國泰新一輪直航美國優惠，香港來回美國五大城市只需$4,957起！
來回連稅：洛杉磯/三藩市(舊金山)/芝加哥$5,549起、紐約$6,771起、波士頓$6,780起
呢口價同上期優惠差唔多，出發日期去到2017年1月底。雖然一定無Fanfares 咁平，但勝在可以揀嘅日子夠長，供應量亦充足。
上Ctrip 買會平過國泰官網三至四百蚊。不過國泰官網個系統可以一次過顯示整個星期嘅平飛分佈，容易啲睇到邊啲日子有平飛，建議先上國泰官網搵下邊啲日子有平飛，然後再上Ctirp 買飛。
出發日期：2016年9月3日-12月7日、12月20日-12月31日、2017年1月9日-1月25日
預訂日期：6月30日 (售完即止)
停留期限：最長1個月
訂購網址：
[Hutchgo] http://www.hutchgo.com
[Ctrip] http://www.ctrip.com.hk
上Ctrip 買注意事項：如要去三藩市，搜尋時Ctrip 需輸入「舊金山」；Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。
長榮航空有隻台北二人同行優惠，來回台北$960起 (連稅$1,201起)！如果機票連埋酒店一齊訂可以慳更多，4日3夜套票連稅每人低至$1,475起！如果想住得企理啲，揀三星以上酒店就$1,534起！好抵玩！
出發日期由即日至12月31日，暑假及聖誕旺季就不適用了。航班並無太大限制，視乎供應而定，想早去晚返當然得，想晚去晚返亦都得。
以下酒店嘅配搭幾啱小編心水，唔知又啱唔啱大家心水呢？
來回機票＋清翼居旅店 – 采風館｜連稅$1,706起 (預訂)
位於中正，行去台北車站只需5分鐘，交通方便，行出酒店門口就有各大購物點、便利店、食店。
來回機票＋艾特文旅｜連稅$1,806起 (預訂)
位於西門町嘅新酒店，去邊都咁方便，裝潢簡潔，而且好有文青味道！
來回機票＋路徒行旅 (Roaders Hotel) ｜連稅$1,898起 (預訂)
2016年3月開業嘅新酒店，位於西門町商圈，但並非在鬧市中，旺中帶靜，又不失方便。設計走簡約路線，部分房內有個好正嘅大圓浴缸！
來回機票＋尚印旅店 ｜連稅$1,921起 (預訂)
酒店位於中山，行5分鐘到捷運雙連站，店樓下就有便利店，附近亦有唔少食肆。
來回機票＋町．記憶旅店 ｜連稅$1,985起 (預訂)
酒店位於西門町，距離捷運西門町站、誠品書店僅3至5分鐘步程。
來回機票＋德立莊酒店｜連稅$1,991起 (預訂)
呢間新商務酒店位於西門町，硬件企企理理，喺正捷運站隔離，位置絕佳！
來回機票＋丰居旅店忠孝館｜連稅$1,992起 (預訂)
酒店位於大安，行去捷連忠孝復興捷運站只需5分鐘，對面就係微風廣場。
來回機票＋新驛旅店西門捷運店｜連稅$2,053起 (預訂)
呢個走design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。
來回機票＋台北西門町意舍｜連稅$2,171起 (預訂)
佈置簡約具型格，房間夠大，樓下就是誠品！位置便利，距離西門町捷運站僅5分鐘腳程。
優惠需要二人同行，以上價格已包來回機票、4日3夜飯店、托運行李、稅項及服務費。套票唔一定4日3夜，最長可以stay 8日7夜。
除左以上推介，當然仲有好多其他酒店可供選擇，同時亦可以選擇唔同嘅航空公司及航班。
提提大家，Expedia 嘅預訂方法係先揀酒店，後揀航空公司及航班。
旅行日期：即日-2016年7月12日、8月24日-12月21日、12月27日-12月31日
預訂日期：即日-6月30日
優惠網址：http://www.expedia.com.hk (預訂方法係先揀酒店，後揀航班)
Ctrip推出每週酒店驚喜優惠，今期優惠包括台灣、日本、韓國、泰國呢啲熱門地點，以及新加坡同上海。
最平房價主要集中喺平日，星期日至四入住，而星期五、六及公眾假期入住會貴啲！
小編精明眼又啟動，以下酒店值得留意！ 所顯示嘅價錢係以為二人入住雙人房為例，如入住單人房，價錢會再平啲。
[台北] 台北德立莊酒店｜連稅$614起
位於西門町嘅新酒店，講位置真係無得輸，喺正捷運西門站5號出口旁邊，去邊度都咁方便。
[東京] 東京新宿格蘭貝爾酒店｜連稅$1,197起
位置非常方便，酒店距離JR東新宿站只有5-8分鐘步程，酒店附近就係歌舞伎町區，四周都有酒吧、食店、便利店。
[首爾] PJ 酒店｜連稅$712起
房間夠大，位於明洞區，喺乙支路4街地鐵站同忠武路地鐵站之間，附近多食肆、便利店。酒店提供免費接駁車來往明洞購物區同東大門。
[布吉] 普吉島諾富特度假村｜連稅$491起
設施完善嘅，建於海灘上方嘅小山上，可欣賞壯麗嘅日落海景，步行即可達芭東海灘。
入住日期：即日起
香港Groupon做緊新用戶迎新優惠，新用戶首次購物滿$250 (以單一產品計算) 即可使用迎新優惠碼，額外減多$100！呢個優惠碼最啱買澳門船飛！
金光飛航來回澳門船飛原本賣$276，使用優惠碼後只需$176！即係每程只需$88！如果其中一程係週六/日/公眾假期亦只需補$15！呢個價錢真係超級抵呀！
留意番以單一產品購物滿$250方可享有減$100優惠，如果買兩件產品先滿$250就唔可以用優惠碼。
旅遊日期：即日-2016年8月31日
換船飛日期：即日-2016年8月26日 (中午12時之前)
$100優惠碼：WELCOME (只限新會員使用，快啲注冊一個新帳戶啦)
最後使用日期：隨時終止
尋晚搶完Air Asia Big Sale 套票！今晚接力搶$0機票！
香港飛清邁、澳門飛曼谷/芭堤雅都有$0機票！其他地方亦都好抵！
[香港出發] 清邁$356、曼谷$578、吉隆坡$726、沙巴$866、布吉$924
[澳門出發] 芭堤雅MOP245、曼谷MOP336、清邁MOP592、吉隆坡MOP716
平到咁唔係唔搶嘛？
旅行日期由2017年1月4日至8月21日。當中明年5月23日後係首次推出優惠，平飛會比較多，重點出擊當然係暑假旺季嘅日子啦！
另外由吉隆坡/曼谷出發，飛金邊/棉蘭/新山/檳城/丁加奴/
留意番，以上既價錢未包行李寄艙費用。香港飛吉隆坡/沙巴/曼谷/布吉/清邁：20kg每程$150、25kg每程$200
旅行日期：2017年1月4日-8月21日
預訂日期：2015年6月13日-6月19日
真航空推出香港/澳門飛首爾優惠！
香港來回首爾$1,400起 (連稅$1,759起)；澳門來回首爾$1,500起 (連稅$1,819起)
出發日期由即日至6月30日、9月1日至10月29日。
論價錢，未算話好吸引，如唔介意俾多幾百蚊，不如考慮坐國泰、韓亞、大韓等傳統航空公司。
大家可以順便睇睇韓亞、大韓嘅優惠！韓亞 $1,635起 (詳情)、大韓 $1,666起 (詳情)
航班方面，香港回程嘅時間就比較差，澳門就時間好靚。
香港飛首爾：去程 LJ114 13:30-18:05；回程 LJ113 09:35-12:20
澳門飛首爾：去程 LJ122 01:30-06:05；回程 LJ121 21:45-00:30+1
真航空係大韓航空子公司，有15kg 免費寄艙行李，另外有提供機上餐飲。留意番寄艙行李係冇得加購重量，如行李超過配額會當超重，每kg收費10,000KRW (約HK$70)。
出發日期：即日-2016年6月30日、9月1日-10月29日
停留期限：15日
預訂網址：http://www.jinair.com (提提你：記住browser要允許顯示彈出式視窗先訂到機票)
又有$0機票呀！AirAsia會係星期一推出新一期Big Sale！
今次香港飛清邁，澳門飛曼谷/芭堤雅都有$0機票！另外，香港飛曼谷/布吉/沙巴/吉隆坡/馬爾代夫，澳門飛清邁/吉隆坡同樣有BIG Sale優惠！
想快人一步搶到$0機票，大家只需喺Expedia 同時訂「機票+酒店」，就可以快人一步搶到Big Sale平機票！
來回都搶到$0機票既話，香港飛清邁，澳門飛曼谷/芭堤雅3日2夜套票連稅只係$414起
價錢已經包來回機票、3日2夜酒店住宿同稅項。
旅行日期由7月11日至明年5月7日，當中$0機票集中係出年1月4日之後。
套票唔一定3日2夜，大家可以可以選擇更少日數或Stay Behind，一人都可以成行。
訂既時候，大家可以依價錢排序選擇「由低排起」
以上嘅價錢未包行李寄艙費用。
旅行日期：2016年7月11日-2017年5月7日
訂購日期：2016年6月12日-6月19日
預訂網址：https://www.expedia.com.hk
國泰/港龍再推日本優惠，香港直航來回日本各地$2,630起！今次個出發日期去到10月31日前出發，一人成行。
來回票價：廣島$2,594 (連稅$2,764)、沖繩$2,906 ($3,149)、福岡$3,385 (連稅$3,626)、名古屋$3,250 (連稅$3,607)、大阪$3,250 (連稅$3,641)起、東京$3,550 (連稅$3,910)
如果有銀聯信用卡，輸入優惠碼 “UNIONPAY300“，沖繩機票每單可再減$300。
要搵到以上嘅價錢，需用「多個目的地」功能去search 機票，例如：買來回廣島嘅機票，輸入方法如下圖：
如果唔係用「多個目的地」功能去search，就咁用「來回」功能去search，個價錢會貴幾十至二百蚊㗎！
今次嘅價錢，以廣島較為吸引！比上次嘅二人同行優惠仲要平咗三百幾蚊！而沖繩個價如果有銀聯卡減多三百都OK。至於其他航點就普普通通，而東京個價就唔算平！
提提您：Hutchgo 預設咗旅遊保險嘅費用，如無需要可自行剔走。
出發日期：
[廣島] 即日-7月7日、8月28日-10月31日 (限週四、日出發)
[沖繩] 8月25日-9月14日、9月17日-10月6日、10月9日-10月31日
[東京/大阪/名古屋/福岡] 即日-6月29日、7月2日-7月7日、8月25日-9月14日、9月17日-10月6日、10月9日-10月31日
預訂日期：即日-10月31日
停留期限：7日
銀聯減$300優惠碼：UNIONPAY300 (限沖繩，每日名額上限為25個，每日中午12時開始計算，如果今日名額滿咗，可以聽日再試)
預訂網址：http://travel.hutchgo.com.hk
經測試：搭港龍來回廣島，8月28日去，9月月1日返，來回$2,594，連稅$2,764
美國航空延續香港直航洛杉磯新航線優惠！呢隻優惠仲有部份航班係由國泰執飛添，正啦！
香港直航來回美國洛杉磯只需$3,420 (連稅$4,026) 起！
連稅四千蚊可以直航洛杉磯，呢口價唔錯。另一賣點當然係可以揀一啲由國泰執飛嘅航班嚟搭啦！如想揀國泰嘅航班，留意番航班資料會顯示「美國航空 8933 航空公司： 國泰航空」
呢隻優惠嘅供應都唔少，不過留意番部份旺季日子會貴二百蚊起。
呢張飛Class Code (子艙位) 為O，可以100% 儲番落大韓航空、芬蘭航空、阿提哈德航空及美國航空，計落有成14,500里，差唔多等於一張來回台灣機票！
出發日期：9月7日-12月13日、12月24日-29日、2017年1月10日-20日、1月30日-3月29日
預訂日期：售完即止
停留期限：3個月
預訂網址：http://www.expedia.com.hk
經測試：2017年9月7月去，9月14日返，航班由國泰執飛，來回連稅只需$4,026
呢排啲日本、韓國、台灣機票密密減，大家可能都入咗唔少貨。Expedia 梗係知道大家就嚟要飛呢啲地方，特別出咗個日韓台訂房優惠！
用埋指定優惠碼 “AEPlatinum2016Q1“，再額外9折！入住日期視乎個別酒店而定！
小編精明眼啟動，以下酒店好啱心水。
[台中] 頭等艙飯店 – 綠園道館｜連稅$445起 (預訂)
酒店坐落台中市中心，去邊都方便，酒店夠新淨，房間夠大。
[台北] 六福居公寓式精品酒店｜連稅$961起 (預訂)
位於中山區，係林森公園隔離，距離中山捷運站和新光三越僅4-5分鐘腳程。屬於公寓式酒店，房間大，夠舒適。
[東京] 新宿格蘭貝爾酒店｜連稅$967起 (預訂)
位置非常方便，酒店距離JR東新宿站只有5-8分鐘步程，酒店附近就係歌舞伎町區，四周都有酒吧、食店、便利店。
[大阪] 麗嘉中之島酒店｜連稅$778起 (預訂)
位於梅田，喺肥後橋地鐵站2號出口行1分鐘就到，非常方便。附近有便利店、星巴克、居酒屋、松屋。
[福岡] 福岡博多站前太陽線酒店｜連稅$528起 (預訂)
位於博多，喺博多車站行8至10分鐘就到，酒店附近有便利店，買日用品同食物都好方便。
[首爾] PJ 酒店｜連稅$629起 (預訂)
房間夠大，位於明洞區，喺乙支路4街地鐵站同忠武路地鐵站之間，附近多食肆、便利店。酒店提供免費接駁車來往明洞購物區同東大門。
[釜山] 天空海雲台酒店｜連稅$521起 (預訂)
位於海雲臺，坐落海邊，無敵海景，可直達海灘。而且位置就腳，機場巴士可達。
除左以上介紹，仲有好多其他新酒店，大家可以上Expedia 睇下啱唔啱心水。
入住日期：即日起
預訂日期：即日-6月12日
10%優惠碼：AEPlatinum2016Q1
預訂網址：http://www.expedia.com.hk
提提你：搵到心水酒店，可先上HotelsCombined / Trivago 格下價。
*優惠碼不適用於某些沒有參與是次推廣計劃的酒店。(輸入折扣代碼後會出現「此優惠代碼不適用於您所選擇的酒店」）
輸入優惠碼嘅位置喺付款頁，見下圖：
