又有澳洲平飛，今次歎全球最佳航空都有抵價！乘搭新加坡航空，香港來回澳洲各地$2,237起！勁多航點任揀！

連稅計：珀斯$3,260起、墨爾本$3,279起、黃金海岸$3,290起、阿得萊德$3,342起、達爾文$3,378起、悉尼$3,391起、凱恩斯$3,397起、布里斯班$3,424起、坎培拉$3,740起！

咁多地方都有平，Open jaw (不同航點進出) 都得！例如墨爾本入、阿得萊德出：連稅$3,394起！可以順住路玩多幾個地方！

出發日期就係明年2月至8月，最耐可停留21日！航班係經新加坡轉飛，票價已包30kg寄艙行李額、飛機餐！

預訂資訊：

出發日期：2019年2月11日-4月9日、4月22日-8月31日

寄艙行李限額：30kg
機票有效期：2-21日

預訂日期：即日-2018年12月7日

預訂網址：https://www.skyscanner.com.hk

阿聯酋有隻杜拜平飛，上 ZUJI 用優惠代碼預訂的話，票價即減$500！使用折扣後：香港來回杜拜$2,102起 (連稅$4,004起)！

票價已包30kg寄艙行李額、飛機餐，送埋機上20MB WiFi 數據！而且歎到阿聯酋高質服務，一程過直飛杜拜，抵呀！

出發日期去到明年3月都有，最啱一家大細、三五知己去騎駱駝，再去「IMG冒險世界」、「快門樂園」或「Legoland」瘋狂玩機動遊戲！

優惠於旺季日子不適用，大家可先上阿聯酋官網，揀「我的日期可以靈活調動 (+/-3日) 」睇咩日子最抵，再去 ZUJI 用優惠代碼訂飛啦！

預訂資訊：

出發日期：即日-2018年12月19日、12月25日-2019年1月29日、2月6日-3月31日

寄艙行李限額：30kg
機票有效期：4日-1個月

減$500優惠代碼：DUB500

預訂日期：即日-2018年11月26日

預訂網址：https://www.zuji.com.hk

要筍飛新加坡 / 澳洲，搭 Scoot 價格夠晒吸引！香港飛新加坡單程連稅$488起、珀斯$908起、悉尼 / 黃金海岸 / 墨爾本$998起！

來回連稅：新加坡$999起、珀斯$1,926起、悉尼$2,070起、黃金海岸$2,071起、墨爾本$2,095起！

去澳洲嘅航班係經新加坡轉飛，部分航班係以 787 夢幻客機執飛！票價不包寄艙行李額及飛機餐，但加購埋都抵，連稅三千左右就飛到澳洲！

而澳門出發都有優惠，來回連稅計：新加坡$1,309起、珀斯$2,250起、悉尼$2,394起、黃金海岸$2,395起、墨爾本$2,419起！

出發日期去到2020年3月底添，除咗暑假及旺季日子不適用外，勁多日子任揀！即飛又得、買定早鳥飛都得！

如要加購寄艙行李額 / 飛機餐，可選擇「Fly Bag」/「Fly Bag Eat」組合。收費如下：

新加坡：Fly Bag (包20kg寄艙行李額) 每程$170、Fly Bag Eat (包20kg寄艙行李額＋機上餐食及飲料) 每程$270
澳洲：Fly Bag (包20kg寄艙行李額) 每程$435、Fly Bag Eat (包20kg寄艙行李額＋機上餐食及飲料) 每程$635

預訂資訊：

出發日期：即日-2018年11月30日、2019年1月3日-1月18日、2月22日-4月2日、4月10日-4月15日、4月23日-4月26日、5月3日-6月3日、6月11日-6月27日、7月3日-7月4日、9月2日-9月11
日、9月17日-9月27日、10月8日-11月15日、2020年1月3日-1月10日、2月10日-3月28日

預訂日期：即日-2018年11月25日

預訂網址：https://www.flyscoot.com

快閃台灣之選！雖然長榮加咗燃油附加費，飛台灣要比多少少。但只要於 Expedia 以套票形式訂晒齊「機票＋酒店」，價格都好抵玩！

2人同行出發，乘搭長榮航空．香港來回台北＋酒店 (以最平住宿為例) 連稅：3日2夜$1,747起、5日4夜$1,885起、7日6夜$2,038起！

票價已包30kg寄艙行李額、飛機餐，而且航班時間有唔同選擇，早機去、晚機返都冇問題！快閃遊都可以玩到盡！

長榮．台北3日2夜套票推介：

(以2019年3月10日去-3月12日返為例，2人同行每位計)

機票＋儷夏商旅 – 西門町西寧館 ★★★｜連稅$1,901起
位於西門町嘅酒店，附近有眾多食肆、商店，方便掃街及 Shopping ，周邊環境非常熱鬧！另外，酒店房間有免費 Mini bar供住客享用！

機票＋路境行旅 ★★★★｜連稅$1,980起
位置極方便，距離捷運「西門站」僅5分鐘步程，行去台北車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。

機票＋HOTEL PAPA WHALE ★★★★｜連稅$1,983起
2016年開幕嘅酒店，位於西門町，距離捷運「西門站」約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理！

機票＋創意西門旅店 ★★★｜連稅$1,992起
位於西門町購物商圈嘅平價旅店！距離捷運「西門站」約8至10分鐘步程。房間不大，但勝在夠平夠方便。

機票＋旅樂序精品旅館三館 ★★★｜連稅$2,116起
典雅精緻嘅酒店，外形及大堂均以黑色設計，非常有格調。酒店位處市中心旺區，鄰近台北車站、西門町，方便Shopping、掃街！

機票＋台北門精品飯店 ★★★★｜連稅$2,131起
新酒店！設計時尚有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！

機票＋丰居旅店 ★★★｜連稅$2,158起
酒店位於西門町旺區，行落樓下就有大把嘢食、大把嘢買！行去捷運「西門站」只需5分鐘，夠晒方便！

除以上推介，大家可自選心水酒店。揀酒店時，按「價格」由低至高排序、再以「位置」及「星級」作篩選，就可以更易搵到適合嘅酒店。

明年7月11日前出發都有優惠價，大家亦可自訂行程長短，最耐可以玩到15日14夜！如要於行程中入住不同住宿，搜尋時剔選「我只有部分日期需要入住酒店」就可以設定了！

提提大家：搵台北套票時，目的地要填「台北 (及鄰近地區), 台灣」，咁先會搵到台北全市嘅酒店。如果你填咗「台北, 台灣 (TPE-桃園國際機場)」，就只會搵到機場附近嘅酒店。

預訂資訊：

出發日期：即日-2018年12月19日、12月31日-2019年1月29日、2月11日-4月3日、4月8日-4月16日、4月22日-6月5日、6月8日-6月27日、6月30日-7月11日

寄艙行李限額：30kg
機票有效期：14日

預訂日期：即日-2018年11月30日

預訂網址：http://www.expedia.com.hk (以網頁版預訂為佳)

日本＋台灣！一次過抵價玩晒兩個最愛嘅地方！

長榮航空推出日本新優惠，香港經台北來回大阪只需$1,319起 (連稅$2,148起)。加多二百蚊，去程可以中停台北，即係3程機夾埋只需$1,534起 (連稅$2,369起)！

橫掂都經台灣飛，梗係自製一票兩地，中停埋台北玩多幾日啦！機票有效期仲長達一個月，玩䀆台日兩地無難度！不過如果唔打算玩埋台北嘅，搭其他航空公司嘅直航可能會化算啲！

長榮係 Skytrax 5星航空公司，包30kg行李寄艙限額及飛機餐，玩晒兩地加埋 Shopping 都夠 quota 放戰利品。

點樣訂中停台北？

1. 先搵香港來回大阪有平飛嘅日子先，例如去程3月12日，回程3月21日

2. 根據 step 1 所搵到嘅日期，用「多個城市」功能去搜尋，並喺去程日期同回程日期之間，加插多一程中停。例如：(第1程) 3月12日 香港-台北；(第2程) 3月14日 台北-大阪；(第3程) 3月21日 大阪-香港

預訂資訊：

出發日期：即日-12月19日、2019年1月9日-1月30日、2月10日-3月31日 (視乎供應)

寄艙行李限額：30kg
機票有效期：1個月

預訂日期：即日起 (售完即止)

預訂網址：https://www.skyscanner.com.hk

長榮嘅台北全年飛賣到明年7月中出發喇！雖然加咗燃油附加費，但相對其他競爭對手嚟講，性價比依然佔優！

星期日至四出發：
香港來回台北$687 (連稅$1,436)！航班時間靚仔，可以揀早去晚返！
去程適用航班：BR828 07:25-09:10、BR858 21:10-22:55、BR810 21:50-23:35
回程適用航班：任何航班 (視乎供應而定)

星期四至六出發：
香港來回台北$806 (連稅$1,555)！周末出發無航班限制，去程、回程揀咩時間都得 (視乎供應而定)。

想聖誕後跨年前，又或者農曆新年後出發？長榮仲有隻加班機優惠！

12月27日或12月28日出發：
香港來回台北只需$687 (連稅$1,459起)
去程適用航班：BR1352 01:00-02:40、BR1368 23:00-00:40+1
回程適用航班：2019年1月3日至1月11日任何航班 (視乎供應而定)

農曆年初五 (2019年2月9日) 出發：
香港來回台北只需$723 (連稅$1,472起)
去程適用航班：BR1376 22:00-23:40、BR1368 23:00-00:40、BR1252 01:00-02:40
回程適用航班：2019年2月14日至2月23日任何航班 (視乎供應而定)

票價包30kg行李寄艙額、飛機餐。

預訂資訊：

出發日期：即日-2018年12月19日、12月31日-2019年1月29日、2月11日-4月3日、4月8日-4月16日、4月22日-6月5日、6月8日-6月27日、6月30日-7月11日

跨年 / 農曆年出發日期：2018年12月27,28日 (回程平飛集中喺1月3日-1月11日)、2019年2月9日 (回程平飛集中喺2月14日-2月23日)

寄艙行李限額：30kg
機票有效期：14日

預訂日期：即日起 (售完即止)

預訂網址：https://www.skyscanner.com.hk

大韓有隻首爾平機票，官網賣連稅$1,865起！只要加多三舊水左右，就可以於 Expedia 訂齊「機票＋3晚酒店」啦！正！

乘搭大韓航空．香港來回首爾＋酒店 (以最平住宿為例) 連稅：4日3夜$2,170起、5日4夜$2,248起、6日5夜$2,326起！

航班仲係凌晨機去、晚機返添！明年3月底前出發都得，行程係可長可短，最耐玩足一個月都冇問題！

大韓．首爾4日3夜套票推介：

(以2019年3月3日去、3月6日返為例，2人同行每位計)

機票＋明洞蘭山酒店 ★★★｜連稅$2,467起
座落明洞嘅酒店，位置極佳！行3分鐘可達地鐵「明洞站」！一落樓就已經可以 Shopping，附近仲有好多食肆！房間面積唔大，簡簡單單，適合喜歡方便及經濟實惠型嘅旅客！

機票＋D7 套房酒店 ★★★｜連稅$2,543起
酒店位置方便，距離地鐵「東廟前站」 (1號線、6號線) 四號出口僅2分鐘步程，行10分鐘就到東大門購物區。同時，酒店附近多食店、便利店。

機票＋首爾東大門華美達安可酒店 ★★★★｜連稅$2,608起
行2分鐘即達地鐵「新設洞站」，亦有機場巴士直達，交通便利。附近有 Cafe、韓燒餐廳，亦有便利店、超級市場！

機票＋明洞梨花酒店 ★★★｜連稅$2,686起
2017年5月開幕，位處市中心旺區，距離地鐵「明洞站」 (4號線)只有4分鐘步程！酒店設計低調大方，房間面積不大但價格經濟實惠。

機票＋首爾宜必思東大門大使酒店 ★★★｜連稅$2,696起
酒店位置佳，由地鐵「東大門歷史文化公園站」行去酒店只需1分鐘，同東大門購物區亦只有10分鐘步行距離！

機票＋新村愛威爾8服務公寓酒店 ★★★★｜連稅$2,903起
洒店地點就腳，由酒店行去梨大1號出口只需約3分鐘，房內設有洗衣機。

除以上推介，大家可自選鍾意嘅酒店。如果要於行程中住多間不同酒店都得，搜尋時剔選「我只有部分日期需要入住酒店」就可設定套票包邊幾晚酒店，然後再另外加訂其餘日子嘅酒店！

票價已包飛機餐、23kg寄艙行李額，去 Shopping 都大把位放戰利品！以上價格係2人同行每位計，但1人出發都可，只係價格會貴少少。

預訂時，記得要先揀酒店、再選機票。去揀機票一版時，於左邊「包括的航空公司」剔選「大韓航空」，就可以快啲搵到呢隻套票啦！

提提大家：搵首爾套票時，目的地要填「首爾 (及附近地區)」，咁先會搵到首爾全市嘅酒店。如果你填咗「韓國, 首爾 (機場)」，就只會搵到機場附近嘅酒店！

預訂資訊：

出發日期：即日-2018年12月18日、2019年1月6日-1月31日、2月12日-3月29日

寄艙行李限額：23kg
機票有效期：1個月

預訂日期：即日-2018年12月10日

預訂網址：https://www.expedia.com.hk (以網頁版預訂為佳)