講到飛歐洲嘅平飛，仲有北歐航空都好抵玩！香港來回歐洲各地$2,444起 (連稅$3,535起)！連稅三千五咋，勁筍！
連稅計：都柏林$3,535起、華沙$3,561起、阿姆斯特丹$3,617起、布拉格$3,632起、巴黎$3,697起、布魯塞爾$3,703起、日內瓦$3,621起、蘇黎世$3,710起、羅馬$3,699起！
航班係經哥本哈根轉飛嘅，明年6月中前出發都有平！Open jaw 咁飛都抵，例如阿姆斯特丹入、布魯塞爾出：連稅$3,803起！
優惠價唔係每日都有，明年3月及5月出發會比較多！大家亦可先上北歐航空官網，搜尋時揀「Low price calendar」睇整個月嘅票價，然後再上 Skyscanner 訂返有平飛日子！
出發日期：即日-2019年6月14日 (部分日子不適用)
寄艙行李限額：23kg
機票有效期：5日起
預訂日期：即日-2018年12月31日
前幾日同大家介紹過韓亞隻首爾優惠，依家再減多兩舊！香港來回首爾$1,271起 (連稅$2,018起)！2019年3月底前出發。
提提大家，韓亞航空將於明年1月1日起，徵收燃油附加費！飛短途每程比多百三蚊！要搭韓亞平飛飛首爾，趁依家好買定啦！
票價已包飛機餐及30kg寄艙行李額，去明洞 / 東大門 Shopping 就啱駛啦！韓亞仲係 Skytrax 5星航空嚟！可以歎住飛韓國！
出發日期：2019年1月2日-1月30日、2月12日-3月31日
寄艙行李限額：30kg
機票有效期：12個月
預訂日期：即日-2019年1月31日
長榮呢隻日本平飛超抵，香港來回大阪$1,376起 (連稅$2,094起)！航班係經台北轉飛，加多四舊水就可以玩埋台灣！
香港來回大阪、中停台北：$1,533起 (連稅$2,428起)！票價已包30kg寄艙行李額、飛機餐！喺心齋橋、梅田掃完貨，再去西門町、同各個夜市掃街！
出發日期去到明年9月，好多日子都有平！而長榮係 Skytrax 5星航空公司嚟，可以舒舒服服飛去玩！
點樣訂中停台北？
1. 先搵香港來回大阪有平飛嘅日子先，例如去程6月25日，回程6月29日
2. 根據 step 1 所搵到嘅日期，用「多個城市」功能去搜尋，並喺去程日期同回程日期之間，加插多一程中停。例如：(第1程) 6月25日 香港-大阪；(第2程) 6月27日 大阪-台北；(第3程) 6月29日 台北-香港
出發日期：2019年1月21日-1月29日、2月11日-4月2日、4月8日-4月14日、4月23日-5月9日、5月12日-6月5日、6月8日-6月27日、6月30日-7月11日、8月23日-9月21日
寄艙行李限額：30kg
機票有效期：1個月
預訂日期：即日起 (售完即止)
預訂網址：
[訂來回大阪] https://www.airbare.com.hk
[訂中停台北] https://hk.trip.com
澳門粉絲有平飛！台灣虎航推出早鳥優惠，澳門飛台灣單程$195起、來回連稅及手續費$788起！抵玩喎！
飛台北 / 台中 / 高雄都得，仲可於不同航點進出 (Open jaw) ！航班選擇都多，有得揀早去晚返添！
出發日期就係明年3月底至10月，平飛供應都幾充足！不過今次係限時優惠，去到明天 (12月22日) 晚上就冇啦！
提提大家：以上價格只包10kg手提行李，不包寄艙行李額及飛機餐。
行李寄艙費用 (每程計)：
15kg – $210、20kg – $240、25kg – $300
出發日期：2019年3月31日-10月26日
預訂日期：即日-2018年12月22日11:59PM
好耐冇見美國直航平飛啦！今次有美國航空筍減：香港直航來回洛杉磯$1,657起 (連稅$3,707起)！
出發日期就係明年3月至4月份。可以去過復活節添，例如4月11日去、4月19-21日回程！正！
直航機做到呢個價真係抵，仲要係搭全球機隊規模最大嘅美國航空！票價包埋46kg寄艙行李額，大把位放手信！
優惠價唔係每日都有，大家可先上美國航空官網，搜尋後睇多日票價搵出邊日最抵。然後再上 Airbare 以更低價格出飛！
出發日期：2019年3月1日-4月11日 (部分日子不適用)
寄艙行李限額：2件23kg
機票有效期：12個月
預訂日期：即日起 (售完即止)
2019年去度假！馬印航空延長優惠，明年10月前出發：香港來回東南亞各度假勝地$851起 (連稅$1,296起)！
連稅計：浮羅交怡$1,296起、布吉$1,547起、沙巴$1,652起、峇里$1,728起！各地價格都好吸引，一於買定飛去歎陽光海灘啦！
航班係經吉隆坡轉飛嘅，就咁飛吉隆坡仲抵啲添：來回$661起 (連稅$1,060起)！價格已經包咗25kg寄艙行李額、機上輕食！
優惠唔係每日去都有，大家可先上馬印官網，搜尋後睇前後日子票價，然後再上 Skyscanner / Airbare 以更抵價格訂飛！
出發日期：2019年1月8日-10月8日
預訂日期：即日-2019年1月2日
預訂網址：
[訂布吉 / 沙巴] https://www.skyscanner.com.hk
[訂其他目的地] https://www.airbare.com.hk
提提大家：大家可以輸入機場代碼嚟搜尋，會快啲搵到同確保唔會搵錯。機場代碼：浮羅交怡 LGK、布吉 HKY、沙巴 BKI、峇里 DPS、吉隆坡 KUL
想快靚正咁輕鬆返幾日，飛台灣夠晒抵玩！長榮呢隻套票價格好吸引添，連稅千七蚊玩到3日2夜！快閃遊就最啱啦！
2人同行乘搭長榮航空．香港來回台北機票＋酒店 (以最平住宿為例) 連稅：3日2夜$1,755起、4日3夜$1,820起、6日5夜$1,947起！
大家可自訂行程長短，快閃又得、慢慢 hea 都得！最耐可玩到15日14夜！而航班都有唔同選擇，可以揀早機去、晚機返！
(價格以2019年2月24日去、2月26日返為例，2人同行每位計)
趣旅館 – 林森館 ★★★｜連稅$1,883起
步行3分鐘可達捷運「中山國小站」，附近有超級市場、便利店、藥妝店。酒店走年青活力路線，有足球機及按摩椅等休閒設施！
機票＋儷客旅店 – 西門町館 ★★★｜連稅$1,910起
位於西門町嘅分館，距離西門町商圈只有5分鐘步程，行去紅樓、捷運「西門站」約10分鐘。酒店裝潢色彩繽紛富特色！最值得讚係佢哋有提供嬰孩浴盤、矮椅子、玩具等，適合帶埋嬰兒或小孩入住。
機票＋路境行旅 ★★★★｜連稅$1,972起
位置極方便，距離捷運「西門站」僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋泡泡飯店 ★★★★｜連稅$2,218起
座落大安區，位置甚佳，距捷運「忠孝敦化站」僅5分鐘步程！酒店以「點點」及「泡泡」為設計概念，目標住客群為時尚女性。整幢建築物色彩繽紛、精緻可愛，看上去十分超現實
機票＋泉都溫泉會館 ★★★｜連稅$2,271起
接近捷運「新北投站」，步行3分鐘即達！酒店設有洋式及和式客房，房內有「北投白磺溫泉」！酒店樓下就係超級市場，夠晒方便。
機票＋台北西門町意舍 ★★★★｜連稅$2,273起
意舍佈置簡約具型格，房間夠大，樓下就是誠品！位置便利，距離捷運「西門站」僅5分鐘步程。
除以上推介，大家可自選鍾意嘅酒店。揀酒店時，按「價格」由低至高排序、再以「酒店星級」及「鄰近地區」作篩選，可以更快搵出適合嘅酒店！
預訂時，記得係先揀酒店、再選機票。如果想於行程中入住多間不同酒店，搜尋時剔選「我只有部分日期需要入住酒店」就可以設定套票包邊幾晚！
出發日期去到明年7月中！而價格係2人同行每位計，已包30kg寄艙行李額、飛機餐！1人出發都得，只係價格會貴少少。
搜尋時，記得唔好於「目的地」位置輸入機場代碼，要填「台北 (及鄰近地區), 台灣」先得，否則就只要搵到機場附近嘅酒店！
出發日期：2018年12月30日-2019年1月30日、2月8日-4月4日、4月7日-4月16日、4月22日-6月5日、6月8日-6月27日、6月30日-7月11日
寄艙行李限額：30kg
機票有效期：14日
預訂日期：即日-2018年12月31日 (須於出發前最少14日預訂)
預訂網址：http://www.expedia.com.hk (以網頁版預訂為佳)
初春去旅行，有乜正過遊日睇櫻花兼浸溫泉先？JAPANiCAN 推出農曆年及櫻花季早鳥優惠，憑優惠代碼，日本酒店額外再減高達15,000円！
使用指定優惠代碼，訂滿150,000円額外再減15,000円；訂滿50,000円額外再減4,500円；訂滿20,000円額外再減2,000円！留意，每個優惠碼僅限每個帳號使用一次。
同間酒店訂滿150,000円額外再減15,000円 (1晚住宿)：18FEB21501
同間酒店訂滿150,000円額外再減15,000円 (2晚住宿)：18FEB21502
同間酒店訂滿50,000円額外再減4,500円 (1晚住宿)：18FEB20501
同間酒店訂滿50,000円額外再減4,500円 (2晚住宿)：18FEB20502
同間酒店訂滿20,000円額外再減2,000円 (1晚住宿)：18FEB20201
同間酒店訂滿20,000円額外再減2,000円 (2晚住宿)：18FEB20202
預訂時，請在「輸入預約資料」畫面中，輸入上述優惠碼。並在「確認預約資料及付款資料」畫面中，確認折扣是否有成功折抵。
入住日期：2019年1月21日-3月31日
預訂日期：即日-2019年1月3日 (額滿即止)
釜山航空都派聖誕禮物！2019年2月中前出發，澳門飛釜山單程MOP360起、來回連稅MOP1,425起！
釜航勝在航班時間靚，係凌晨機去、晚機返！不過今次價格就一般般！趕住1月份出發嘅澳門粉絲都可以諗諗嘅！
香港出發都有優惠，不過唔平。單程$500起、來回連稅$1,700起。如果唔趕住出發的話，建議等下次先買！
優惠去到12月26日，搜尋後見到價格標明「圣诞快樂活動」就係今次優惠啦！
航班時間
[香港來回釜山]
去程：BX392 02:05-06:10
回程：BX391 21:35-00:05+1
[澳門來回釜山]
去程：BX382 02:05-06:20 (逢星期一、二、四、五、六)
回程：BX381 21:50-00:20+1 (逢星期一、三、四、五、日)
提提大家：以上票價屬於特價機票，價格不包括包寄艙行李額，需要嘅話要額外加購。
出發日期：2018年12月23日-2019年2月14日
預訂日期：即日-2018年12月26日10:49PM
抵到跳舞呀！香草航空會係聽日 (12月21日) 2pm推出5週年優惠，香港飛東京單程$155起 (來回連稅$678起)！
好耐無見過咁平！必搶呀！今次優惠嘅出發日期至明年3月尾。
票價包 10kg 手提行李額，不包括寄艙行李額及飛機餐。如要將行李寄艙，費用為：每程首20kg $305，其後每5kg $76！
出發日期：2019年1月7日-3月30日 (部分日子及旺季不適用)
預訂日期：2018年12月21日2pm-12月24日22:29pm (香港時間)
預訂網址：https://www.vanilla-air.com
(於香草航空訂飛時，可以唔駛填 Passport Number)
