$30就可以浸無限次！

來回機票＋宜必思風格札幌酒店 ☆☆☆☆｜連稅$4,567 (預訂)
酒店位置方便，喺地鐵中島公園1號出口行3分鐘就到，同時機場巴士直達。坐地鐵到札幌站亦僅需10分鐘。

來回機票＋札幌歐多梨海道拉金特住宅酒店 ☆☆☆｜連稅$4,794 (預訂)
酒店距離大通地鐵站只有5分鐘步程，行出門口唔駛3分鐘就到最熱鬧嘅貍小路通商店街。另外，酒店仲提供咗天然溫泉浴場！隨時可以去浸一浸鬆一鬆！

以上套票已包香港航空來回機票、4晚酒店及20kg寄艙行李！

除咗以上介紹，大家可以自由搭配唔同嘅酒店及航空公司如國泰，亦可自訂旅程嘅長短。

另外，如旅程中某啲日子想自行訂其他酒店，預訂時只要喺行程搜尋揀「我只需要在部分旅程中入住酒店」，咁你就可以決定邊啲日子自行安排其他酒店，非常具彈性。

預訂資訊：

出發日期：即日-12月20日、2017年1月1日-1月26日、2月1日-3月25日
預訂日期：即日-9月14日

預訂網址：http://www.expedia.com.hk

係呀！又係日本優惠呀！呢次輪到國泰、港龍出招還擊！

香港來回日本各地只需$2,060起！出發日期仲去到2017年6月！

來回連稅：沖繩$2,395、福岡$3,093、名古屋$3,213、東京$3,216、大阪$3,249、札幌$4,807

用東亞信用卡喺Zuji 訂，並於付款前輸入優惠惠「BEA200SH」，可以減多$200。

用銀聯信用卡喺Hutchgo 訂2張東京機票或1張札幌機票，並於付款前輸入優惠惠「UNIONPAY500」，每張單可以減多$500 。

優惠可以open jaw，即係去程同回程可以由唔同成市進出。

預訂資訊：

出發日期：2016年9月17日-10月6日、10月9日-12月21日、12月28日-12月29日、2017年1月1日-1月25日、2月3日-3月30日、4月2日-4月11日、4月17日-4月27日、5月1日-5月25日、5月28日-6月30日
訂票日期：即日-2016年10月1日
停留期限：2-7日

預訂網址：
[Zuji] http://www.zuji.com.hk (東亞信用卡減$200優惠碼：BEA200SH)
[Hutchgo] http://www.hutchgo.com.hk (東京、札幌未連稅滿$3,500每單減$500電子禮券碼：UNIONPAY500，每日名額20個，每日中午12點開始計算)

釜山航空會喺明早10點 (9月6日) 推出12月飛釜山早鳥優惠！

香港/澳門單程飛釜山只需60,000KRW (約$416)

來回連稅：香港來回釜山$1,250起；澳門來回釜山約MOP1,252起！

論價錢算係唔錯！出發日期由12月1日至12月31日。

釜山航空已經包左20kg寄艙行李同機上餐點，加上凌晨機去晚機返，可以玩盡咁多日。旺季日子有冇就要開賣先知喇，依家可以tag 定朋友到時一齊搶購。

航班時間：
[香港飛釜山] 去程 BX392 02:05-06:15；回程 BX391 21:35–00:05+1
[澳門飛釜山] 去程 BX382 02:05-06:20 (星期一、四、六)；回程 BX381 21:50–00:20+1 (星期三、五、日)

預訂資訊：

出發日期：2016年12月1日-12月31日
預訂日期：2016年9月6日10am-9月12日2:59pm (售完即止)

預訂網址：http://www.airbusan.com