搶咗 Mega Sale 日本機票，想快手訂埋平酒店？可以留意樂天旅遊嘅 Super Sale 呀！6月24日前預訂，日本各地酒店低至2折起！

北海道、東京、大阪、京都、沖繩、九州等多地酒店都有激減，日式旅館、豪華酒店都有！無論去邊度玩都有平酒店，遊日唔好錯過啦！

精選酒店推介：

(2人入住雙人房，每晚房價計)

[東京] 品川王子大飯店 ★★★★｜連稅$877起 (以9月9-10日為例)
位於品川站對面，交通便利，更可於成田機場搭NEX或利木津巴士直達酒店！

[大阪] 大阪東急REI飯店 ★★★★｜連稅$511起 (以12月2-3日為例)
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及地鐵「梅田站」地下街，非常方便！客房唔大，最細果間只有13平方米，但喺梅田有呢啲價位，真係抵！

[京都] 京都四條烏丸相鐵草莓客棧 ★★★★｜連稅$603起 (以6月24-25日為例)
於2017年4月開業嘅新酒店，鄰近四條通及鳥丸通的十字路口，轉個灣就係「地鐵．烏丸駅」。所有客房都係禁煙，房內更設有究氣清新機及加濕氣。雙人房最細有16平方米，最大有32平方米。

[北海道] 札幌世紀皇家酒店 ★★★★｜ 連稅$721起 (以9月30日-10月1日為例)
位置極佳，酒店與 JR 「札幌站」相連，於地下街行3分鐘即達！酒店1樓有便利店，非常方便！

[沖繩] 富著卡福度假公寓大飯店 ★★★★★｜連稅$1,406起 (以12月2-3日為例)
位於恩納區，臨海而建，無敵海景，可直達海灘！設施夠完善，鄰近高爾夫球，完全度假mode。

[九州．由布] 御宿．由布乃庄 ★★★★｜一泊兩食．連稅$2,546起 (以9月9-10日為例)
所有客房均為鋪設有榻榻米地板及日式床鋪的日式房型，部分客房內部更設有私人露天浴池。部分住宿套餐包含頂級牛肉、碳烤雞肉晚餐。

除咗以上推介，仲有其他優惠酒店。

預訂資訊：

入住日期：即日起

預訂日期：即日-2018年6月24日10:59PM (香港時間)

預訂網址：
[香港版] https://travel.rakuten.com.hk/hotel
[台灣版] https://travel.rakuten.com.tw/hotel

提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。

香港航空推出商務艙 Mega Sale，日韓台等熱門地點都有靚價！

乘搭港航商務艙，香港來回台北$1,979起 (連稅$2,474起)、曼谷$2,008起 (連稅2,570起)、沖繩$2,205起 (連稅$2,644起)、首爾$2,501起 (連稅$3,079起)、大阪$3,072起 (連稅$3,676起)！

價格已包30kg行李寄艙額、飛機餐！畀多少少錢就可以坐到更高質素嘅商務艙，確係抵玩！上機前有得優先 Check in 及登機，仲可以歎港航嘅機場貴賓 Longue 添！

出發日期就去到2019年3月，部分日子不適用，但係台北、首爾、大阪跨年都有得平。想易啲搵到平飛，可以先喺官網用「查看7天票價」功能搜尋，然後再上 Skyscanner 以更抵價出飛。

留意番，用 Skyscanner 搜尋後，所顯示嘅並唔係真正嘅價，大家要經 Skyscanner click 入去 via.com，先至會見到以上最低價，因為入到去之後，會額外再減多$60！

預訂資訊：

出發日期：
[台北 / 首爾 / 大阪] 2018年9月1日-2019年3月31日 (旺季日子不適用)
[沖繩] 2018年9月1日-10月27日 (旺季日子不適用)
[曼谷] 2018年9月1日-2019年1月22日 (旺季日子不適用)

寄艙行李限額：30kg
機票有效期：14日

預訂日期：即日-2018年6月30日 (售完即止)

預訂網址：https://www.skyscanner.com.hk

超抵遊韓！打算去首爾賞楓、滑雪嘅粉絲們，可以睇睇港航呢隻爆平套票！於 ZUJI 訂「機票＋酒店」，玩4日連稅千6蚊起咋！

香港航空．香港來回首爾機票 (包20kg寄艙行李額、飛機餐)＋酒店連稅：4日3夜$1,609起、5日4夜$1,682起、6日5夜$1,743起！

價格係以最平住宿為例嘅，大家可以自訂行程長短，最耐玩到8日7夜！今年9月去到明年3月出發都有平，秋冬 / 初春遊韓都啱用！

港航．首爾4日3夜精選套票：

(價格以2人同行每位計)

機票＋東大門高級 K 旅館 ★★★｜連稅$1,940起 (以10月29日去、11月1日返為例)
位置優越，喺「東大門歷史文化公園站」5號出口一過馬路就到，行去東大門亦只需5分鐘，附近有唔少餐廳、小店。

機票＋K-POP 忠武路住宿酒店 ★★★｜連稅$1,988起 (以10月29日去、11月1日返為例)
位置唔錯，距離地鐵「乙支路3街站」、「忠武路站」只有5分鐘步程，行去明洞購物區亦只需10分鐘。

機票＋D7 套房飯店 ★★★｜連稅$2,293起 (以10月29日去、11月1日返為例)
酒店位置方便，距離地鐵「東廟前站」 (1號線、6號線) 四號出口僅2分鐘步程，行10分鐘就到東大門購物區。同時，酒店附近多食店、便利店。

機票＋明洞 PJ 飯店 ★★★★｜連稅$2,473起 (以11月11日去、11月14日返為例)
酒店位於明洞區，喺地鐵「乙支路4街站」同「忠武路站」之間，附近多食肆、便利店。酒店房間夠大，提供免費接駁車來往明洞購物區同東大門。

機票＋新村愛威爾 8 服務公寓飯店 ★★★★｜連稅$2,599起 (以10月29日去、11月1日返為例)
洒店地點就腳，由酒店行去梨大1號出口只需約3分鐘，房內設有洗衣機。

機票＋九樹飯店 ★★★｜連稅$2,639起 (以11月11日去、11月14日返為例)
位於明洞，地理位置優越，交通方便。 離地鐵「明洞站」 (4號線)、明洞時裝街只有3至5分鐘步程，而明洞大教堂亦係附近。

機票＋首爾索拉里亞西鐵飯店 明洞 ★★★★｜連稅$2,785起 (以10月29日去、11月1日返為例)
位於明洞核心地帶，距離地鐵「明洞站」8號出口只有3分鐘步程，行去 Noon Square 亦只需5分鐘。房間有足夠嘅空間面，最細嘅房型都有25平方米。

除以上推介，ZUJI 仲有好多酒店比大家任揀！揀酒店時，可以按「價錢」由低至高排序，會易啲搵到心水酒店！

留意，搜尋後所顯示嘅未必係港航套票。大家可以去「更改航班」、「航空公司」位置搵返「香港航空」，再揀返港航班次就得啦！

而今次航班時間就麻麻，係夜去早返。加$290可以改午去午返嘅航班！如果想改航班時間，都係同樣去「更改航班」度揀返想轉嘅班次就得了。

預訂資訊：

出發日期：2018年9月1日-9月26日、10月2日-12月19日、12月29日-2019年3月31日

機艙行李限額：20kg
機票有效期：7日

預訂日期：即日-2018年6月30日

預訂網址：https://www.zuji.com.hk/

正呀！2千蚊可以飛東京玩4日3夜！依家港航做緊 Mega Sale ，只要上 ZUJI 以套票形式預訂「機票＋酒店」，就可以用超抵價筍玩東京！

9月至明年3月底出發，香港航空．香港來回東京機票＋酒店 (以最平住宿為例) 連稅：4日3夜$2,074起、5日4夜$2,115起、6日5夜$2,221起！

價格已經包咗20kg寄艙行李額、飛機餐！咁計落抵過搭廉航喎！而航班時間就有凌晨機去、午機返，時間都唔太差！

港航．東京4日3夜「機票＋酒店」推介：

(價格為2人同行每位計)

機票＋東新宿燦路都大飯店 ★★★｜連稅$2,665起 (以9月9日去、9月12日返為例)
酒店位於東新宿，位置極方便，對面就係東新宿地鐵站，行10分鐘可到伊勢丹百貨、歌舞伎町。

機票＋赤坂頂級住宿飯店 ★★★｜連稅$2,660起 (以9月9日去、9月12日返為例)
酒店於2016年7月開業，距離千代田線嘅赤坂站只有3分鐘步程，鄰近六本木，前往東京塔亦只需25分鐘車程。樓下就有7-11。

機票＋池袋百夫長飯店 ★★★｜連稅$2,762起 (以9月9日去、9月12日返為例)
位置優越！酒店座落池袋，樓下就係便利店，落街行兩步就可以 Shopping！行3分鐘即到 JR「池袋站」，去邊都非常方便！

機票＋東京淺草紅色星球飯店 ★★★｜連稅$2,844起 (以9月9日去、9月12日返為例)
2015年落成，距離淺草 ROX 購物中心、三社祭和淺草神社不到 10 分鐘路程，房間內有晴空塔靚景！

機票＋赤坂蒙特利飯店 ★★★★｜連稅$2,880起 (以9月9日去、9月12日返為例)
位於赤坂見附站 (東京地下鐵丸之內線)，從A出口到酒店僅350米。到新宿、銀座、池袋唔駛轉線，非常方便。

機票＋里士滿淺草國際飯店 ★★★★｜連稅$2,923起 (以9月9日去、9月12日返為例)
於2015年12月開業嘅酒店，位於淺草，樓下就係百貨公司！行5分鐘就到淺草寺雷門，附近有眾多購物商店及美食，位置唔錯！

機票＋六本木雷姆飯店 ★★★★｜連稅$3,006起 (以11月11日去、11月14日返為例)
2017年3月開業，黑色外形嘅設計極具現代感！行1分鐘即到六本木站，附近有便利店，十分之方便！酒房房間備有按摩椅，部分房間睇到東京鐵塔靚景添！

除以上推介，大家可以揀自己鍾意嘅酒店！住關東地區嘅酒店都得，只要於搜尋時直接喺目的地位置輸入想住嘅地區就可。

套票行程可長可短，最耐可玩到8日7夜！打算玩多地個地方，於行程中住多間唔同嘅酒店都得，搜尋時揀選「我想搜尋其他酒店入住日期」就可以設定套票包邊幾晚酒店！

預訂時，留意搜尋後顯示嘅未必係港航套票。大家只需於「更改航班」度搵返港航班次就得！如果想易啲搵到咩日子平套票，可以先上港航網站睇多日票價，然後再上 ZUJI 訂套票啦！

預訂資訊：

出發日期：2018年9月1日-9月26日、10月2日-12月19日、12月29日-2019年3月31日

機艙行李限額：20kg
機票有效期：7日

預訂日期：即日-2018年6月30日

預訂網址：https://www.zuji.com.hk/

超級抵呀！連稅千8蚊就有齊大阪「機票＋3晚酒店」，仲要包埋寄艙行李額！大家咪錯過呢隻港航 Mega Sale 套票，上 ZUJI 訂就可以咁平啦！

香港航空．香港來回大阪機票＋酒店 (以最平住宿為例) 連稅：4日3夜$1,805起、5日4夜$1,883起、6日5夜$1,961起！就算玩6日咁耐，連稅2千蚊都唔駛！

票價包埋20kg行李寄艙、飛機餐！大家可以自訂行程長短添，最耐可以玩8日7夜！入住京都嘅酒店同樣抵玩，只要搜尋時於目的地位置輸入想住嘅地區就可以了！

港航．大阪 / 京都4日3夜「機票＋3/4星酒店」推介：

(以9月9日去、9月12日返，2人同行每位計)

[大阪] 機票＋麗嘉中之島飯店 ★★★｜連稅$2,210起
酒店位於梅田，行去地鐵「肥後橋站」一分鐘都唔駛，同時近京阪缐，出入非常方便。酒店大堂有便利店，對面有 Starbucks 及24小時營業嘅食店。

[大阪] 機票＋大阪心齋橋西佳飯店 ★★★★｜連稅$2,414起
酒店位於難波，行去心齋橋只需10分鐘，距離地鐵「長堀橋站」只有1分鐘路程，非常方便。另外，一出門口就有便利店。

[大阪] 機票＋大阪難波奏飯店 ★★★★｜連稅$2,529起
位於地鐵「難波站」出口旁嘅精品酒店，分別離南海電鐵站和JR站不遠，由關西機場坐巴士到OCAT後，只要步行5分鐘就可以到達！

[大阪] 機票＋拉亨特大阪灣酒店 ★★★｜連稅$2,785起
2016年12月20日開幕，距離日本環球影城 (Universal City) 約10分鐘步程，行去JR「櫻島站」約4分鐘，價錢比環球影城內嘅酒店平。客房以花園、叢林、宇宙為主題，色彩繽紛。

[大阪] 機票＋大阪蒙特利飯店 ★★★★｜連稅$2,866起
地點優越，由JR「大阪站」櫻橋口直出，通過梅三小路商店街，行3至5分鐘就到！各大型商場就係正附近，逛街食飯飲嘢宵夜冇難度！

[京都] 機票＋京都格蘭小姐酒店 ★★★★｜連稅$2,501起
位於市中心，行3分鐘即達地鐵「京都市役所前站」！酒店對面就係便利店、行10分鐘就到新京極商店街！酒店房型甚多，有附庭園 / 園景的和室客房！

[京都] 機票＋京都三條格拉斯麗酒店 ★★★★｜連稅$2,583起
酒店於2017年5月進行擴充，新增設南館，環境新淨整潔！位置方面亦都唔錯，位於三個鐵路站之間，僅7分鐘內步程可達、而步行5分鐘可達錦市場 / 新京極商店街、步行12分鐘可達祇園！

[京都] 機票＋京都三條三井花園飯店 ★★★★｜連稅$2,612起
酒店環境寧靜，設計上以和洋式為藍本，並提供大浴場，從浴場更可以看到園景。酒店距離地鐵「烏丸站」只有1分鐘步程，相當方便。

除以上推介，大家可以喺 ZUJI 任揀酒店！住日式旅館又得、豪住5星酒店都得！揀酒店時，按「價格」由低至高排序，可以更易搵到心水酒店！

9月至明年3月底都有平 (部分日子不適用)，秋冬去賞楓、滑雪，或者明年初春遊都得！而航班時間就有凌晨 / 午去、早返，加$520可以改夜機返！

提提大家，如果搜尋後顯示嘅並非港航班次，可按「更改航班」，於「航空公司」揀返「香港航空」嘅航班就可以搵到以上套票！

預訂資訊：

出發日期：2018年9月1日-9月26日、10月2日-12月19日、12月29日-2019年3月31日

機艙行李限額：20kg
機票有效期：7日

預訂日期：即日-2018年6月30日

預訂網址：https://www.zuji.com.hk/