繼續拆禮物啦！加航推出咗隻 Boxing Day 優惠！香港來回溫哥華$2,530起 (連稅$4,436起)！抵玩喎！

出發日期去到明年5月，就連復活節旺季去都得！例如明年4月14日去、4月22日返！或者勞動節、佛誕假期都有平添！

航班係直航機嚟，票價包埋2件23kg寄艙行李額、飛機餐！最耐可以停留兩個月咁耐！可以探下加國親友、順便一齊去玩！

提提大家，優惠票唔係每日去都有。搜尋時，可以剔選「彈性旅遊日期」及「只搜尋直航航班」，就會更快搵出咩日子有呢隻平飛啦！

航班時間

去程：AC8 19:40-16:35
回程：AC7 13:10-17:30+1

預訂資訊：

出發日期：2019年2月8日-4月25日、5月1日-5月21日

寄艙行李限額：2件23kg
機票有效期：2日-2個月

預訂日期：即日-2018年12月31日

預訂網址：https://www.hutchgo.com.hk

飛泰國有唔少選擇，但講到最歎嘅，當然係搭阿聯酋啦！阿聯酋推出最新優惠：香港來回曼谷$710起 (連稅$1,456起)！

航班係用 A380 客機執飛，機艙環境又大又舒適！機上娛樂系統超多戲睇，而且有20MB 嘅免費機上WiFi，可以食住飛機餐 Selfie 打卡！

明年1月中前出發都有以上價格，票價已包30kg寄艙行李額、飛機餐。而航班時間係晚去午返，收工即飛可以慳返日假添！

優惠價唔係每日都有。大家可以搜尋時剔選「出行日期可以靈活調動」，就可以一次過睇多日票價，快啲搵出邊日有平飛啦！

預訂資訊：

出發日期：2018年12月26日-2019年1月15日 (部分日子不適用)

寄艙行李限額：30kg
機票有效期：2日-1個月

預訂日期：即日-2019年1月10日 (須於出發前最少10日預訂)

預訂網址：https://www.emirates.com

華航呢隻套票抵玩喎！3日2夜「機票＋酒店」連稅都只係千七起，一次過訂方便又抵啲！而且台灣各地都有平套票！

乘搭中華航空，香港來回台北 / 台中 / 高雄 / 台南機票＋酒店連稅：3日2夜$1,764起、4日3夜$1,821起、5日4夜$1,989起！

價格係以2人同行每位計，並以入住最平住宿為例。票價已包30kg寄艙行李額、飛機餐，仲有得揀早去晚返嘅航班！

華航．台灣3日2夜套票推介：

(以2019年3月31日去、4月2日返為例，2人同行每位計)

[台北] 機票＋旅．晨行旅 ★★★｜連稅$1,940起
位於中正，好有質感嘅一家旅店，房間略小但計設條理、舒適。距離台北車站約8分鐘步程，行去西門町購物區約需10分鐘。

[台北] 機票＋儷客旅店 – 台北車站館 ★★★｜連稅$1,987起
簡約亮麗嘅酒店，2017年全面翻新，環境新淨整潔！位置極近台北車站，坐機場捷運前往非常方便！

[台北] 機票＋玫瑰精品旅館雙城館 ★★★★｜連稅$2,190起
2017年3月開業，位於雙城街，接近晴光市場、雙城夜市，行7分鐘可達捷運「中山國小站」。酒店以深灰及木系色調設計，帶淡淡文青氣息！

[台北] 機票＋台北喜瑞飯店 ★★★★｜連稅$2,240起
時尚亮麗嘅精品酒店，房間有落地玻璃窗，飽覽市內景色。酒店位於兩個捷運站之間，附近有臺北國際藝術村、中央藝文公園、華山文創區等文青熱點！

[高雄] 機票＋翰品酒店高雄 ★★★★｜連稅$2,095起
位於愛河附近，步行2分鐘即達捷運「鹽埕埔站」！前往駁二藝術特區、西子灣或旗津島都相當方便。酒店設施充足，有健身室、酒吧等。部分房間更可望
翠綠公園景致。

[台南] 機票＋WeLOFT INN ★★★｜連稅$2,123起
走 LOFT 工業風嘅酒店，佈置時尚、具設計感！酒店位於台南市中心，附近有眾多著名餐廳、食肆！

[台中] 機票＋台中逢甲碧根行館 ★★★★｜連稅$2,303起
位於市中心，非常熱鬧。一落樓就有眾多食肆、3分鐘步程即達逢甲夜市！酒店以暖色為主調，除一般房間，更設有面積更大嘅套房！

除以上推介，大家可自選鍾意嘅住宿。揀酒店時，可按「價格」由低至高排序、並以「酒店星級」及「鄰近區域」作篩選，就可以更快搵到適合嘅酒店！

預訂時，記得係先揀酒店、再選機票。留意，部分班次係由華航子公司「華信航空」執飛，預訂時揀返「華信航空」嘅班次就冇錯了。

大家可自訂行程長短，最耐可玩到8日7夜！套票雖然係2人同行計，但1人出發都冇問題，只係價格會貴少少。

搜尋時，記得唔好於「目的地」位置輸入機場代碼，否則就只要搵到機場附近嘅酒店！例如訂台北套票時，要填「台北 (及鄰近地區), 台灣」先得。

預訂資訊：

出發日期：2018年12月31日、2019年1月3日-1月24日、2月7日-3月29日、4月7日-4月25日、5月1日-6月7日、6月9日-6月30日、7月3日-7月10日、9月1日-9月12日、9月14日-9月30日、10月1日-10月6日、10月16日-10月30日 (回程最遲11月6日)

寄艙行李限額：30kg
機票有效期：2-7日

預訂日期：即日-2018年12月31日

預訂網址：http://www.expedia.com.hk (以網頁版預訂為佳)

想近近哋快閃遊，飛新加坡就夠晒快靚正！國泰依家有隻筍價：香港來回新加坡$1,158起 (連稅$1,995起)！

出發日期去到明年7月，而且可以揀凌晨 / 早機去、晚機返！揀 Weekend 去 (例如星期五去、星期日返) 都有平添！

票價已包飛機餐、30kg寄艙行李額！大把位放手信，可以去烏節路、武吉士等地盡情 Shopping 啦！

優惠於部分日子及旺季不適用，大家可先上國泰官網，睇多日票價搵出咩日子去最抵，然後再上 Airbare 用更抵價格訂飛！

預訂資訊：

出發日期：2018年12月30日-2019年1月30日、2月10日-4月4日、4月7日-4月14日、4月24日-5月9日、5月12日-6月5日、6月8日-6月27日、6月30日-7月11日

寄艙行李限額：30kg
機票有效期：2-7日

預訂日期：即日-2019年7月11日

預訂網址：https://www.airbare.com.hk

想即興飛外地倒數跨年？土耳其航空有隻即飛爆抵價！12月29至31日出發，香港來回伊斯坦堡$1,301起 (連稅$1,837起)！

跨年旺季連稅千八蚊起，仲包埋30kg行李額，飛東南亞都唔止呢個價啦！依家可以飛到土耳其，仲係搭直航機添！另外，就連轉飛歐洲各地都非常抵！

連稅計：巴黎$3,174起、阿姆斯特丹$3,184起、慕尼黑$3,184起、巴塞羅那$3,220起、法蘭克福$3,272起、哥本哈根$3,318起、馬德里$3,256起、羅馬$3,369起、倫敦$4,319起！

以上優惠價只限指定日子出發，並於2019年1月11至18日回程先有！優惠票價售完即止，有興趣就即上 Airbare 訂飛啦！

預訂資訊：

出發日期：2018年12月29日-12月31日 (須於2019年1月11日-1月18日回程)

寄艙行李限額：30kg

預訂日期：即日-2018年12月31日

預訂網址：https://www.airbare.com.hk

直飛英倫有筍價！2人同行乘搭維珍航空，香港來回倫敦$3,540起 (連稅$4,984起)！連稅五千有找，價格唔錯喎！

航班係用 787 夢幻客機執飛，而且係直航機，唔駛轉嚟轉去！票價已經包咗23kg寄艙行李額，飛機餐！

出發日期去到明年6月，春季 / 初夏遊天氣就夠晒舒適！最耐可以停留60日，慢慢玩多幾個地方都得！

以上價格係2人同行每位計，記得揀「2位乘客」先搵到。而1人出發就貴多幾十蚊：來回連稅$5,035起！

預訂時，記得留意票價係咪包咗寄艙行李額。因為另外有隻更平嘅飛，只係有手提行李、不包括寄艙行李。

預訂資訊：

出發日期：2019年1月21日-1月24日、2月18日-4月4日、5月11日-6月11日

寄艙行李限額：23kg
機票有效期：3-60日

預訂日期：即日-2019年1月4日

預訂網址：
[2人同行] https://www.cheaptickets.hk
[1人出發] https://www.airbare.com.hk

大韓有隻首爾優惠，反正都之後都要訂酒店，如果上 Expedia「機票＋酒店」一齊訂，連埋稅二千三蚊就可以玩4日，有齊晒機票同酒店！

乘搭大韓航空．香港來回首爾＋酒店 (以最平住宿為例) 連稅：4日3夜$2,324起、5日4夜$2,387起！行程可長可短，最耐可以玩一個月。出發日期至3月底，啱晒去滑雪。

去程可以揀凌晨機 / 中午機 / 下午機，回程可以揀下午機 / 晚機 (視乎供應而定)。

大韓．首爾4日3夜套票推介：

(以2019年2月25日去、2月28日返為例，2人同行每位計)

機票＋明洞蘭山酒店 ★★★｜連稅$2,664起
座落明洞嘅酒店，位置極佳！行3分鐘可達地鐵「明洞站」！一落樓就已經可以 Shopping，附近仲有好多食肆！房間面積唔大，簡簡單單，適合喜歡方便及經濟實惠型嘅旅客！

機票＋D7 套房酒店 ★★★｜連稅$2,686起
酒店位置方便，距離地鐵「東廟前站」 (1號線、6號線) 四號出口僅2分鐘步程，行10分鐘就到東大門購物區。同時，酒店附近多食店、便利店。

機票＋首爾東大門華美達安可酒店 ★★★★｜連稅$2,710起
行2分鐘即達地鐵「新設洞站」，亦有機場巴士直達，交通便利。附近有 Cafe、韓燒餐廳，亦有便利店、超級市場！

機票＋首爾車站設計師酒店 ★★★★｜連稅$2,838起
酒店門外就係地鐵「淑大入口站」 (4號線)，搭2個站就到明洞！酒店房由唔同設計師佈置，各有主題和風格，極富設計感！

機票＋明洞 STAY B 酒店 ★★★★｜連稅$2,890起
酒店位置好方便，過條馬路就係明洞商圈，走15分鐘就到東大門、首爾塔，距離地鐵「乙支路3街站」及「忠武路站」只有約5分鐘步程，旁邊就係機場巴士站！夠晒方便。房間空間充足，最小也有20平方米 (約215呎)。

機票＋明洞九樹2號頂級酒店 ★★★｜連稅$3,063起
2017年1月開幕，一貫九樹嘅簡約雅緻設計，住得舒適。位於首爾Jung-Gu區，係買衫買化粧品嘅集中地，距離中午廣場 (Noon Square)、Bangsan市場約10分鐘步程。

除以上推介，大家可自選鍾意嘅酒店。如果要於行程中住多間不同酒店都得，搜尋時剔選「我只有部分日期需要入住酒店」就可設定套票包邊幾晚酒店，然後再另外加訂其餘日子嘅酒店！

票價已包飛機餐、23kg寄艙行李額，去 Shopping 都大把位放戰利品！以上價格係2人同行每位計，但一人出發都可，只係價格會貴啲。

筍飛台灣！華航有隻全年平飛，無論咩季節去台灣都有抵價！明年10月底前出發，香港來回台灣各地$768起 (連稅$1,436起)！

優惠適用於台灣各地！連稅計：台北$1,436起、高雄$1,519起、台南$1,527起！Open jaw 咁飛都得添，可以玩多幾個地方！

部分日子有早機去、晚機返，時間夠晒實用！票價已包30kg寄艙行李額、飛機餐！可以瘋狂掃手信！

預訂資訊：

出發日期：2018年12月31日、2019年1月3日-1月24日、2月7日-3月29日、4月7日-4月25日、5月1日-6月7日、6月9日-6月30日、7月3日-7月10日、9月1日-9月12日、9月14日-9月30日、10月1日-10月6日、10月16日-10月30日 (回程最遲11月6日)

寄艙行李限額：30kg
機票有效期：2-7日

預訂日期：即日-2018年12月31日

預訂網址：
[台北 / 台南] https://www.airbare.com.hk
[高雄] https://www.skyscanner.com.hk